Madiu 24:24 - Loina Nuahuana

²⁴ Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Madiu 24:24 ပူးပေါင်းရင်းမြစ်များ

Madiu 22:14

“Weyahina tomota mabwaiyadi Yehoba 'ina henuwalagu silobeya, ma hisahisadimo 'ihesinuwediya.”

Madiu 24:11

Wete palopita 'abo'abowao silatuma ma tupwami sihanugete puigomi.

Madiu 24:22

Mwau nage 'ana sabwelowao 'eguma Yehoba sahena 'i'abi'abi heto'uto'upadi, nata tomota mabwaiyadi si'amasa, ma hesi Yehoba sabwelowedi 'i'abihe to'uto'upadi beno 'ina boda hehe'asaidi weyahidi.

Madiu 24:25

Ma 'omi ginaula bewa weyahina yahepwaila nugeta pwaiya 'oimiya.

Madiu 24:31

Ma wete yoguli simu'a ma 'igu aneloseyao yahesumanedi ma 'igu boda hesihesinuwaidi sihe'autedima bale'u mabwaiyana ma yaumai mabwaiyana 'idi tupwa 'oidiyega.

Madiu 24:5

Weyahina 'abwa baibaiwadi saniguwega sihepwaila ma 'abehega sihanugete puigomi ma 'aigeda 'aigeda 'igwae, ‘Taugu To'abiheteina,’ ma tomota baibaiwadi simuliyedi.

Madiu 7:15

Tohepwaila 'abo'abodi 'oidiyega wa'itayahigomi, weyahina tupwadi 'abwa sinaoma 'oimiya, 'adi 'ita gide sipi manamanasamidi, ma 'alodiya hesi gide tuwa 'edewa lolosasa.

Maki 13:22

Weyahina Keliso 'abo'abodi ma palopita 'abo'abodi beno silatulatuma ma 'ila'ilala waiwaidi tomota 'oidiya sihe'itaedi, ma 'oidiyega 'eguma sawasawahidi Yehoba 'ina bodao hesihesinuwaidi si'abowedi.

Luke 18:7

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya.

Yoni 4:48

Coinega Yesu toloinaina 'ihegwae hileya, “Geya 'eta taiya 'ida hemisaegauwa, beno tuwa 'eguma 'igu paihowa waiwaidi ya'abi latuhedi wa'itadi ee 'abwa wahemisaegau.”

Yoni 6:37

Tomotaedi taudi Tamagu 'i'ebwaegauwa hesi nata 'oiguwa sitauyama, ma 'eguma sitauyama 'oiguwa, nata geya'abwa yalolohesohesoiyedi.

Yoni 6:39

Cihesumanegauma ma 'igu tomotaedi 'i'ebwaegauwa 'ina nuwatuhu bewa gide ma 'abehega geya'abwa 'eta taiya 'oidiyega yahe'wadalele. Ma hesi mabwaiyadi 'amasa 'oinega yada 'abi hetoholo hiladi tuta 'ana 'ebe losaloha 'oina.

Paihowa 20:16

Paulo 'ihegwae pwaimaiya ta 'abehega Epeso 'a'ebesine, ma 'abehega sahena wete tuta 'iuleule Esiya tupwainao 'oidiya, weyahina nuwanuwana ma 'ilomwayamwayau, 'eguma sowasowahina Yelusalema 'iloba Penitikosi Guyaina 'ana sabwelo 'oina.

Loma 12:18

Eema wete watoho waiwai ma mumuga bwebwe'ana 'oinega tomota mabwaiyadi mahetemiyao wamiya daumwala.

Galetiya 4:15

Eeta wa'ahwa 'iyaguwegauwa moisa, ma 'eguma sawasawahina matamiyega wada 'iwayahuledi ma wa'ebwaegau, matagu hogahogadi 'adi miyalae. Ma bewa tuwa togidega 'ida 'ahwa 'iya'iyaguina?

2 Timoti 2:19

Ma hesi Yehoba 'ina gwae 'ana wahuwahu waiwaina 'oina, mwalo silelediya 'igwae: “Cinapwana 'ina tomotaiyao 'isanapudiya.” Ma wete 'igwaeya: “Taudi Cinapwana 'oina sitagwala pwaidiya 'ilobwainediya ma mumugadi galadi silogwahatedi.”

1 Pita 1:5

Ma 'omi helauwedi wada lobadi, 'eguma Yehoba wahemisae 'abehega 'ina waiwaiyega 'ida 'itayahigomi, ta tuta 'ana 'ebelosaloha 'oina 'abihetenaina 'igibubuya weyahimi 'i'ebwaegomi.

2 Pita 3:17

Ciyagwao, nuwatuhuwedi 'omi wasanapu pwaidiya, 'oinega wa'itayahigomi watoholo pa'ala ma geya'abwa togala si'abowegomi, 'amuge ta sihanugeta puigomi ma wabe'u.

1 Yoni 2:18

Natugwao, tuta 'ana 'ebelosaloha 'itauya pwaima, ma mwalo wahesagoheya 'abehega Keliso 'ana 'alehaina 'i'iuna 'ihapwesama, sowasowana wanuwatuhuyahi Keliso 'ana 'alehao baibaiwadi bale'uwa simiyamiya, 'oinega tasanapuya tuta 'ana 'ebelosaloha bewa,

1 Yoni 2:22

Ma taudi to'abowedi Yesu simwehihiyeya, ma sigwae, “Yesu tauna geya To'abihetena.” Ceguma taiyawedi sigwaegwae gidemusa, taudi Keliso 'ana 'alehao, weyahina Keliso ma Tamana silogwahatediya.

1 Yoni 5:18

Ma hesi tasanapuya 'abehega 'eguma Yehoba 'ihenatunegita geya'abwa tapuipui, weyahina tauna Yehoba 'ihenatuna nugeteya 'i'ita'ita yahigita, ma geya'abwa topuiina 'i'abi'abi tohogita.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.