Madiu 13:23 - Loina Nuahuana

²³ “Ma patuwedi bale'u 'ausalana 'oina sibe'uwa, taudi tetela bwebwe'ana sihesagoheya, ma 'ana nuwasabwalena 'oidiya 'imiyamiya, ta huwaidi 'ausala silagudiya. Tupwadi huwaidiyao handeledi, ma tupwadi sikisiti, ma tupwana teti.”

Madiu 13:23 ပူးပေါင်းရင်းမြစ်များ

Madiu 12:33

Yesu wete 'ihegwaediya, “Caiwe 'eguma 'ausalana, huwaina wete 'ausalana. Ma 'eguma 'aiwe galana, huwaina wete galana. Weyahina 'aiwe 'aigeda 'aigeda huwaidi 'oidiyega tasanasanapudi 'abehega 'aiwedi 'ausaladi bo galadi.

Madiu 13:8

Ma tupwana patu bale'u 'ausalana 'oina sibe'uwa, ta sibwalama ta simadouwa ma sihuwa, 'oinega patu huwadi 'adi baibaiwa handeledi, ma tupwana sikisiti, ma wete tupwana teti.

Madiu 3:10

Ma 'eguma 'imi mumuga geya bwebwe'adi nata Yehoba 'iheyatalaegomi, gide 'aiwe 'eguma geya huwaina bwebwe'ana, tomota sigoha yahuledi ma 'aiwe 'ala'alata 'oina siuledi ma sigabudi.

Madiu 3:8

Coinega 'ilobwainegomiya ma 'imi nuwabui moisa wahe'itaedi 'imi paihowa bwebwe'adi 'oidiyega.

Maki 10:15

Yahegwaegomi 'eguma taiyewedi taudi geya'abwa gwagwama bewa gide 'idi hemisa, nata sahena Yehoba 'ina 'ebeloina 'oina siluhuluhu.”

Maki 4:20

“Ma 'ane patuwedi bale'u bwebwe'ana 'oina sibe'uwa, 'ana nuwasabwalena 'abehega tomotaedi taudi ma'idi tagwala moisa Yehoba 'ina gwae sihesagoheya, 'oinega huwaidi bwebwe'adi ma baibaiwadi 'ilagudiya. Tupwadi huwaidiyao teti, ma tupwadi sikisiti, ma tupwadi handeledi.”

Luke 13:9

ma 'eguma 'ihuwa, tuwa 'itotoholo, ta 'eguma geya huwainamo, 'oinega 'ugoha yahule.’”

Luke 8:15

Ma patuwedi bale'u bwebwe'ana 'oina sibe'uwa, taudi beno ma 'idi 'atetagwala gwaeina sihesagoheya, 'oinega sihe'alama'i'itana, ma Yehoba 'ina gwae 'oidiya 'ihuwa bwaibwaina.”

Luke 8:8

Ma tupwana bale'u 'ausalana 'oina sibe'uwa ta sibwalama, ma simadouwa ma sihuwa, ta 'oidiyega 'ebayo bwebwe'ana silobeya, weyahina patuwedi 'aigeda 'aigeda 'oidiyega handeledi silobediya.” Coinega Yesu boda 'ihegwaediya, 'igwae, “Ceguma matenami gwae bewa wahesagohe.”

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

Yoni 8:47

Weyahina taiya 'eguma moisa Yehoba 'oinega 'itauyama, tauna moisa Yehoba 'ina gwae 'ana tohesagoha bwaibwaina. Ma 'omi hesi nuwana geya Yehoba 'oinega watauyama, 'oinega Yehoba 'ina gwae geya wada hesagohediya.”

Paihowa 16:14

Ma 'aigeda wahine 'oidiyega sanina Lidiya, 'asa Tayataila wahineina, ma Yehoba 'ana tohemisa, ta 'ina paihowa beno 'aigeda 'ale'o wasawasa 'ana tohegimwane. Ma wahiwahineyedi 'ima gwae sihehesagohedi, ma Yehoba hemisa Lidiya 'atena 'ilaguya, ma Paulo 'ina guguya 'ihemiseya,

Paihowa 17:11

Mwalo Tesalonaika 'oina meYudiya genuwadi wasaina, ma hesi meYudiya Beliya 'oina 'idi tagwala bwebwe'ana, ma wasaina nuwadi 'i'eweya, 'oinega sabwelo 'aigeda 'aigeda Buki He'asisi sihasihasili ta 'abehega wasa bewa 'ana moisa sida sanapu.

2 Kolinita 9:10

Tauna hewana ma 'e'ahai 'adi To'ehele 'imi ginaulao 'i'ebwaegomi ma simadou bwaibwaina, ma mumugami bwebwe'ana 'oinega 'etahi madouna waloba,

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

Pilipai 4:17

Cigu gwae bewa geya 'abehega nuwanuwagu 'ehele wada 'ebwaegau, ma hesi 'abehega 'imi 'ehele huwaina 'oimiya 'ida madou, 'ami lema moisa weyahina.

Kolose 1:10

Ta 'imi paihowaedi 'oidiyega 'ida Badaina wa'abihe yaliyaya. Ma wete mumugami bwebwe'ana 'ihuwahuwa, ta Yehoba 'ana sanapu 'oimiya 'ihemadou.

Kolose 1:6

Wasaina wahesagoheya ta sauga bewa tupwa mabwaiyadi 'oidiya 'ihehemadou ma 'ihuwahuwa, 'omi gide saugaina Yehoba 'ina helau wahesagoha nugeteya Epapila 'oinega, ma wa'ahwa moisaeya.

1 Tesalonaika 4:1

Ciyamayao, nuwatuhu wete 'aigeda 'ida Bada Yesu weyahina 'ahenuwa lagugomi, ma 'aguguyegomi, beno mwalo mumugaedi 'ahe'itegomiya ta wasanapuya 'abehega bwebwe'adi, ta weyahidi Yehoba 'iyaliyaya, ma bewa tuta 'oidiya wamumuga, sowasowana wapaipaihowa hilahiladi.

2 Tesalonaika 2:10

Ma taudi tetela moisa 'adi tologwahatao 'idi tupwa 'asa 'ala'alatana, Yehoba 'itagwaledi ma Seitani 'ina 'e'abo'abo mabwaiyana sihemisaedi, ma taudi yatala siloba, weyahina geya nuwadi he'ita moisa, ma hesi silogwahateya,

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.

Ibeliu 6:7

Tanoha weyahina tanuwatuhu. Ceguma 'idohi hilahila, 'oinega bale'u 'i'abihegogai, ma hewana ma'ina yaliyaya 'ibwalabwala, beno tobegula 'ina 'ebeyaliyaya, ta 'ana sanapu 'abehega bale'uina Yehoba 'igwae helauweya.

Ibeliu 8:10

Bada wete 'igwaeya, 'igwae, ‘Cabwa 'igu loina hauhauna meIsileli nuwadiya yalagudi ma 'atediya yaleledi, ta 'oinega taugu 'idi Yehoba ma taudi 'igu tomotaiyao.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.