Madiu 23:8 - Loina Nuahuana

⁸ Ma 'omi hesi sahena tomota si'ahwa'ahwa tohe'itegomi, weyahina 'imi tohe'ita 'aigeda tuwamo, ma mabwaiyami wahemahemahetena.

Madiu 23:8 ပူးပေါင်းရင်းမြစ်များ

Madiu 10:25

Ma hesi 'ausala 'eguma 'abehega 'omi 'agu tomuliyao, ma 'omi ma taugu tahemahemahetena. Weyahina taugu hada toniwagagu, ma 'eguma sihesaniyegau Tomudulele, 'omi 'igu bodao 'abwa si'ahwa galagalaegomi madouna.

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Madiu 23:10

“Sahena wete tomota si'ahwa'ahwa badaegomi, weyahina Keliso tauna 'iboinamo 'imi bada.

Madiu 23:7

ma 'eguma 'ebe maketi 'oina sitauya nuwanuwadi ma tomota baibaiwadi siloyauwedowedi nuwana si'ahwa tohe'itaedi.

Madiu 26:25

Coinega 'ana toteba Yudasa 'ihegwaeya, “Bada to loheya tauna? Nuwana taugu?” Ta Yesu 'igwaeya, “Cugwae pwaiya bo'i.”

Madiu 26:49

ma 'idumwaluwa Yesu 'i'atusapwaliya, ta 'igwaeya, “Yauwedo Bada.”

Maki 10:51

Cinaoma ma Yesu 'ihegwaeya, 'igwae, “To'aha nuwanuwau ma weyahiu yapaihowa?” Ma tomata gibugibuina 'igwaeya, “Bada, sawasawahina ma matagu 'ugihe'asilala?”

Maki 11:21

Ta Pita Yesu 'ina heliyaina 'inuwatuhu yahiya ma 'ihegwaeya, 'igwae, “Bada 'u'ita, 'aiweina 'uheliyeya 'iwelai pwaiya.”

Maki 14:45

Coinega 'idumwaluwa Yesu 'oina ma 'ihelauweya ma 'i'atusapwaliya.

Maki 9:5

Coinega Pita Yesu 'ihegwaeya, 'igwae, “Bada, 'ida miya bewa bwebwe'ana, 'oinega 'imi hadahada 'etoi 'a'abidi, 'aigeda 'owa weyahiu, 'aigeda Mosese, ma 'aigeda Ilaitiya.”

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

Yoni 1:38

Simulimuliyeya, sitautauya ma Yesuina 'i'ita lohihila, ta 'i'itediya mulinega sitautauyama. Coinega 'ihesilalediya 'igwae, “To'aha nuwanuwami?” Ma taudi sigwae, “Tohe'ita, ta'ehina 'umiyamiya?”

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Yoni 11:8

Coinega 'ana tomuliyaedi sihegwaeya sigwae, “Cinapwana, sahena tatautauya 'asainaina 'oina. Weyahina 'eguma tatauya, nata meYudiya da'uleyega si'ahu he'amasigo.”

Yoni 20:16

Muliyetega Yesu Meli sanina 'i'inaneya 'igwae, “Meli.” Meliina 'ihutu lohihila, ma Yesu 'oina 'igwaeya, 'igwae, “Labonai.” (Labonai 'ana sanapu ‘Tohe'ita.’)

Yoni 3:2

Loheyainaina nihuwanega 'itauya Yesu 'oina ma 'ihegwaeya 'igwae, “Cinapwana, 'asanapuya 'owa tohe'itaina Yehoba 'oinega 'utauyama. Weyahina geya 'eta taiya 'ina paihowa waiwaina 'owa gidemusa 'eguma Yehoba geya mahetena.”

Yoni 3:26

Coinega tohe'ohe'oheyedi sitauya Yoni 'oina sigwae, “Cinapwana, mwalona loheyaina 'oima 'ugwaegwaeneya tutaina 'owa ma tauma Yolidani we'ahina hali tupwanega tamiyamiya. Tauna bewa tuwa loheyaina 'i'abi'abi hebabitaiso, ma boda mabwaiyadi 'ina babitaiso nuwadi 'i'eweya, 'oinega si'au'auta 'oina.”

Yoni 4:31

Beno 'oina tomuliyaedi Yesu sihegwaeya sigwae, “Cinapwana, mane musa 'eta to'aha 'uda 'aputoho?”

Yoni 6:25

Muliyetega Galili holaina hali tupwega silobeya, ma sihegwaeya, sigwae, “Cinapwana, tolahisa 'uhabalama?”

Yoni 9:2

Ma Yesu 'ana tomuliyao sihegwae sigwae, “Tohe'ita, taiya 'ina pui 'oinega loheya nage 'ili'uwa mata gibugibuina? Ciboimo tuwa 'ina pui bo sinana ma tamana 'idi pui?”

2 Kolinita 1:24

Geya 'abehega 'ahetoloina pa'alina 'oimiya 'imi hemisa ta 'imi tapwalolo weyahidi, weyahina 'imi hemisega watoholo pa'ala pwaiya, ma hesi sabi lemegomi 'imi yaliyaya weyahina.

2 Kolinita 4:5

Cima lohatoto geya tauma weyahima, ma hesi Yesu Keliso tauna 'ida Badaina weyahina, ma tauma 'imi topaihowao tuwa Yesu weyahina.

Epeso 3:15

tauna susu mabwaiyadi galewa ma bale'uwa lamudi,

Pilimoni 1:16

Mwalo tauna 'ino topaihowa, ma sauga bewa geya 'abehega 'ihetopaihowamo, ma tauna wete ta'ahwa tasine Yesu Keliso 'oinega. Tauna bo'i ya'ahwa tasineya, ma 'owa 'ilobwainegowa ma 'u'ahwatasina moisa, weyahina tauna 'ino topaihowa ma wete tasiu 'ida Bada 'oinega.

Yemesa 3:1

Tasigwao, sahena watohotoho ma baibaiwami wahetohe'ita, ma wasanapu 'abehega 'eguma tahe'ita ma geya tapaihowa, 'abwa Yehoba 'ihetalaegita.

1 Pita 5:3

Ma geya'abwa watoho ma wahetoloina 'oidiya, ma hesi mumuga bwebwe'ana wahe'itae 'oidiya, ma simuliyegomi.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

Heꞌitaꞌita 22:9

Coinega tauna 'ihegwaegauwa, 'igwaeya, “Geya'abwa gide, weyahina taugu topaihowa tuwa gide 'owa, ma tasidao taudi palopitao, ta wete taudi buki bewa 'ana tohematamatanao. Ma hesi Yehoba 'iboi namo 'oina 'u'etuluha.”