Madiu 11:21 - Loina Nuahuana

²¹ “Comi meKolasini ma meBedeseida 'atemuyamuyaimi hesi. Weyahina 'ebe henainaidaedi yapaihowa pwaidiya 'oimiya, ma hesi geya wanuwabui. Ma hesi 'eguma meTaiya ma meSaidoni 'oidiya yada paihowediya, beno mwalo hene sida nuwabuiya, ma sibasibauwa 'adi 'ale'o sida 'otedi ma giba 'oidiyega sida gibadi ma sida he'itaedi 'abehega 'idi mumuga galadi 'oidiyega sinuwabui pwaiya.

Madiu 11:21 ပူးပေါင်းရင်းမြစ်များ

Madiu 11:22

Ma hesi 'omi geya, 'oinega yatala 'ana sabwelo 'oina nata Yehoba meTaiya ma meSaidoni 'i'atemuyemuyedi, ma 'omi sahena.

Madiu 15:21

Ma Yesu tupwaina 'i'ebesineya ta 'itauya Taiya ma Saidoni tupwaidi 'oidiya.

Madiu 18:7

“Comi mebale'u 'atemuyamuyaimi 'iya, weyahina 'ebe be'u baibaiwadi simiyamiya. Moisa tuwa, 'ilobwaineya ma 'ebe be'uwao bale'uwa simiyamiya, ma hesi 'eguma loheya 'itoho ma 'iyanao 'i'abihebe'udi, 'abwa loheyaina 'ihesilae moisa.

Madiu 26:24

Taugu Loheyaiguina 'abwa yatautauya 'edaina mwalo Buki He'asisi 'oina sihepwaila nugeteya, ma hesi 'agu totebaina 'atemuyamuyaina, ma bwebwe'ana 'eguma mwalo sahena sinana 'ihehenatune.”

Maki 3:8

Bodaedi bewa Yesu 'ina paihowao wasana sihesagoheya, ta Galiliyega ma Yudiyaega ma Yelusalemega ma Idumea tupwanega ma Yolidani hali tupwega ma wete 'asaedi Taiya ma Saidoni deidiyega si'eto'autama.

Maki 6:45

Cigumwala ma 'ana tomuliyaowedi 'iloinaediya ma wagai sigelu, 'igwaeya, “Wagelu ma wanugeta Bedeseida hali tupwa, ma taugu 'abwa boda yahetauidi ma sihila 'idi 'asa.”

Maki 7:24

Nage 'oina Yesu 'itoholowa ma 'itauya Taiya ma Saidoni tupwaidiina, ma 'aigeda hada 'oina 'iluhuwa, weyahina geya nuwana ma tomota sisanapu 'ina latu weyahina, ma hesi geya sawasawahina ma 'i'edahwana,

Maki 7:31

Ma Yesu Taiya 'i'ebesineya, ta 'itauya Saidoni, 'oinega wete 'ihataona Dikapoli tupwaina 'oidiya, ma 'ihapwesama Galili holai.

Maki 8:22

Eeta Bedeseida 'oina sitauyama, ma loheya 'aigeda mata gibugibuina sitoeyama Yesu 'oina, si'ahwanoiyeya 'abehega 'i'abitoho ma 'ibwebwe'ana.

Luke 4:26

ma hesi 'aigeda hiwape Salepati 'oinega Yehoba 'ihesinuwaneya Ilaitiya 'ana 'itayahina weyahina, beno Saidoni tupwaina, ma Yehoba Ilaitiya 'ihewasaeya hiwapeina 'ina gogowa, ta 'i'itayahiya.

Luke 6:17

Ma mabwaiyadi ba'idanao 'oyega sisuluma 'wabu 'oina, sitoholowa. Cwabuina 'oina boda madouna simiyamiya, taudi sinaoma Yudiya ta Yelusalema 'oidiyega, ma wete Taiya ta Saidoni tupwa holega.

Luke 9:10

Ma Yesu 'ina topaihowaowedi 'idi sakowasiyega sihilama, ta 'idi paihowa mabwaiyana sihe'ote'oteteliya Yesu 'oina. Ta muliyetega 'idi badaina 'itoediya, ta ba'idanao sitauya 'aigeda gogo sanina Bedeseida 'oina, ma 'abehega siboidimo nobwa simiyamiya.

Yoni 1:44

Pilipi 'ina 'asa sanina Bedeseida, beno Andulu ma Pita 'idi 'asa.

Yoni 12:21

MeGilisiyedi sitauyama Pilipi 'oina, ma sihesilala, sigwaeya, “Cinapwana, nuwanuwama Yesu 'a'ita.” Pilipiina tauna Bedeseida loheyaina, beno Galili 'ina tupwa 'oina.

Paihowa 12:20

Helodiina meTaiya ma meSaidoni mwalo 'igamwasowalediya, ta sitoho ma Helodi 'ina to'itayahinaina sanina Bilasito si'abihe yaliyaya. Eeta si'abihe yaliyayeya, ma muliyetega mabodaidi sitauyama Helodi 'oina, ta nuwanuwadi ma ba'idanao sida he'iya'iyagu hila, weyahina taudi 'adi 'e'ahai kiniina 'ina tupwega silobaloba.

Paihowa 27:3

Gona 'i'adaleya ta Saidoni 'oina 'asohota, ta Yuliyasi Paulo 'i'atemuyamuyaeya ta 'itagwaleya ma 'itauya 'iyanao 'oidiya, ma si'itayahi.

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.

Heꞌitaꞌita 11:3

Ma tohepwaila 'eluwa 'abwa yahewasaedi, ma 'adi 'ale'o gide hiwahiwape 'adi 'ale'o, ta palopitaedi Yehoba 'ina gwae 'abwa sihepwaile sabwelo wan tausani tuhandeledi sikistiyedi (1260) 'alodiya.”

Heꞌitaꞌita 6:12

Ma wete lamiina losipwa hesikisina 'ilihasiya ta mwani'ini'i madouna 'ipilipili, ta sinala 'iguguyou, 'ana 'ita gide tuwa walata siyana, ta wete wai'ena 'ana 'ita mabwaiyana bwehabwehalina, bweyaha gide.