Madiu 12:44 - Loina Nuahuana

⁴⁴ Coinega hi'ahi'aina 'iboinamo 'oina 'igwae, ‘Nuwana yalohihila 'igu 'ebemiya nugenugetana 'oina.’ Eeta 'ihila ta 'ebemiyaina 'ilobeya hadenamo se'ise'ilina ma 'atu'atububuna.

Madiu 12:44 ပူးပေါင်းရင်းမြစ်များ

Madiu 12:29

“Cebe'ita bewa loheya waiwaina gide Seitani 'ina hada. Geya sawasawahina 'aigeda taiya 'iluhu ma 'ina tobwatobwa 'ilohetuwe, ma hesi 'eguma 'aigeda loheya balaeyega tohewaiwaiina nimana ma 'ahena 'ipai nugetedi, ma 'oinega muliyetega sawasawahina 'iluhu 'ina hada ma tobwatobwaedi 'ilohetuwe.

Madiu 12:43

“Ceguma hi'ahi'a loheya 'aigeda 'oinega 'ilatu, loheya 'ibwebwe'ana, ma hi'ahi'aina nata tuwa 'atamana 'iyawayawala bwagabwaga ma 'ina 'ebe 'aiyawasi 'i'ebe'ebesa ma geya 'iloba.

Madiu 12:45

Coinega 'itauya ma hi'ahi'a site sebeni wete 'itoedima ta ba'idanao siluhuwa 'ebemiyaina 'oina, ta nobwa ba'idanao simiyamiya. Eeta loheyaina 'ina miya si'abihegala bwaibwainiya, mwalo geya gide. Mehau 'omi wete gide togala ma 'imi 'ebe losaloha gala hedade.”

Luke 11:25

Coinega 'ihila ma 'ebemiyaina 'iloba hileya 'asi'asilalana ma 'atu'atububuna.

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Yoni 13:2

Sauga nage 'oina Yesu ma 'ana tomuliyao nima bwaubwau ma 'eluwa mahetenao si'ai'ai. Ma Yudasa Isakaliyota, tauna Saimoni natuna, Seitani 'oina 'iluhu pwaiya 'ihenuwa laguweya ma 'abehega Yesu 'itebae.

Yoni 13:27

Sauga nage 'oina Yudasa beledi 'i'eweya ma Seitani 'oina 'iluhuwa. Coinega Yesu Yudasaina 'ihegwaeya 'igwae, “Culomwayamwayau ma 'ino paihowaina 'upaihowa.”

1 Kolinita 11:19

Ta hesi 'imi 'ewatawatahaina 'ana bwebwe'ana beno 'abehega taiyewedi taudi tohekalesiyao moisa ta'inanadi.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

1 Yoni 2:19

ma Keliso 'ana 'alehaowedi 'adi 'ita gide Keliso 'ana tohemisao, ma geya. Weyahina taudi 'eguma 'ida boda moisa, 'abwa mahetedao tamiyamiya. Ma hesi geya! Tuwa si'ebesine pwaigita.

1 Yoni 4:4

Natugwao, 'omi Yehoba 'oinega wali'uma, 'oinega hali yaluyaluwaedi wahewaiwai sinediya, weyahina Yaluyaluwaina 'oida 'imiyamiya Tohewaiwai moisa, ma hesi yaluyaluwaina mebale'u 'oidiya 'imiyamiya, 'ina waiwai geya madouna.