Madiu 27:16 - Loina Nuahuana

¹⁶ Ma tuta nage 'oina 'aigeda loheya deliya 'imiyamiya, sanina Balaba, tomota mabwaiyadi sisanapuya 'abehega tauna togala madouna.

Madiu 27:16 ပူးပေါင်းရင်းမြစ်များ

Madiu 27:15

Bolime 'aigeda 'aigeda 'oidiya, Hataona Guyaina 'oina toloinaina 'ina mumuga beno deliyega 'aigeda loheya 'ilihasi ma 'ilatu, 'eguma taiya boda sihesinuweya.

Madiu 27:17

Coinega tomota mabwaiyadi si'eto'autama Pailato 'oina, ma Pailato 'ihesilalediya, 'ihegwaediya, “To loheya nuwanuwami ma weyahimi yalihasi? Balaba? bo Yesu tauna sibwauweya To'abihetena?”

Maki 15:7

Tuta nage 'oina tupwadi meLoma 'adi 'alehao meYudiya deliya simiyamiya. Mwalo meYudiyaedi geya nuwadi meLoma 'idi loina, 'oinega silo'alehediya, ma 'aigeda 'oidiyega sanina Balaba 'alehaina 'alona tomota 'ilohe'amasidiya. Coinega meLomaedi Balaba ma'iyanao si'abiyahidiya ma deliya silagu luhuwediya.

Luke 23:25

Ma loheyaina nuwanuwadi 'i'etolihasi weyahidi, tuwa 'i'etolihasiya, tauna tolohe'amasaina deliya silaguya mwalo tutaina tauna meLoma 'idi tohanugetao 'ilo'aleha 'oidiya. Coinega Pailatoina boda nimadiya Yesu 'ilaguya, ma 'idi nuwatuhuina sida losalohi.

Yoni 18:40

Coinega bodaedi mabwaiyadi si'apu lagata ma 'enadi madounega sigwaeya, “Geya, tauna sahena 'ulihalihasi, nuwanuwama Balabasa hesi 'ulihasi weyahima.” (Balabasaina tauna toyagaha.)

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Loma 1:32

Ma hesi tomotaedi Yehoba 'ina loina sisanasanapu, 'abehega 'eguma taiyawedi bewa gide simumuga 'esa, 'amasamo tuwa 'ilobwainediya. Ma tuwa mumuga galaedi sipaipaihowedi, ta 'eguma 'iyadiyao wete sihe'au'aunedi beno si'ahwa bwebwe'anedi.

Loma 16:7

Ciyagwao Anidaloniko ma Diuniya wete 'oidiya yahelauwa, taudi meYudiya, mwalo mahetegwao deliya 'amiyamiya, siteluwaedi ma'adi 'amayaba Yesu 'ana tohepwailao 'oidiyega, weyahina taudi tohekalesiya nugenugetadi 'abwa muliyega taugu.