Madiu 26:28 - Loina Nuahuana

²⁸ Bewa bweyahigu, loina hauhauna weyahina, 'idaudau tomota mabwaiyami 'imi puiyao 'adi 'ebe nuwasam weyahina.

Madiu 26:28 ပူးပေါင်းရင်းမြစ်များ

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Madiu 26:27

Ma waini mabiyona wete 'i'eweya, ma weyahina 'iloyauwedowa Yehoba 'oina, ma 'i'ebwaediya, ma 'igwaeya, “Mabwaiyami wanuma.

Madiu 26:29

Ma yahegwaegomi tuta bewa ma mulina waini bewa geya'abwa 'oinega yanumanuma hila ta 'ana siga 'omi ba'idagwao waini hauhauna tanuma Tamagu 'ina tupwa.”

Madiu 6:12

Ma 'ima mumuga galadi 'unuwasamudi, gide wete tauma 'iyamayao 'idi mumuga galadi 'oima 'anuwasamudi.

Maki 1:4

Coinega Yoni to'abihe babitaisoina 'ilatuwa yoho 'awawa, 'ihepwaila tomota 'oidiya, 'igwae, “Mumugami galadi 'oidiyega wanuwabui ma ya'abihe babitaisogemi ma Yehoba 'imi mumugaedi 'inuwasamudi.”

Maki 14:24

Ta wete 'ihegwaediya, 'igwae, “Bewa bweyahigu 'idaudau tomota mabwaiyami weyahimi, beno loina 'ehauna.

Luke 22:19

Ta beledi 'i'eweya, ta weyahina 'iloyauwedowa Yehoba 'oina ma muliyetega 'i'abihisiya, ma 'oidiya 'iheguyaiya, ma 'ihegwaediya, “Bewa wahigu,

Loma 5:15

Weyahina mwalo Adama 'ina puiyao 'oinega 'amasa 'i'abi latuheya tomota mabwaiyadi 'oidiya, ma muliyetega Yehoba 'ina 'atemuyamuya 'oinega 'ina helau 'i'abi latuheya tomota mabwaiyadi 'oidiya, beno loheya heluwena 'oinega, tauna Yesu Keliso. Ma ginaula 'eluwaedi geya sihemahemahetena, weyahina galana 'amasa 'i'abi latuheya tomota mabwaiyadi 'oidiya, ma hesi helau 'ihewaiwai sineya.

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

1 Kolinita 11:25

Si'aiya 'igumwala, ma biyo wete Yesu 'i'eweya ta 'igwaeya, “Biyo bewa loina 'ehauna weyahina, ma loinaina hauhauna bweyahiguwega ya'abihe latuheyama. Ceguma 'abwa to tuta 'oidiya wanuma wanuwatuhu yahigau.”

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.

Kolose 1:14

Weyahina tauna 'oina 'etolihasa talobeya, beno 'ida pui 'oidiyega 'ibuyogita.

Kolose 1:20

Ta Yesu kelose 'oina bweyahina 'ina dauwega ginaula mabwaiyadi bale'uwa ma galewa simiyawasiya 'i'ewedima Yehoba 'oina sabi he'iya'iyagu hila.

Ibeliu 10:29

Coinega 'eguma taiya Yehoba Natuna 'ilohesohesoiye, ma bweyahina 'i'abihe'ehauya 'i'ahwa galagalae, ma wete 'i'abihe gamwasowali 'ada to'abihetena Yaluyaluwa Tabuna, nata 'ana maisa muya madou hedade 'iloba Yehoba 'oinega.

Ibeliu 13:20

Yehoba miya daumwala 'ana to'ehele, ma tauna wete 'ida Bada Yesu 'amasega 'i'abihetoholo hileya, ta Yesuina 'ina tohekalesiyao tauda 'ada To'itayahina moisa, ta tauna bweyahinega 'ada loina 'ausalana ta miyamiya hatayana 'i'ebwaegita.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Yoni 2:2

ma 'ida puiyao 'inuwasamudi, weyahina Yesu tauna wahina 'ipwaoliyeya 'ida puiyao weyahidi, ma wete mebale'u mabwaiyadi weyahidi.

Heꞌitaꞌita 7:14

Ma 'oina yagwaeya, “Bada 'owa 'usanasanapudi. Taugu geya.” Ta 'ihegwaegauwa, 'igwae, “Bewa bodaedi bale'u 'ana muyamuyao 'oidiyega situpwa, ma 'adi 'ale'owedi Lamiina bweyahinega 'ideulidiya ta siwa'e'eya.

Heꞌitaꞌita 7:9

Muliyetega ya'e'ebubuna ta boda madou hedade ya'itediya, geya 'aihasila. Bodaedi 'ebeloina 'aigeda 'aigeda 'oidiyega, ta susu 'aigeda 'aigeda 'oidiyega, ta boda 'aigeda 'aigeda 'oidiyega, ta 'enana 'aigeda 'aigeda 'oidiyega, mabwaiyadi wagahata wasawasa matana, ma wete Lami matana sitotoholo, ta 'adi 'ale'o wa'ewa'e'edi, ma sadasada nabaina si'abi'abi yahidi,