Madiu 14:19 - Loina Nuahuana

¹⁹ Coinega boda 'iloinaediya ma modumoduwa simiyatoiya, ma beledi nima 'ai'aigeda ta silahana 'eluwa 'i'ewediya, ma 'i'ita haneya galewa, ta 'e'ahaiyedi weyahidi 'igwae helauwa, ma muliyetega beledi 'igimwahisiya, ta 'ana tomuliyao 'i'ebwaediya, ma taudi tomota 'oidiya siheguyaiya.

Madiu 14:19 ပူးပေါင်းရင်းမြစ်များ

Madiu 14:18

Ta Yesu 'igwaeya, “Beledi ma silahanaedi wa'ebwaegau.”

Maki 6:39

Coinega boda 'iloinediya ma mabwaiyadi simiyatoiya boda ma boda pwatula 'oina.

Maki 6:41

Ma beledi nima ma silahana 'eluwaedi 'i'ewediya, ma galewa 'ilo'ita haneya ma 'igwae helau 'e'ahaiyedi weyahidi, ma muliyetega belediyedi 'ihisidiya ma 'ana tomuliyaowedi 'i'ebwaediya, eeta siheguyaiyediya. Ma silahana 'eluwaedi wete gidemusa 'ihisidiya ma 'i'ebwaediya.

Maki 7:34

'oinega Yesu 'ilo'ita hane galewa, ma 'atemuyemuyega 'igwaeya, “Epapata,” beno 'ana bui “Culosabwalena.”

Luke 22:17

Ta waini mabiyona 'i'eweya, ta weyahina 'iloyauwedowa Yehoba 'oina, ma muliyetega 'ihegwaediya, 'igwaeya, “Biyo bewa wa'ewa ma 'aigeda 'aigeda mabwaiyami wanuma.

Luke 22:19

Ta beledi 'i'eweya, ta weyahina 'iloyauwedowa Yehoba 'oina ma muliyetega 'i'abihisiya, ma 'oidiya 'iheguyaiya, ma 'ihegwaediya, “Bewa wahigu,

Luke 24:30

Cidi tuta 'ai 'oina, Yesu beledi 'i'eweya, ta weyahina 'igwae helauwa, ma muliyetega 'i'abihisiya ta 'i'ebwaediya.

Luke 9:14

Ma bodaedi 'oidiyega loheloheyamo 'adi baibaiwa gide paibi tausani. Coinega Yesu 'ana tomuliyao 'ihegwaediya, 'igwae, “Tomotaedi wawatahidi ma 'idi boda 'oidiyega walagudi, gide tomota pipiti boda 'aigeda 'aigeda 'oidiya, ma gide simiyatoi 'esa.”

Luke 9:16

Coinega Yesu beledi nima ma wete silahana 'eluwa 'i'ewediya, ma galewa 'i'ita haneya, ta 'e'ahaiyedi weyahidi 'igwae helauwa. Ma muliyetega 'ihisidiya ma 'ana tomuliyao 'i'ebwaediya ma siheguyai tomota 'oidiya.

Yoni 11:41

Coinega da'uleina sibui wasiyeya, ma Yesu 'i'ita haneya galewa, ma 'i'ahwanoiya 'igwae, “Tamagu yauwedo, weyahina 'owa 'enagu 'ana tohesagoha.

Yoni 6:23

Ma 'iyamo waga tupwadi Taibiliya 'oinega sitauyama gadowaina 'oina boi Yesu boda beledi 'oinega 'ihe'aidiya, tutaina belediyedi 'i'ahwa bwebwe'anediya Yehoba 'oina.

Paihowa 27:35

Ma gwae bewa 'igwaeneya ta beledi 'i'eweya ta weyahina 'iloyauwedo Yehoba 'oina, mabwaiyama matama, ma 'ihisiya, ma tauna 'i'ai nugeta.

Loma 14:6

Ma 'eguma 'eta taiya sabwelo tupwadi 'ihe'asisiyanedi, tauna 'ipaipaihowa gidemusa Yehoba weyahina. Wete gide 'eguma 'eta taiya 'e'ahai mabwaiyana 'i'ai'ai besobeso, tauna 'iboi 'ina nuwatuhu beno 'abehega 'ina 'aiyega Yehoba 'ihe'asisiye, eema 'e'ahaiyedi weyahidi 'iloloyauwedo Yehoba 'oina. Wete gide 'eguma 'eta taiya 'e'ahai tupwadi 'i'etala he'asisiyanedi, tauna 'iboi 'ina nuwatuhu ma 'abehega Yehoba 'ida he'asisiye, ma weyahina 'iloyauwedo 'oina.

1 Kolinita 10:16

Ceguma sakalemeni weyahina taloyauwedo Yehoba 'oina ma tanuma, beno Keliso bweyahinega 'i'abihe bwebwe'anegita ma Keliso mahetedai tahe'aigeda. Gide beledi 'eguma tahisi ma ta'ai, belediina 'oinega Keliso mahetedai tahe'aigeda, weyahina tauna wahina ta'ai'ai.

1 Kolinita 10:31

Taudi 'idi gwaeina 'adi maisa bewa, 'abehega 'ilobwainegita ma 'ida paihowa mabwaiyana, 'ada 'e'ahai, 'ada numa, bo to'aha wete, eema mabwaiyana 'oidiyega Yehoba sanina ta'abi hemadou.

1 Kolinita 11:24

ta 'iloyauwedowa Yehoba 'oina ma 'ihisiya, ta 'igwaeya “Bewa wahigu 'omi 'ami 'abihetena weyahina. Coinega bewa gide 'agu 'ebe nuwatuhuyahina wapaihowa 'ese.”

Kolose 3:17

Ma mumugami mabwaiyadi, beno 'imi gwaeyao nana 'imi paihowao mabwaiyadi 'ida Bada Yesu saninega wapaihowa ma'imi loyauwedo Yesu saninega, Tamada Yehoba 'oina.