Madiu 19:21 - Loina Nuahuana

²¹ Ta Yesu 'igwaeya, “Ceguma nuwanuwau ma mumugau mabwaiyana bwebwe'ana, 'uhila 'ino 'asa, ma 'ino tobwatobwa mabwaiyadi 'uhegimwaneyedi, ma 'adi maisa 'uheguyaiye towewelohe 'oidiya, ma 'oinega 'unaoma ma 'umuliyegau, ma 'oinega 'abwa wasawasa galewa 'uloba.”

Madiu 19:21 ပူးပေါင်းရင်းမြစ်များ

Madiu 16:24

Muliyetega Yesu 'ana tomuliyao 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma tauna 'ina nuwatuhuwao 'ilogwahatedi, ma tauna 'ana kelose 'i'ahali, ma 'oinega 'i'amasa, beno gide 'agu muliyaina 'ana 'eda.

Madiu 19:20

Ta hewaliina 'igwae, “Loinaedi mabwaiyadi yamuliya bwaibwainidiya, ma to'aha wete yada paihowa?”

Madiu 19:22

Loheyaina Yesu 'ina gwae bewa 'ihesagoheya, ta ma'ina nuwagala 'ihila. Tauna 'ana bolime geya baibaiwana, ta 'ina tobwatobwa baibaiwa hedade 'inuwahidiya.

Madiu 19:28

Ma Yesu 'ihegwaediya, “Yagwae moisa, 'abwa bale'u 'ana 'abihe'ehau 'oina taugu Loheyaiguina 'igu wagahata wasawasa 'oina yamiyatoi, ma wete 'omi 'agu tomuliyao wate tuwelo 'imi wagahata tuwelo 'oidiya wete wamiyatoi, ma meIsileli 'idi susuwao tuwelo waloinaedi.

Madiu 4:19

Coinega 'ibwauwediya, ta 'igwae, “Wamuliyegau ma tomota wa'onadi.”

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Madiu 8:22

Ta Yesu 'ihegwaeya, “Tuwa! Nobwa tamau, ma hesi 'umuliyegau, ma taudi to'amasao 'idi to'amasa silagu galiha.”

Madiu 9:9

Coinega Yesu tupwa bewa 'i'ebesineya ma 'itauya, ma loheya 'aigeda 'i'iteya, sanina Madiu, takesi 'ana hada 'ebe paihowa 'alona 'imiyamiya, 'oinega 'ihegwaeya, 'igwae, “Madiu, 'umuliyegau.” Ta Madiu 'itoholowa ma Yesu 'imuliyeya.

Maki 10:21

Coinega Yesu ma'ina yaliyaya loheyaina 'i'ebubuya ma 'igwae, “Beno tuwa 'aigeda ginaula 'ilosapuligowa. Coinega 'uhila 'ino 'asa, ma 'ino tobwatobwa mabwaiyana 'uhegimwaneye, ma 'adi maisa 'uheguyaiye towewelohe 'oidiya, eema 'unaoma 'umuliyegau, 'abwa muliyetega 'ino wasawasa galewa 'uloba hila.”

Maki 2:14

Cihe'ita 'igumwala ma 'inaonao. Ma loheya 'aigeda takesi 'ana to'ewa 'i'iteya 'ina hada 'ebe paihowa 'oina 'imiyamiya. Loheyaina Libai, ma tamana Alipiyo. Ma Yesu 'ihegwaeya, “Libai 'umuliyegau.” Coinega Libaiina 'itoholowa ma Yesu 'imuliyeya.

Maki 8:34

Coinega Yesu boda mabwaiyadi ma wete 'ana tomuliyao mahetediyao 'ibwau he'autedima, ma 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma 'iboi 'ina loina 'ilogwahate, ma 'aneyage 'iboi 'ana kelose 'i'ahali ma 'i'amasa, beno gide 'ana 'eda'eda, 'eguma taiya 'imuliyegau.”

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

Luke 14:33

Coinega Yesu 'ina hemataluwa 'ilosalohiya, ma 'oidiya 'igwae, “Bewa gide wete 'agu muliya 'ana 'eda. Ceguma taiya 'owa nuwanuwau ma 'umuliyegau, nugeta 'ino 'ebeloina mabwaiyana 'u'ebesinedi.

Luke 16:9

Ta Yesu wete 'ihegwaediya, “Bale'u wasawasao galadi, ma 'eguma wasawasaedi 'oidiyega 'iyamiyao wahelauwedi, 'abwa taudi sihaesotegomi 'ebemiya hatayaina 'oina, tutaina wasawasaedi sigumwala.

Luke 18:22

Cina gwaeina bewa gide Yesu 'ihesagoheya, 'oinega 'igwaeya, “Caigeda ginaula tuwa 'ilosapuligowa, beno 'abehega 'ino tobwatobwa mabwaiyana 'uhegimwaneyedi ma 'adi maisa towewelohe 'oidiya 'uheguyaiyedi, ta 'oinega 'unaoma, 'umuliyegau ma 'oinega 'abwa 'ino wasawasa galewa 'uloba.”

Luke 5:27

Ma muliyetega Yesu 'ilatuwa, ma 'aigeda takesi 'ana to'ewa sanina Libai 'i'iteya 'ina hada 'ebe paihowa 'oina 'imiyamiya, ma 'ihegwaeya, 'igwae, “Libai 'umuliyegau.”

Luke 6:40

Wete gide 'eguma 'aigeda tomuliya, geya sowasowahina ma 'ina tohe'ita 'isanapu sine. Ma hesi 'eguma 'ina sanapu 'imadou, beno siteluwaedi 'idi sanapu mahemahetena.

Luke 9:23

Muliyetega mabwaiyadi 'oidiya 'igwae, “Ceguma taiya 'owa nuwanuwau ma 'umuliyegau, sahena 'uboi weyahiu 'unuwanuwatuhu. Ma hesi 'uboi 'a kelose 'u'ahali sabwelo 'aigeda 'aigeda ma 'oinega 'umuliyegau.

Yoni 10:27

Weyahina taugu 'igu sipiyao 'enagu sisanasanapu, ma wete taugu yasanasanapudi eema simulimuliyegau.

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Paihowa 2:45

Ta 'eguma 'idi 'ebeloina 'asai simiyamiya sihegimwaneyedi ta ginaulaedi 'adi maisega siheguyaiyedi taudi geya 'idi tobwatobwaomo 'oidiya.

Ibeliu 10:34

Ta wete tupwadi deliya silagudiya weyahidi wa'atemuyamuya, ta wa'abihetediya. Ta wete tutaina mwalo tomota 'imi tobwatobwao siyagahidiya wayaliyaya moisa, weyahina wasanapuya 'abehega galewa 'imi tobwatobwao 'ausala hedadedi ma miyamiya hatayadi simiyamiya.