Madiu 10:3 - Loina Nuahuana

³ wete Pilipi ma Batolomiu ma Tomasi ma Madiu, tauna takesi 'ana to'ewa, ma wete hali Yemesa tauna Alipiyo natuna, ma Tadiyasi,

Madiu 10:3 ပူးပေါင်းရင်းမြစ်များ

Madiu 18:17

Ma 'eguma tuwa geya nuwana ma 'ihesagohegemi, wagwae latu tohekalesiyao mabwaiyadi 'oidiya, ma 'eguma geya nuwana wete tohekalesiyao 'idi gwae 'ihesagohedi, walogwahate tuwa, ma 'imiya ganamuli gide takesi 'ana to'ewa.

Madiu 27:56

Caigeda sanina Meli Magidala, ma 'ina waliyesa tauna Yemesa ma Yosepa sinadiu, ma wete Sebedi natunao sinadiu.

Madiu 9:9

Coinega Yesu tupwa bewa 'i'ebesineya ma 'itauya, ma loheya 'aigeda 'i'iteya, sanina Madiu, takesi 'ana hada 'ebe paihowa 'alona 'imiyamiya, 'oinega 'ihegwaeya, 'igwae, “Madiu, 'umuliyegau.” Ta Madiu 'itoholowa ma Yesu 'imuliyeya.

Maki 15:40

Tupwadi wahiwahine wete bwagebwagega si'e'ebubuna, beno Meli Magidala ma'ina waliyesa, tauna Yosepa ma tasina 'alomauna Yemesa sinadiu, ma Salome wete,

Maki 2:14

Cihe'ita 'igumwala ma 'inaonao. Ma loheya 'aigeda takesi 'ana to'ewa 'i'iteya 'ina hada 'ebe paihowa 'oina 'imiyamiya. Loheyaina Libai, ma tamana Alipiyo. Ma Yesu 'ihegwaeya, “Libai 'umuliyegau.” Coinega Libaiina 'itoholowa ma Yesu 'imuliyeya.

Maki 3:18

Ma wete Andulu ma Pilipi ma Batolomiu ma Madiu ma Tomasi, ma Yemesa 'ina waliyesa, tauna Alipiyo natuna, ma Tadiyasi ma Saimoni 'ina waliyesa, tauna to'ala'ohe'ohe madouna Isileli 'ina miyawasi Loma weyahina.

Luke 18:10

'igwaeya, “Caigeda tuta 'oina loheloheya siteluwa siluhuwa Hada He'asisi 'oina sabi 'ahwanoi Yehoba 'oina. Caigeda Palisi ma 'aigeda takesi 'ana to'ewa.

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

Luke 18:13

“Ma hesi takesi 'ana to'ewaina bwagebwagega 'itoholowa, ta ma'ina debamwadina lumalumana 'itutuya, ma 'ituluha ta 'i'ahwanoi, 'igwaeya, ‘Yehoba yo, 'usanapu pwaigauwa 'abehega taugu togala, 'oinega 'u'atemuyemuyegau!’”

Luke 19:2

Tupwaina 'oina 'aigeda takesi 'adi to'ewao 'adi tohanugeta 'imiyamiya, sanina Sakiusa, tauna towasawasa 'aigeda.

Luke 5:27

Ma muliyetega Yesu 'ilatuwa, ma 'aigeda takesi 'ana to'ewa sanina Libai 'i'iteya 'ina hada 'ebe paihowa 'oina 'imiyamiya, ma 'ihegwaeya, 'igwae, “Libai 'umuliyegau.”

Yoni 1:48

Nataniyela Yesu 'ihesilaleya 'igwae, “Togidega ta 'usanapugauwa?” Ma Yesu 'igwae, “Nige heneyage ya'ita nugetegowa 'abwa muliyetega Pilipi 'ibwauwegowa, tutaina 'owa damaya huhuna 'umiyamiya.”

Yoni 11:16

Coinega Tomasi tauna sibwauweya Didiluwaluwa 'iyanaowedi 'ihegwaediya 'igwae, “Cida tohe'ita tuwa mahetedai tatauya, 'eguma 'i'amasa, tauda wete ta'amasa.”

Yoni 14:22

Sauga beno 'oina hali Yudasa, geya Isakaliyota natuna, Yesu 'ihegwaeya 'igwae, “Cinapwana, to'aha weyahina 'abehega tauma 'oima 'uhe'itaego ma 'abehega mebale'u 'oidiya geya'abwa?”

Yoni 14:5

Ma Tomasi Yesu 'ihesilaleya 'igwae, “Cinapwana, to 'eda 'oinega 'utautauya? Togidega ma 'edainaina 'ada sanapu?”

Yoni 14:9

Ma Yesu 'enana 'ihemaiseya 'igwae, “Pilipi, sauga saliya hedadena 'oimiya yamiyamiya ma hesi geya 'usanapu tohogau. Taiyawedi 'omi wa'ita pwaigauwa, 'omi Tamagu wete wa'ita pwaiya. Coinega to'aha weyahina 'ugwaeya, ‘Tamauina hede 'uhe'itemai?’

Yoni 21:2

Tutaina 'oina Saimoni Pita, Tomasi tauna sanina Didiluwaluwa, Nataniyela tauna Kena loheyaina Galili tupwanega, ma Sebedi natunao, ma tomuliyao 'eluwa wete mahetediyao simiyamiya.

Paihowa 1:13

Ta siluhuwa 'idi hada ta sihaneya 'aigeda tupwa 'aliupa 'oina, taudi Pita ma Yoni ma Yemesa ma Andulu ma Pilipi ma Tomasi ma Batolomiu ma Madiu ta hali Yemesa (tauna Alipiyo natuna), ma Saimoni (tauna mwalo to'ohe Isileli 'ina miyawasi Loma weyahina), ma Yudasa (tauna Yemesa natuna).

Paihowa 12:17

Ma Pita nimanega 'i'etobodediya ma sihenono, ta 'ihe'ote'otetela 'idi Bada deliyega 'itoeyama. Ta 'igwae, “Wasa bewa wahepwaila Yemesa ma'iyanao wete 'oidiya.” Ma 'i'ebesinediya ta 'itauya hali tupwa.

Paihowa 15:13

Cidi gwae 'igumwala ma muliyetega Yemesa 'itoholowa, 'igwaeya, “Tasigwao, 'igu gwae bewa wahesagohe.

Paihowa 21:18

Ta gona 'i'adaleya ta Paulo ba'idamai 'atauya Yemesa 'ina hada, ta nobwa tohekalesiyao 'idi tohanugetao 'alobediya.

Galetiya 1:19

Ma Keliso 'ana tohepwailao baibaiwadi geya ya'itadi. Beno tuwa Yemesa, tauna 'ida Badaina tasina.

Galetiya 2:9

Coinega tohanugetaedi, Yemesa ma Pita ma Yoni, taudi Yehoba 'ina helau 'oiguwa si'ita lobeya, eeta sitagwala Banaba ma taugu 'oima, ta mahetemayao 'anima'abiya. Ee, sitetoiyedi tohekalesiyao si'ahwa tonugetaediya, sitetoiyedi sitagwala 'oima ma 'abehega taugu ma Banaba 'atauya tomiya ganamuli 'oidiya, ma taudi hesi sitauya meYudiya dimo 'oidiya.

Yemesa 1:1

Yauwedo 'omi Yehoba 'ina tomotaiyao susu tuwelo 'oidiyega wamiya lelewana 'asa baibaiwadi 'oidiya. Bewa 'imi leta yaleleyawa, taugu Yehoba ma Bada Yesu Keliso 'idi topaihowa, sanigu Yemesa.

Yude 1:1

Taugu Yude, Yesu Keliso 'ina topaihowa, Yemesa tauna tasigu. Bewa 'imi leta yaleleyawa, 'omi Tamadai Yehoba 'ana hesihesinuwao, weyahina 'ihelauwegomiya ma Yesu Keliso 'i'ita'ita yahigomi.