Madiu 14:31 - Loina Nuahuana

³¹ Ma Yesu 'ilomwayamwayauwa ma Pita 'i'abiyahiya, ta 'igwae, “Tohemisa 'i'iuu, to'aha weyahina 'uhenuwanaluwa?”

Madiu 14:31 ပူးပေါင်းရင်းမြစ်များ

Madiu 14:30

Citautauya ma yaumai madouna 'i'iteya, ma 'imatauta, ta holai 'idamana, ma 'ibwauwa, “Bada 'u'abihetegau!”

Madiu 14:32

Coinega siteluwa wagai sigeluwa, ma yaumai 'i'ata.

Madiu 16:8

Ma Yesu 'idi nuwatuhu 'isanapu pwaiya, 'oinega 'ihegwaediya, “To'aha weyahina wagwaegwae 'abehega geya 'ami 'ulaheyamo? Beno geya weyahina yagwae. Geya wahemisa moisa, 'awa?

Madiu 17:20

Ta Yesu 'igwaeya, “Weyahina 'imi hemisa 'iwe'a. Yagwae moisa 'eguma 'imi hemisa 'ana waiwai gide seyala patuna, 'abwa 'oya nage 'oina wagwae, ‘Bewa 'oinega 'umiya dobi,’ nata 'ihematamatana tuwa. Gide wete ginaula mabwaiyadi sawasawahimi ma wapaihowadi.”

Madiu 6:30

Coinega wanuwanuwatuhu Yehoba 'ina 'itayahina 'oimiya weyahina. Tauna pwatula 'ihepasediya hane bwebwe'adi 'oidiyega; nige haneyedi sididiya ma gona siwelai ma sigabudi, ma 'omi pwatula wabwebwe'ana sinediya, ma hesi 'ami 'ale'owao 'i'ebwaegomi. Coinega sahena 'imi hemisa Yehoba 'oina 'iwe'awe'a.

Madiu 8:26

Ma 'ihegwaediya, “To'aha weyahina wamatauta? Togidega geya 'imi hemisamo, 'awa?” Coinega 'itoholowa ma yaumai ma bagodu 'iheliyediya, 'igwae, “Walolagu!” Ma ni'u mabwaiyana 'idaumwala.

Maki 1:31

Ta Yesu 'iluhuwa 'oina ma nimanega 'i'abihe toholoya, ta 'ana lohalaina 'igumwala. Coinega wahineina 'ilatuwa ma 'adi 'ipaihoweya.

Maki 1:41

Coinega Yesu 'i'ate muyemuyeya, ma nimanega loheyaina 'wapina 'i'abi tohoya, ma 'igwae, “Cehe gidemusa.”

Maki 11:23

Wete yagwae moisa 'oimiya, 'eguma taiya 'omi geya 'ida henuwanaluwa, ma 'eguma ma'ina hemisa ma to'aha 'igwaene silatu tuwa, 'eguma 'oya nage 'iloine ma 'igwae, ‘Cumiya dobi ni'uwa,’ beno 'ina gwaeina 'ihematamatane.

Maki 16:7

Hesi wahila ma Yesu 'ana tomuliyao 'oidiya ta wete Pita 'oina wahepwaila, wagwae, ‘Yesu nata 'inugeta Galili, ma 'omi wamuliya, ma nage 'oina wa'ita, gide mwalo 'ina hepwaila 'oimiya.’”

Maki 4:40

Ma 'ana tomuliyao 'ihegwaediya, 'igwae, “To'aha weyahina wa'ateyohowa? Togidega ta geya 'imi hemisamo?”

Maki 5:41

Ma gwamaina nimana Yesu 'i'abiya ma 'igwaeya, “Talita kumi.” Ma 'ana bui, “Gwamasine 'utoholoma.”

Luke 24:34

ma bodaedi Yesu weyahina sigwaegwae, sigwaeya, “Saimoni 'ida Badaina 'i'ita pwaiya, 'amasega 'itoholo hila.”

Paihowa 4:30

Ta wete 'ino waiwaiyega tolohalao 'uda 'abihe bwebwe'anedi, ma 'ila'ilalao ma hedehedede 'uda gihelatuhedi, 'ino hewali hesihesinuwaina, sanina Yesu 'oinega.”

1 Timoti 2:8

Nuwanuwagu loheloheya tupwa mabwaiyadi 'oidiya mumugadi sibwebwe'ana, ma nimadi si'abilagasi ta si'ahwanoi Yehoba 'oina, ma sahena sihehegamwagamwagu ma sihehe'ahwalasalasa.

1 Pita 1:5

Ma 'omi helauwedi wada lobadi, 'eguma Yehoba wahemisae 'abehega 'ina waiwaiyega 'ida 'itayahigomi, ta tuta 'ana 'ebelosaloha 'oina 'abihetenaina 'igibubuya weyahimi 'i'ebwaegomi.