Madiu 2:13 - Loina Nuahuana

¹³ Sitauya, ma hesi Yosepa 'oina anelose 'aigeda nihiyega 'ilatuwa ma 'ihegwaeya, 'igwae, “Yosepa, 'utoholo ma gwama masinana 'utoedi ma wadena tupwa Itipita 'oina ma nobwa wamiyamiya ma 'ana siga yahemataluwego, ma walohihilama. Cimi dena bewa huhuna, weyahina Helodi nata beno gwamaina 'i'ebese ma 'abehega 'ilohe'amasi.”

Madiu 2:13 ပူးပေါင်းရင်းမြစ်များ

Madiu 1:20

Ma Yosepa 'ina nuwatuhu 'abwa 'ipaipaihowa, ta 'ina tuta 'enowa nihiyega Yehoba 'ina anelose 'aigeda 'ihegwaeya, 'igwae, “Yosepa, 'owa Debida tubuna, sahena 'unuwanuwagala Meli 'ina gamwa weyahina, beno Yaluyaluwa Tabuna 'oinega, tuwa 'eguma 'utoe mwaneu.

Madiu 10:23

“Ma 'eguma 'aigeda tupwa 'oina sihunuhunugomi, wadena hali 'asa 'oina. Moisa 'abwa, sahena 'asa mabwaiyana Isileli 'alona wapaipaihowa salohi, ma taugu loheyaiguina yahilama.

Madiu 2:12

Ma muliyetega nihiyega Yehoba 'ihemataluwediya ma sahena Helodi 'oina sihilahila, 'oinega sitoholowa ma mali 'edega sitauya 'idi 'asa.

Madiu 2:14

Coinega nihuwanina 'oina Yosepa 'itoholowa ma gwama masinana 'itoediya ma sitauya Itipita.

Madiu 2:16

Ma tutaina Helodi tosonogaedi 'iyamwa 'asaediya, weyahina geya sihilama, 'idi 'abo weyahina 'igamwasowala madouna, ma 'ina loina 'ilaguya ta tolo'alehao 'ihewasaediya Bedeliyema 'asanao 'oidiya, ma 'abehega gwagwama loheloheyadi taudi 'adi bolime 'eluwa 'oinega 'isuluwa sida lohe'amasidi. Gwagwamaedi bewa gide 'adi loina Helodi 'ilaguya, weyahina tosonogaedi 'idi gwae 'oinega 'isanapu pwaiya gwamaina 'ina li'u 'ana tuta.

Madiu 2:22

Sihilama ta Yosepa wasa 'ihesagoheya 'abehega Helodi natuna Alekeleo 'ihesuwaheyeya ma 'ihetoloina tupwa Yudiya 'oina, ma Yosepa 'imatauta ta geya nuwana 'itauya Yudiya 'oina, ma nihiyega Yehoba sanapu 'i'ebwaeya, ma 'isakowasiya 'itauya tupwa Galili 'oina,

Paihowa 10:22

Ma sigwaeya, “Konilio 'ihetunemaiya, tauna tolo'alehao 'adi tohanugeta, ma loheya dumwadumwaluna ma Yehoba 'ana tohe'asisi, ma wete Yudiya mabwaiyadi si'ahwa loheya bwebwe'aneya, ta 'ana hemataluwa 'ihesagoheya Yehoba 'ina anelose 'oinega ma 'abehega 'owa 'ibwauwego tauna 'ina hada ma 'ino gwae 'ida hesagohe.”

Paihowa 10:7

Aneloseina 'ina gwae 'igumwala ma 'itauya, ta Konilio 'ina topaihowao 'eluwa 'ibwauwedima ta 'ina tolo'aleha 'aigeda, tauna wete Yehoba 'ana tohe'asisi madouna. Taudi sitetoiyedi 'ana tolemao bwebwe'adi.

Paihowa 12:11

Ma Pita 'inuwasabwalena ta 'igwae, “Yasanapu pwaiya 'abehega 'ida Bada 'ina anelose 'ihewasaeyama ma 'ilemegauwa Helodi 'ina loina 'oinega, ta gesowana meYudiya 'idi nuwatuhuwao sida paihowadi.”

Paihowa 12:7

Ta Yehoba 'ina anelose 'aigeda mwayamwayau 'ilatuma ma deliina 'alona 'i'asilala, ma aneloseina Pita lesulesuna 'isapiya ta 'ilohanohanoya ta 'igwaeya, “Cutoholo mwayamwayau.” Ta 'ana 'ebepai nimanega sibe'uwa.

Paihowa 16:36

Coinega to'itayahiina deli 'alonega 'iluhuwa ma wasaina 'ihepwaileya Paulo 'oina, 'igwae, “Toloinao wasa sihewaseyama 'abehega yalihasigomi, 'oinega wahapwesama ma ma'imi yaliyaya watau.”

Paihowa 5:19

Ma nihuwanega Bada 'ina anelose 'aigeda deli 'ana gudu 'iso'eya, ma 'itoe hapwesediya,

Paihowa 7:19

ma 'i'abowediya, weyahina tubudaowedi 'iloinaedi ma natudiyao 'i'iudi siuledi 'atamana ma si'amasa.

Heꞌitaꞌita 12:14

Ma wahineina magisubu madouna papenao Yehoba 'i'ebwaeya ma 'oinega 'itaheya 'ina tupwa yoho 'awawa, ma beno 'oina Yehoba 'i'ita'itayahi bolime 'etoi ma tupwana 'oidiya, ma geya'abwa mwataina 'i'abi'abiyahi.

Heꞌitaꞌita 12:4

Ma subwenega 'ipwala baibaiwadi 'i'ahusapidiya ta 'iulediya bale'uwa. Ceguma 'ipwalaedi mabwaiyadi tawatahidi 'etoi tupwa 'oidiya, 'aigeda tupwa 'oina 'ihunu hegumwalidiya, ta 'eluwa situpwa. Ta hebaiina bwehabwehalina wahineina matana 'itoholowa, ma 'eguma 'ihenatune, nata gwamaina 'i'ai.

Heꞌitaꞌita 12:6

Ma wahineina 'idena tupwa yoho 'awawa. Nage 'oina wahineina 'ina tupwa Yehoba 'i'atububuya, ma 'oina 'i'itayahi sabwelo 'adi baibaiwa gide wan tausani tuhandeledi sikisti (1260).