Madiu 24:13 - Loina Nuahuana

¹³ Ma 'eguma taiya 'ihe'alama'i'ita ma 'itoholo pa'ala ma 'ana siga tuta 'ana 'ebelosaloha 'oina, yaliyaya hataya 'iloba.

Madiu 24:13 ပူးပေါင်းရင်းမြစ်များ

Madiu 10:22

Ma tomota mabwaiyadi silo'alehegomi weyahina 'omi 'abehega 'agu tohemisao. Ma 'eguma taiyawedi si'alama'i'ita ma sitoholo pa'ala ma 'ana siga tuta 'ana 'ebelosaloha 'oina, 'abwa yaliyaya hataya siloba.

Madiu 24:12

Ma wete mumuga galana 'ina madou 'oinega tomota tupwana baibaiwana 'idi helau 'atediyega 'iwe'a.

Madiu 24:6

Wete wasa 'abwa wahesagohedi 'alehao deimiya ma bwaga weyahidi, ma sahena wa'ate'ateyoho. Weyahina ginaula bewa silatu nugeta ma hesi bale'u 'ana 'ebelosaloha 'abwa.

Maki 13:13

Ta tomota mabwaiyadi 'abwa silo'alehegomi weyahina 'omi 'abehega 'agu tohemisao. Ma hesi taiyawedi 'omi weyahigu wa'atepatu ee 'ana siga tuta 'ana 'ebelosaloha 'oina, nata 'ebe yaliyaya waloba.

Luke 21:19

ma 'omi watoholo pa'ala eeta 'oinega yawasimi hataya waloba.

Luke 8:15

Ma patuwedi bale'u bwebwe'ana 'oina sibe'uwa, taudi beno ma 'idi 'atetagwala gwaeina sihesagoheya, 'oinega sihe'alama'i'itana, ma Yehoba 'ina gwae 'oidiya 'ihuwa bwaibwaina.”

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

1 Kolinita 1:8

Ma tauna 'i'abi'abi hepa'aligomi, ta geya 'eta 'imi puimo, ma 'ana siga sabweloina 'ilohihilama.

Ibeliu 10:39

Ma tauda sahena talolohihila, weyahina beno 'ebe hesilae. Ma tuwa ma'ida hemisa ma 'oinega yaluyaluwada simiya bwebwe'ana.

Ibeliu 3:14

Tauda mwalo 'ida hemisa Keliso 'oina talaguya, ma 'eguma 'ida hemisaina ta'abiyahi bwaibwaini ma 'ana siga tuta 'ana 'ebelosaloha 'oina, Keliso ba'idadai tayaliyaya mahemahetena.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.