Madiu 11:1 - Loina Nuahuana

¹ Yesu 'ina lohatoto 'ana tomuliyao site tuwelo 'oidiya 'ilosalohiya, ma 'oinega tupwaina 'i'ebesineya ma 'isakowasiya 'asaedi 'aigeda 'aigeda 'oidiya, 'ihe'ita ma 'ilolohatoto.

Madiu 11:1 ပူးပေါင်းရင်းမြစ်များ

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Madiu 4:23

Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.

Madiu 7:28

Tutaina he'ita bewa Yesu 'ilosalohidiya ma bodaedi nuwadi 'ihenainaida,

Madiu 9:35

Ta Yesu 'asa madoudi ma 'i'iudi 'oidiya 'isakowasiya ma 'idi hada tapwalolowao 'oidiya 'ihe'ita ma 'iloguguya Yehoba 'ina loina tetelina weyahina, ma wete lohala baibaiwana 'oidiyega tomota 'i'abihe bwebwe'anediya.

Maki 6:12

Coinega 'ana tomuliyaowedi sisakowasiya 'asa mabwaiyana 'oidiya, siguguya ma 'abehega tomota mumugadi galana silogwahatedi ma sinuwabui,

Luke 23:5

Ma taudi tuwa sihe'ewa yahiya, sigwae, “Ci'abo'abowego beno, weyahina 'aloba pwaiya tomota 'i'abo'abowedi ma 'abehega gabemaniyao 'oidiyega 'iwatahidi. Weyahina Galili 'oina 'ihegaineya 'ina 'aboina, ta Yudiya tupwanao mabwaiyadi 'ilohegumwalidiya, ma 'ilatu pwaima tupwa bewa 'oina.”

Luke 8:1

Ma muliyetega Yesu 'itoholowa ma 'itauya gogo madoudi ma 'i'iudi 'oidiya, Yehoba 'ina loina tetelina bwebwe'ana sabi guguyae, ma 'ana tomuliyao site tuwelowedi mahetenao.

Yoni 15:10

Ma 'igu loinao 'eguma wete wamuliya bwaibwainidi nata 'omi wete 'igu helau 'oina wamiyamiya. Gide taugu Tamagu 'ina loinao yamuliya bwaibwainidiya, 'oinega 'ina helau 'oina yamiyamiya.

Yoni 15:14

Comi 'eguma 'igu loinao wagwahu bigadi 'omi moisa 'iyagwao.

Paihowa 1:2

tutaina 'ina miya gogo gabulena 'ana siga Yehoba 'itoe haneheya galewa, Yesuina 'ina 'amasa mulina, mayawasina 'ilatuwa 'ana tohepwailao hesihesinuwadi 'oidiya, ta Yaluyaluwa Tabuna 'ina waiwaiyega 'adi loina 'i'ebwaediya.

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Paihowa 10:42

Ma 'iloinemaiya ma tomota 'oidiya 'aloguguya 'abehega Yehoba Yesu 'ihesinuweya ta 'abehega tuta 'ana 'ebelolagu 'oina tauna loina 'ida paihowa tomota taudi si'amasa weyahidi ma wete tauda mayawasida weyahida.”

1 Tesalonaika 4:2

Ma wete Bada Yesu 'ina loinaedi 'a'ebwaegomiya wasanapudiya.

2 Tesalonaika 3:10

Ma wete mwalo ba'idamiyao tamiyamiya, 'aloinegomiya 'abehega 'eguma taiya geya 'ida paihowa sahena 'i'ai'ai.

2 Tesalonaika 3:6

Ciyamayao, wete 'ahenuwa lagugomi 'ida Bada Yesu Keliso saninega, ma 'ane 'iyadao tupwadi tolowahi'wata wa'ebesinedi, weyahina lowahi'wata geya tauma 'ahe'itegomi, ma guibigamo 'ana 'eda hesi.

1 Timoti 6:14

Ma 'igu loinaina 'abehega hemataluwaedi 'umuliye bwaibwainidi, ma sahena 'eta 'oina 'uwe'awe'a, ma 'ana siga 'ida Bada Yesu Keliso 'abwa 'ihilama.