Madiu 17:12 - Loina Nuahuana

¹² Ma hesi Ilaitiyaina 'ilatu pwaima, ma tomota geya si'inana, ta hesi sipaipaihowa galana 'oina to'aha 'idi nuwatuhu gide, nata wete taugu Loheyaiguina gide 'oiguwa simumuga 'esa.”

Madiu 17:12 ပူးပေါင်းရင်းမြစ်များ

Madiu 11:2

Tuta nage 'oina Yoni to'abihebabitaiso deliya silagu pwaiya, ma To'abihetenaina 'ina paihowa tetelina 'ihesagoheya, ma 'oinega 'ana tomuliyao 'ihesumanediya ta sitauya Yesu 'oina,

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 17:11

Ta Yesu 'igwaeya, “Cehe gide, Ilaitiya 'abehega 'inugetama, ma 'oinega ginaula mabwaiyadi 'i'abihe dumwaludi.

Madiu 17:13

Coinega tomuliyaowedi nage 'oina sisanapuya 'abehega Yesu Yoni to'abihebabitaiso weyahina 'igwaegwae.

Madiu 17:22

Muliyetega Galili 'oina simiyamiya, ma Yesu 'ihenuwa laguwediya, 'igwae, “Cabwa 'agu toteba 'itebaegau taugu Loheyaiguina 'agu 'alehao 'oidiya,

Madiu 17:9

Yesu ba'idanao 'oyega sidobidobima, ma Yesu 'ihegwaediya, 'igwae, “Ginauledi nige wa'itediya sahena tomota 'oidiya wahehepwaila 'ana siga taugu Loheyaiguina 'amasega yatoholo hilama.”

Madiu 21:32

“Weyahina mwalo Yoni 'eda dumwaluna 'ihe'itegomiya ma 'omi geya wahemisa, ma hesi takesi 'ana to'ewao ma toganawalao sihemiseya. Ma matamiyega wete wa'iteya sinuwabuiya, ma 'omi hesi geya wanuwabui bo nuwana wahemise, 'awa?”

Madiu 8:20

Ma Yesu loheyaina 'ihegwaeya, 'igwae, “Cedewa totopwatula ma'idi gaula, ma wete bwasumo ma'idi nehwa, ma taugu Loheyaiguina geya 'igu 'ebe 'enomo.”

Luke 7:33

Ceda'edaedi bewa 'ana sanapu 'abehega Yoni to'abihe babitaisoina 'inaoma ma beledi sahena 'i'ai'ai ma waini geya 'ida numeya, ma 'oinega wagwae 'abehega hi'ahi'a Yoni 'i'abihe yauyauleya?

Yoni 1:11

Ma saugaina wete 'iboi 'inaoma 'ina bodao 'oidiya, ma wete taudi silogwahateya.

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Paihowa 4:10

Coinega nuwanuwama 'omi ma meIsileli mabwaiyami wada sanapu 'abehega loheya bewa matamiya 'itohotoholo 'ina bwebwe'ana Yesu Keliso 'oinega, tauna gwama Nasaleta, kelose 'oina walohe'amasiya, ma Yehoba 'i'abihetoholo hileya.

Paihowa 7:52

Ma wete, tubumiyao palopita mabwaiyadi simumuga galagalaediya ma silohe'amasidiya, palopitaowedi taudi Todumwalu 'ina latuma sihepwaila nugeteya, 'oinega 'omi wete Todumwaluina watebaeya ma walohe'amasiya.