Madiu 26:45 - Loina Nuahuana

⁴⁵ Cigumwala, 'ihilama tomuliyaowedi 'ihegwaediya, “Bwebwe'ana wa'eno'eno, wa'aiyawasi. Cigu sauga 'ilatu pwaima, ma 'agu totebaina nata taugu Loheyaiguina 'itebaegau togalagalaedi 'oidiya.

Madiu 26:45 ပူးပေါင်းရင်းမြစ်များ

Madiu 26:18

Coinega Yesu 'igwaeya, “Watauya Yelusalema ma 'igu 'ahwanoi 'aigeda loheya 'oina wahepwaila, wagwae, ‘Cima tohe'ita 'ina gwae bewa gide, 'abehega “Cigu tuta 'ilatu pwaiya ma nuwanuwagu ma 'ino hadai Hataona 'aiina ma'agu tomuliyao 'a'ai.”’”

Madiu 26:2

'igwaeya, “Wasanapuya sabwelo 'eluwa ma Hataona Guyaina tapaihowa, ma 'oinega taugu Loheyaiguina 'agu toteba 'i'ebwaegau 'agu 'alehao 'oidiya, ma kelose 'oina silohe'amasigau.”

Madiu 26:44

Coinega 'i'ebesinediya 'ebwa, 'inaohila ma 'i'ahwanoi matoina, gide nige 'i'ahwanoi 'esa.

Madiu 26:46

Watoholo, tatauya, wa'ita 'agu totebaina 'ilatu pwaima.”

Maki 14:35

Ma Yesu 'ihutulaga tupwana ma 'ibe'u talutalubu'iya ma 'i'ahwa'ahwanoi 'abehega 'eguma sawasawahina muya bewa Yehoba 'i'ewa yahule,

Luke 22:53

Ma to'aha huhuna ta 'oinega geya wa'abiyahigau sabwelowedi mabwaiyadi gamwagamwanimiya yamiyamiya Hada He'asisi 'alona yahehe'ita tomota 'oidiya? Ma bewa tuwa 'abehega watoho ma wa'abiyahigau weyahina loina guguyou 'ina tuta 'ilatu pwaiya.”

Yoni 12:23

Coinega meGilisiyedi 'enadi Yesu 'ihemaiseya, 'igwae, “Bewa tuwa tuta 'ilatu pwaima ma taugu Loheyaiguina 'agu hepwatu yaloba.

Yoni 12:27

Yesu wete 'igwaeya, “Tuta nage 'oina nuwagu 'igala hedadeya 'oinega togidega nata Tamagu 'oina ya'ahwanoi 'esa? Nuwana bewa gidemusa 'oina ya'ahwanoi 'esa ma 'abehega mwau bewa 'oinega 'ilemegau. Ma geya'abwa bewa gide ya'ahwa'ahwanoi 'esa. Weyahina mwau bewa tauna weyahina yatauyama.

Yoni 13:1

Hataona guyaina 'ana sauga 'i'e'ehoho, ma Yesu 'isanapuya 'abehega 'ina sauga 'iloba pwaiya ma bale'u bewa 'i'ebesine ma 'ilohihila Tamana 'oina. Yesu 'ina bodaowedi 'ihelauwediya madouna, 'ina tuta 'ebe hegaina hauhau 'oinega ma 'ana 'ebe losaloha 'oina 'ihelauwediya.

Yoni 17:1

Gwae bewa Yesu 'igwaenediya 'igumwala, ma 'i'ita haneya galewa ma 'i'ahwanoiya, 'igwae, “Tamagu, bewa tuwa 'igu tuta 'ilatu pwaima ma taugu tuwa natuina sanigu 'u'abi hanehe ma 'oinega taugu wete saniu ya'abi hanehe.