Madiu 20:14 - Loina Nuahuana

¹⁴ Cino kina bewa 'u'ewa ma 'utauya. Ma taugu 'igu loina 'abehega tomota hauhaudi sinaoma 'adi maisa ya'ebwaedi 'owa gide 'a maisa.

Madiu 20:14 ပူးပေါင်းရင်းမြစ်များ

Madiu 20:13

“Ma badaina 'aigeda 'oidiyega 'ihegwaeya, 'igwae, ‘Ciyagu, geya wete ya'abowego, weyahina 'ida loina nugenugetana 'abehega kina 'aigeda tuwamo 'u'ewa.

Madiu 20:15

Maisa bewa taugu 'igu 'ebeloina. Sahena 'omi waloiloina. Sahena 'igu helau tomota 'oidiya weyahina wahe'ipi'ipi.’

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:2

Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

Madiu 6:6

Ma 'owa 'eguma 'u'ahwanoi, 'uluhu nugeta 'ino hada 'alona ma 'uhadagudu ma 'u'ahwanoi dahwana Tamadaina 'oina, ma taunamo 'i'itago ma muliyetega maisa bwebwe'ana 'i'ebwaego.

Luke 15:31

“Ta 'oinega badaina natuna 'oina 'igwaeya, ‘Natugu, 'usanapuya 'abehega 'owa tuta mabwaiyana deiguwa 'umiyamiya, ma to'aha gide 'igu 'ebeloinao, mabwaiyana nimauwa simiyamiya,

Luke 16:25

“Ma Ebalahamo 'ihegwaeya, 'igwae, ‘Natugu, 'usanapuya 'abehega mwalo yawasiu mabwaiyana yaliyayamo, ma hesi Lasalo geya 'aigeda 'ebeyaliyaya 'iloba. Coinega bewa tutaina tauna ma'ina yaliyaya, ma 'owa 'umuyamuya.

Yoni 17:2

Weyahina loina mabwaiyana tomota weyahidi 'u'ebwaya pwaigauwa ma taugu yawasidi miyamiya hatayana baibaiwadi ya'ebwaedi, tomotaedi 'u'ebwaegauwa 'oidiya.

Loma 3:19

Ma tasanapu pwaiya 'abehega Mosese 'ina loinao beno meYudiya 'ada loina 'oinega geya sowana 'eta taiya 'igwaegwae hila tutaina Yehoba 'ina bwa'omatana 'ana tuta 'oina, weyahina tomiya bale'u mabwaiyada togala.

Loma 3:4

Nata geya! Weyahina bwagana tauda mabwaiyada to'e'abo'abo, ma Yehoba tuwa 'iboimo dumwadumwaluna. Yehoba tauna weyahina 'ina Buki gide 'ihepwaila 'esa, 'igwaeya Cabehega 'ina gwaeyega si'ahwamoisae, ma 'ina yatala 'oina 'ihewaiwai.