Madiu 26:61 - Loina Nuahuana

⁶¹ sigwaeya, “Yesuina 'ina gwae 'ahesagoheya 'abehega sowasowana Yehoba 'ina Hada He'asisi 'iligehi yahule ma sabwelo 'etoi 'oidiya 'i'abihila.”

Madiu 26:61 ပူးပေါင်းရင်းမြစ်များ

Madiu 12:24

Ma hesi Palisiyao paihowa bewa wasana sihesagoheya ma sigwae, “Geya, ma hesi welabanao 'iyadi sanina Tomudulele 'ina waiwaiyega hi'ahi'a 'iula latuhediya.”

Madiu 26:62

Coinega topwaoli madouna 'itoholowa, Yesu 'ihesilala 'igwaeya, “To'aha 'ino he'isa 'idi he'ewa bewa weyahiu?”

Madiu 26:71

Coinega Pitaina 'ihapwesa tupwana, ma 'aigeda wete gumalaulau 'i'iteya, ma 'iyanao nobwa 'ihegwaediya, 'igwae, “Bewa loheyaina mwalo Yesu gwama Nasaletaina ba'idana simiyamiya.”

Madiu 27:40

sigwae “Ca mudala! Cugwaeya 'abehega sawasawahiu ma Hada He'asisi 'uligehi ma sabwelo 'etoi 'oina 'u'abihila. Hana 'uda 'etopelego 'uboi ma keloseyega 'usuluma, 'eguma 'owa Yehoba Natuna.”

Madiu 27:5

Coinega mane tetiyedi 'iula suluhedi Hada He'asisi 'alona, ma 'ihapwesa ma 'itauya, ma balaeyega 'ani'ona 'ididi heyapasiya, ta 'i'amasa.

Maki 14:58

“Yesu 'ina gwae 'aigeda 'ahesagoheya 'igwae, ‘Hada He'asisi bewa tomota si'abiya, 'abwa yaligehi yahule, ma sabwelo 'etoi 'oidiya ya'abihila, ma geya tomota nimadiyega,’”

Maki 15:29

Tomota 'edai sitautau ma Yesu kelose 'oina si'iteya, ma silotuyaneya ma sihenameya, sigwae, “Nuwa'ole'oleu 'iya! Cugwaeya 'abehega sawasawahiu Hada He'asisi 'uligehi ma sabwelo 'etoi 'oidiya 'u'abihila.

Luke 23:2

Sitauyeya Pailatoina 'oina, ta Yesu weyahina sihepwaila 'abo'abowa, sigwaeya, “Loheya bewa 'ina he'ita 'ahesagohediya ta 'abehega tauma meYudiya 'ihawasiyemai, beno gide 'igwaeya, ‘Sahena Kini Sisa 'ana takesi walagulagu, weyahina taugu kiniina, ta To'abihetenaigu.’”

Yoni 9:29

weyahina 'asanapuya 'abehega Yehoba 'ina hepwailao 'i'ebwaeya Mosese 'oina. Ma hesi loheyaina beno geya 'asanapu ta'ehega 'itauyama.”

Paihowa 17:18

Ta tupwadi tosinasinapuwao wete, taudi sihesaniyediya Epikulo, ma tupwadi Sitoike wete, Paulo ba'idadiu sihehegwaegwae ta tupwadi taudimo 'oidiya sihe'ote'otetela, sigwaeya, “Ciya! Toheyauyaule to'aha 'igwaeneya?” Ma tupwadi sigwae, “Nuwana hali Yehoba weyahina 'iloguloguguya,” weyahina sihesagoheya Yesu 'ina toholohila 'amasega weyahina 'ilologuguya.

Paihowa 18:13

ma sigwae, “Loheyaina bewa tomota 'itebatebaedi ta 'abehega hali tapwalolo Yehoba 'oina sipaihowa, ma bewa 'ida loina 'iligeligehi.”

Paihowa 22:22

Paulo 'ina gwae mabwaiyana bewa sihesagoha bwaibwainiya ta 'ana laba taudi 'asa ganamuli weyahidi 'igwae, ma 'oinega silolagata ma gwae madounega sibwaubwau, “Loheya bewa 'ilobwaineya bale'uwega tada 'ewayahule, ma gesowana 'ida miyamiya.”