Madiu 11:25 - Loina Nuahuana

²⁵ Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

Madiu 11:25 ပူးပေါင်းရင်းမြစ်များ

Madiu 16:17

Ma Yesu Pita 'ihegwaeya, 'igwae, “Saimoni, Yona natuna, 'owa moisa toyaliyaya 'aigeda, weyahina 'ino sanapu bewa geya tomota 'oidiyega, ma hesi Tamagu galewa 'ina sanapuwega 'i'ebwaegowa.

Madiu 21:16

Coinega babadaowedi Yesu sigamwasowaleya ta sigwaeya, “Gwagwamaedi bewa 'idi gwae 'uhesagoheya?” Ma Yesu 'igwae, “Cehe, yahesagoheya. Ma togidega Buki He'asisi 'oina wahasihasili, 'igwaeya, ‘Gwagwama 'i'iudi 'ahwadiyega 'a hepwatu moisa 'uloba.’”

Luke 22:42

'igwaeya, “Tamagu yo, 'eguma nuwanuwau, muyamuya biyoina bewa 'oiguwega 'uda 'ewayahule. Ma sahena taugu 'igu nuwatuhu 'oinega, ma hesi 'owa 'ino nuwatuhu 'oinega 'upaihowa.”

Luke 23:34

Coinega Yesu 'igwaeya, “Tamagu yo, 'idi pui bewa 'unuwasamudi, weyahina geya sisanapu to'aha sipaipaihowa.” Ma tolo'alehaowedi Yesu 'ana 'wama si'eweya, ta 'oinega si'eheyaheyaleya, tuwa gide siulahesinuwa, ma 'oinega 'eguma taiyawedi sinugeta 'wamaedi si'ewadi.

Yoni 11:41

Coinega da'uleina sibui wasiyeya, ma Yesu 'i'ita haneya galewa, ma 'i'ahwanoiya 'igwae, “Tamagu yauwedo, weyahina 'owa 'enagu 'ana tohesagoha.

Yoni 12:27

Yesu wete 'igwaeya, “Tuta nage 'oina nuwagu 'igala hedadeya 'oinega togidega nata Tamagu 'oina ya'ahwanoi 'esa? Nuwana bewa gidemusa 'oina ya'ahwanoi 'esa ma 'abehega mwau bewa 'oinega 'ilemegau. Ma geya'abwa bewa gide ya'ahwa'ahwanoi 'esa. Weyahina mwau bewa tauna weyahina yatauyama.

Yoni 12:28

Ma hesiyage bewa gidemusa ya'ahwanoi 'esa, yagwae, ‘Tamagu, saniu 'u'abi hanehe.’” Nage 'oina 'enana 'aigeda galewega 'igwae, “Sanigu ya'abi hanehe pwaiya, ma 'abwa nata wete ya'abi hanehe hila.”

Paihowa 17:24

“Tauna bale'u mabwaiyana ma ginaula mabwaiyana 'oina simiyamiya 'adi tohemasaleha, ta galewa ma bale'u 'adi Bada. Coinega geya hadao tomota nimadiyega si'abi'abidi 'alodiya Yehobaina 'ida miya.

1 Kolinita 2:10

Ta hesi Yaluyaluwa Tabuna 'oinega Yehoba sanapuina 'i'abilatuheya 'oida, weyahina Yehoba Yaluyaluwana ginaula mabwaiyana 'isanapudiya. Coinega Yehoba 'ina nuwatuhu dahwadahwaidi wete 'isanapudiya.

2 Kolinita 3:14

Moisa, meIsileliyedi nuwa potapotadi, mwalohene ta nige, weyahina 'abwa tuwa bewa 'eguma loina miyamiyana 'ana hasila sihesagohe, nuwadi sitala 'au'ausidi 'idi nuwa potepotega, ma sahena sinuwanuwa sabwalena, ma Keliso 'iboimo sowasowahina tala'ausina 'i'ewa yahuledi.