Madiu 11:23 - Loina Nuahuana

²³ “Ma 'omi meKapaneumi togidega? Cabehega taumimo wa'abilagasigomi galewa, 'awa? Geya hene! Ma hesi nata Bwebweso 'alona siula dobihegomi. Weyahina 'ebe henainaidaedi yapaihowa pwaidiya 'oimiya ma hesi geya wanuwabui, ma mwalo 'eguma meSodoma 'oidiya yada paihoweya, mwalo hene sida nuwabuiya, ma 'ane Yehoba sahena 'imutumutudi, ma nige 'idi 'asa 'ida miyamiya.

Madiu 11:23 ပူးပေါင်းရင်းမြစ်များ

Madiu 10:15

Moisa, 'abwa yatala 'ana tuta 'oina, taudi 'asaedi silologwahategemiya loina madou hedada siloba, ma geya gide meSodoma ma meGomola 'adi loina.

Madiu 16:18

Ma wete yahegwaego 'abehega saniu Pita, ta 'owa dimwa, ma 'oiuwa 'igu hekalesiya ya'abi, ma 'oinega sahena 'amasa bo nuwana mumuga galana sihewaiwai sine.

Madiu 17:24

Muliyetega sitauya Kapaneumi 'oina, ma takesi Hada He'asisi weyahina 'ana tohe'autao sinaoma ta Pita 'oina sigwaeya, “Togidega, sawasawahina ma 'ino tohe'itaina 'itakesi, bo geya?”

Madiu 4:13

Coinega Nasaleta 'i'ebesineya ma 'ilo'asa Kapaneumi holai, beno susu Sebuloni ma Napitalai 'idi bale'uwa.

Madiu 8:5

Eeta Yesu 'inaoma gogo Kapaneumi 'oina, ma tolo'alehao taudi meLoma 'adi tohanugeta 'aigeda 'inaoma ma 'i'ahwanoiya Yesu 'oina,

Luke 10:15

Ma meKapaneumi 'omi togidega, 'abehega wa'abilagasigomi galewa, 'awa? Nata geya! Ma hesi nata siulasuluhegomi Bwebweso 'oina.”

Luke 14:11

Bewa 'oinega tasanapu 'abehega taiya tauna 'i'abilagasi, 'abwa 'isulu; ma 'eguma taiya tauna 'ilagusuluhe, nata 'ihane.”

Luke 16:23

ma tauna ma'ina muya madouna to'amasa 'idi tupwa 'oinega 'i'ita haneya, ta Lasalo 'i'iteya Ebalahamo ba'idana simiyamiya.

Luke 4:23

Coinega 'ihegwaediya, 'igwae, “Hesi yasanapugomiya weyahina nata gwae hegehegediyega wahegwaegau ma wagwae, ‘Cowa to'abihe bwebwe'ana, 'oinega 'uboi 'u'abihe bwebwe'anigo.’ Ma wete nata 'imi gwae 'aigeda 'oinega wahegwaegau ma wagwae, ‘Paihowaedi waiwaidi gogo Kapaneumi 'oina 'upaihowediya, gide wete 'upaihowa 'esedi 'ebwa 'ida gogo bewa 'oina.’

Paihowa 2:27

Taugu 'ino loheya hesihesinuwaigu, eema sahena yaluyaluwagu 'ulagulagu hataya to'amasao 'idi gogowa, ma gesowana wete 'wapigu 'imwahulu.

Paihowa 2:31

Coinega To'abihetenaina 'ina toholohila 'isanapu nugeteya, ta 'ihegwaeya 'abehega sahena to'amasao yaluyaluwadi 'idi gogo 'oina 'imiyamiya hataya, ma wete 'wapina gesowana 'imwahumwahulu.

Yude 1:7

Taudi 'idi mumuga gidemusa tupwadi 'asa mwalohene, beno Sodoma ma Gomola ma tupwadi 'asa deidiya, weyahina pui 'ana nuwa'ewa madouna 'oinega sipaipaihowa besobeso ma 'idi 'eheloheloheyao mahetediyao sipuipui, 'oinega Yehoba 'igabudi 'aiwe 'ala'alata hatayana 'oina. Ta he'itaina bewa mabwaiyada weyahida.

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Heꞌitaꞌita 11:8

Ma wahidi 'ane si'eno besobeso 'asa madouna 'alona. Casaina mwalo 'ida Bada 'oina sigihe keloseyeya, ma 'asaina 'ana 'unuwadawada sihesaniyeya 'abehega Sodoma, nuwana Itipita.

Heꞌitaꞌita 20:13

Taudi ni'u 'adi to'enowao ma Bwebweso 'ana tomiyao ta bale'u 'ana to'amasao mabwaiyadi sitauyama, ta 'aigeda 'aigeda 'iloinediya, to'aha mumugadi gide.

Heꞌitaꞌita 6:8

Coinega ya'e'ebubuna ma 'aigeda hosi 'ana 'ita tupwana tuwa wa'ewa'e'ena 'ilatuma. Ta 'ana togeluina sanina Camasa, ma wete Bwebweso 'imuliyeya, ma loina silobeya Yehoba 'oinega, ta 'abehega tomota mabwaiyadi simutudi 'alehega ma gomaleyega ma lohalega ma wete totopwatula 'oidiyega, ta geya 'abehega tomota mabwaiyadi, ma tuwa 'eguma bale'u mabwaiyana 'oina boda tawatahidi 'adi baibaiwa 'ehata, ma 'aigeda boda 'oidiyega mabwaiyadi simutudi, ta boda 'etoimo situpwa.