Madiu 24:31 - Loina Nuahuana

³¹ Ma wete yoguli simu'a ma 'igu aneloseyao yahesumanedi ma 'igu boda hesihesinuwaidi sihe'autedima bale'u mabwaiyana ma yaumai mabwaiyana 'idi tupwa 'oidiyega.

Madiu 24:31 ပူးပေါင်းရင်းမြစ်များ

Madiu 13:41

“Ma taugu Loheyaiguina 'igu aneloseyao yahesumanedi ma pui 'ana tohe'itao galadiyedi sihegogonedima ma 'igu 'ebeloina 'oinega

Madiu 24:22

Mwau nage 'ana sabwelowao 'eguma Yehoba sahena 'i'abi'abi heto'uto'upadi, nata tomota mabwaiyadi si'amasa, ma hesi Yehoba sabwelowedi 'i'abihe to'uto'upadi beno 'ina boda hehe'asaidi weyahidi.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 24:32

“Cebe'ita saido 'oinega yahe'itegomi, beno 'eguma saido 'igalugalu wasanapuya losihe 'ana tuta deina.

Madiu 25:31

“Cabwa taugu Loheyaiguina, ma'igu wasawasa 'asi'asilalaina, ma ma'igu aneloseyao 'alatuma, ma 'oinega 'igu wagahata wasawasa 'oina yamiyatoi sabi loina,

Madiu 28:18

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

Maki 13:27

'oinega 'igu aneloseyao yahetunedi, 'igu bodao hesihesinuwaidi sihegogonedima bale'u ta galewa ta yaumai mabwaiyadi 'idi tupwa 'oidiyega.

Luke 24:47

ma muliyetega saninega tetela bwebwe'ana, nuwabui ma galana 'ana nuwasam weyahidi siguguyae.’ Cidi guguyaina 'ida hegaina Yelusalema 'oinega, ma 'ida sakowasi bale'u mabwaiyana 'oina.

Yoni 11:52

Ma geya 'abehega meYudiya siboidimo weyahidi, ma hesi Yehoba 'ina tomotaiyao mabwaiyadi gogo gabulena 'oina simiyamiya, 'ihemiya 'autedi boda 'aigeda tuwa 'oina.

Loma 10:18

Ma togidega meYudiyaedi 'ina gwaeina sihesagoheya, bo geya? Cehe sihesagoheya, ta Yehoba 'ina Buki 'oina 'ihepwaila pwaiya, 'igwaeya, “Cidi loguguyaina 'asa mabwaiyadi sihesagoheya, weyahina gogo gabulena mabwaiyana 'oidiya 'i'edadana.”

1 Kolinita 15:52

Weyahina tuta 'ana 'ebe losaloha 'oina yoguli 'ida mu'a madouna, ma Yehoba wahida 'ida bui mwayamwayauwedi, ma wete to'amasao mawahi hauhaudi sitoholo hila, ta tauda mayawasida wahida wete 'ibuidi.

Epeso 1:10

ta 'ina loinaina bewa 'abehega tuta 'ana 'ebelosaloha 'oina Keliso ginaula mabwaiyadi 'ihegogonedi ma sihe'aigeda, beno ginaula galewa ma wete ginaula bale'uwa mabwaiyadi 'ilagu hegogonedi tauna matana.

1 Tesalonaika 4:16

Weyahina Badaina ma'enana madouna 'abwa 'ilatuma, ma aneloseyao 'adi tohanugeta wete 'ibwau, ma wete yoguli simu'a madouna, ma 'oinega Badaina galewega 'isuluma, ma to'amasaowedi mwalo Keliso 'ana tohemisao sitoholo nugeta,

2 Tesalonaika 2:1

Ciyamayao, nuwanuwama wada sanapu 'ida Bada Yesu Keliso 'ina latuhilama ma 'ida miya'auta 'oina weyahina.

Ibeliu 12:19

ma yoguli 'enana ma wete loheya 'enana 'oyaina 'oina, 'oinega meIsileli simatauta madouna, ta si'ahwa'ahwanoi ta 'abehega sahena 'enanaina sihehesagoha hila,

Heꞌitaꞌita 1:20

Bewa 'ipwala sebeniyedi nimagu 'ebeulega, wete mayale sebeniyedi 'adi nuwasabwalena dahwadahwanidi 'oiuwa, 'oinega ya'abi he'asilala. Cipwala sebeniyedi, beno anelose sebeni, taudi hekalesiyao sebeniyedi weyahidi, wete mayale sebeniyedi beno taudi boda hekalesiya sebeni.”

Heꞌitaꞌita 11:15

Ma anelose hesebenina 'ina yoguli 'imu'eya, ta galewega 'enadi madounega sigwaegwae, “To'abihetena ta Tamana Yehoba sihetoloina pwaiya bale'u 'ina 'ebeloina mabwaiyana 'oidiya, ma geya'abwa 'idi loinaina 'igumwagumwala.”

Heꞌitaꞌita 7:1

Ginaula bewa mulina aneloseyao 'ehata ya'itediya sitotoholo bale'u tupwanao 'adi baibaiwa 'ehata 'oidiya. Aneloseyedi yaumai 'adi baibaiwa 'ehata si'abi yahidiya ma 'abehega geya'abwa bale'uwa, nuwana holai, nuwana 'aiwe 'oidiya sitowatowa,

Heꞌitaꞌita 8:2

Ma ya'itanaowa aneloseyedi sebeni Yehoba matana sitotoholo, ma Yehoba 'idi yoguli 'aigeda 'aigeda 'i'ebwaediya.