Madiu 13:19 - Loina Nuahuana

¹⁹ Ceguma taiya Yehoba 'ina loina tetelina 'ihesagoheyamo, ma geya 'inuwasabwalena, 'abwa togalaina 'inaoma ma gwaeyedi loheya 'atenega 'i'ewayahuledi. Beno patuwedi sibe'uwa 'edai 'adi sanapu.

Madiu 13:19 ပူးပေါင်းရင်းမြစ်များ

Madiu 12:26

“Seitani wete gide, 'eguma ma'ina bodao siboidimo silo'aleha, nata 'ina 'ebeloinaina 'ibe'u.

Madiu 13:20

“Ma wete patuwedi bale'u loda'uda'uleina 'oina sibe'uwa, taudi tetela bwebwe'ana sihesagoheya, ma ma'idi yaliyaya sitagwala,

Madiu 13:38

ma tanoha beno bale'u mabwaiyana, ma witi beno taudi Yehoba 'ina loina 'ana tomuliyao, ma 'awata beno togalanaina 'ana topaihowao,

Madiu 4:23

Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.

Madiu 5:37

Ma hesi 'eguma gwae moisa, 'ugwae, “Moisa.” Ma 'eguma geya, 'ugwae “Geya.” Weyahina 'eguma gwae 'ulohepoi, beno Seitani 'oinega.

Maki 4:15

Tupwadi patuwedi sibe'uwa 'edai, gide tomotaedi Yehoba 'ina gwae sihesagoheya, ma Seitani 'inaoma eema gwaeina 'oidiyega 'i'ewa yahulediya.

Luke 10:9

Ma wete gogoina 'oina wamiyamiya 'idi tolohalao wa'abihe bwebwe'anedi, ma wete toni 'asao wahegwaedi, wagwae, ‘Yehoba 'ina loina 'i'iunamo ma 'ilatu 'oimiya.’

Luke 9:2

Coinega 'ihewasediya ma 'abehega Yehoba 'ina hetoloina tomota 'oidiya siguguyae, ma wete lohalao si'abihe bwebwe'anedi.

Yoni 18:38

Coinega Pailatoina wete Yesu 'oina 'ihesilala, 'igwae, “To'aha sanina sanapu moisa?” Pailato 'ihesilala 'igumwala, ma 'ilatuwa 'atamana, ta meYudiyaedi 'ihegwaediya 'igwae, “Loheya bewa geya 'eta wete pui 'oinega yaloba.

Yoni 8:43

Coinega to'aha weyahina 'igu gwae geya wada sanapudiya? Nuwana 'igu hepwailaedi geya wada hesagoha bwaibwainidiya.

Paihowa 17:32

Ma bodaedi to'amasa 'idi toholo hila wasana sihesagoheya, ma tupwana sihenameya, ta tupwadi sigwaeya, “Nuwanuwama ma 'abwama nuwatuhu bewa weyahina 'uhe'ote'otetela hila ma 'ada hesagoha.”

Paihowa 18:15

ma hesi nuwatuhu bewa, waboi tuwa 'imi gwaegwae ma saniyao ma loinao 'imi 'asega, 'oinega waboi tuwa waloina. Taugu yalogwahata.”

Paihowa 20:25

“Wanuwatuhuyahi mwalo tuta baibaiwana 'oidiya 'asakosakowasi 'oimiya, ta Yehoba 'ina hetoloina tetelina weyahina yalologuguya. Ma bewa wahesagohe, 'abwa nata geya wete wa'ite'ite hilegau.

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

Loma 1:28

Bewa 'oinega Yehoba 'ana nuwatuhu geya nuwadi, eeta Yehoba 'itagwalediya ma nuwatuhu galadi 'ilohemahadi, ma ginaulaedi geya 'adi lobwaina tuwa sipaihowadi.

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Loma 2:8

ma tupwadi tomota sihe'ahwa pa'ipa'i'i hedada, ta mumuga bwebwe'ana silogwahateya, ta mumuga galana sipaipaihowadi, ee 'oinega Yehoba 'abwa 'igamwasowaledi ma 'iloinaedi.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

2 Tesalonaika 2:12

ta mumuga galana nuwadi 'i'eweya. Ceguma mwalo tetela moisa sihemisae, Yehoba 'ida 'abihetediya, ma hesi geya.

Ibeliu 2:1

Coinega sawasawahida ma gwaeyedi tahesagohediya tanuwatuhu yahidi, ma sahena tanuwanuwa naidedi.

1 Yoni 3:12

Ma geya'abwa Keni gidemusa, weyahina Keniina Tomudulele 'ina boda, ta tasina 'ihunuya. Ma 'ina lohe'amasaina huhuna tuwa he'ipi'ipi, weyahina tasina 'ina paihowa bwebwe'ana ma Keniina 'ina paihowa galana.

1 Yoni 5:18

Ma hesi tasanapuya 'abehega 'eguma Yehoba 'ihenatunegita geya'abwa tapuipui, weyahina tauna Yehoba 'ihenatuna nugeteya 'i'ita'ita yahigita, ma geya'abwa topuiina 'i'abi'abi tohogita.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.