Madiu 13:39 - Loina Nuahuana

³⁹ ma 'awata 'ana tosaweyana beno tauna Seitani, ma tuta 'eli'eli beno tuta 'ana 'ebelosaloha, ma to'eli'eli taudi anelose,

Madiu 13:39 ပူးပေါင်းရင်းမြစ်များ

Madiu 12:32

“Ma 'eguma taiya 'i'ahwa galegalegau taugu Loheyaiguina, Yehoba nata gwaeina 'inuwasam, ma 'eguma taiya Yaluyaluwa Tabuna 'i'ahwa galegale gesowana Yehoba 'inuwanuwasam, tuta bewa 'oina, ma tuta sinaonaoma 'oidiya.”

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Madiu 13:25

Ma nihuwana si'eno sinediya, ma 'ana 'aleha 'aigeda 'inaoma tanoha, ta 'awata 'ana 'ita gide witi wete 'isaweyaneya witi moisa 'alona, ma muliyetega 'itauya.

Madiu 13:28

“Ma tanoha taniwagana 'igwaeya, ‘Nuwana 'agu 'aleha 'aigeda 'isaweyaneya.’ Coinega 'ina topaihowao sigwaeya, ‘Togidega? Sawasawahina ma 'awataedi 'adabu yahuledi?’

Madiu 13:40

ma tuta 'ana 'ebelosaloha 'oina togala taudi tuwa gide 'awata sihegogonedi ma sigabu yahuledi.

Madiu 13:49

Gide wete, tuta 'ana 'ebelosaloha 'oina, aneloseyao sinaoma ma togala siwatahidi tobwebwe'ana 'oidiyega,

Madiu 24:3

Muliyetega 'itauya Olibe 'oyana 'oina ta 'imiyatoiya, ma 'ana tomuliyao 'oina sinaoma ta siboidimo simiyamiya ma 'oinega sihesilaleya, sigwaeya, “Bada, 'uhegwaemai to tuta 'oina Hada He'asisi sile'wa, ma 'ino tuta hilama, ma tuta 'ana 'ebelosaloha weyahina 'adi 'ila'ilala 'uhe'itemai ma 'asanapu.”

Madiu 25:31

“Cabwa taugu Loheyaiguina, ma'igu wasawasa 'asi'asilalaina, ma ma'igu aneloseyao 'alatuma, ma 'oinega 'igu wagahata wasawasa 'oina yamiyatoi sabi loina,

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

1 Kolinita 10:11

Cebe'itaedi bewa mabwaiyadi Buki He'asisi 'oina silelediya 'abehega bewa tuwa mehau tauda hemaisaedi mwaudi tanuwatuhu yahidi ma sahena puiyedi tapaipaihowadi.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Ibeliu 9:26

Moisa, 'eguma Keliso 'ina paihowa taudi topwaoli madoudi gide, 'ida 'amasa hilahila bale'u 'ana gihehemasalaha 'oinega ta tuta nige. Ta hesi ma'aigedamo tuwa, tuta 'ana 'ebelosaloha bewa 'oina, wahina tauna 'ipwaoliyeya, mumuga galadi 'adi nuwasam weyahina.

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

Yude 1:14

Mwalohene Inoke togalaedi weyahidi 'iloguguya, ma Inokeina 'eguma yasoyao tahasilidi Adama 'oinega ma 'itauya yaso sikisi sigumwala, ma yaso hesebenina beno Inoke 'ina yaso. Eeta Inokeina 'ina loguguya 'oina 'igwaeya, “Wa'ita! Bada 'ina aneloseyao 'asi'asilalaidi ma mabwaiyadi mahetenao sinaonaoma,

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.