Madiu 10:2 - Loina Nuahuana

² Cana tomuliyaowedi sanidiyao bewa: Nugeta Saimoni, tauna sihesaniyeya Pita, ma tasina Andulu, wete Yemesa ma tasina Yoni, taudi tamadiu Sebedi,

Madiu 10:2 ပူးပေါင်းရင်းမြစ်များ

Madiu 17:1

Sabwelo sikisi mulina Yesu 'ana tomuliyao 'etoi 'itoediya, ta sihaneya 'oya 'aigeda dudulena 'oina. Tomuliyaowedi taudi Pita ma Yemesa matasina Yoni.

Madiu 20:20

Muliyetega Sebedi mwanena manatunao sinaoma ta sinadiuina Yesu 'oina 'i'etuluha ma 'i'ahwanoiya 'oina.

Madiu 26:37

ma hesi sitetoiyedi ba'idanao 'itoediya, taudi Pita ma Sebedi natunao, ma 'inuwagala madouna, nuwana 'isiwapa,

Madiu 4:18

Coinega 'aigeda tuta Yesu Galili holai 'ihasahasane, ta togomana siteluwa matasina 'i'itediya 'idi gomana siyahuyahuwe, 'aigeda Saimoni, tauna wete sihesaniyeya Pita, ma tasina sanina Andulu.

Madiu 4:21

Coinega wete 'ihasahasane, ma togomana sitetoi wagai 'idi gomana sigibugibubudi 'i'ita lobediya, taudi Yemesa ma Yoni matamadiu, tauna sanina Sebedi. Eema Yesu Yemesaina ma tasina 'ibwauwedima,

Maki 1:29

Yesu hada tapwalolo 'oinega 'ilatuwa ta Yemesa ma Yoni mahetenao sinaowa Saimoni ma Andulu 'idi hada.

Maki 13:3

Muliyetega Yesu 'itauya Olibe 'oyana 'oina ta 'imiyatoiya, ma 'oinega Hada He'asisi Yelusalema 'oina 'i'e'ebubuna, ma Pita ta Yemesa ta Yoni ta Andulu sinaoma ma siboidimo Yesu ba'idadiu, eema sihegwaeya, sigwae,

Maki 6:30

Ma Yesu 'ina topaihowao site tuwelo sihilama ma Yesu 'oina 'idi paihowa ma 'idi he'ita mabwaiyana sihepwailediya.

Luke 11:49

Ginaulaedi weyahidi Yehoba 'ina sanapu 'ilaguya, 'igwae, ‘Cabwa tupwadi palopitao ma 'igu tohepwailao yahesumanediwa, ma tupwadi walohe'amasidi ma tupwadi nata wapa'idi.’

Luke 22:14

Ma 'e'ahai si'atububu pwaiya, ta Yesu ma'ana tohepwailao simiya 'autama, ta ba'idanao si'ai'ai,

Luke 22:8

Coinega Yesu 'ana tomuliyao Yoni ma Pita 'ihegwaediya, 'igwaeya, “Watauya ma Hataona 'aiina weyahida wa'atububu.”

Luke 5:10

ma wete gide Saimoni 'iyanaowedi Yemesa ma Yoni, taudi Sebedi natunao. Coinega Yesu Pita 'ihegwaeya, 'igwae, “Sahena 'u'ate'ateyoho. Ma hesi bewa 'oinega ma tomota gide 'u'ona 'esedi.”

Luke 9:10

Ma Yesu 'ina topaihowaowedi 'idi sakowasiyega sihilama, ta 'idi paihowa mabwaiyana sihe'ote'oteteliya Yesu 'oina. Ta muliyetega 'idi badaina 'itoediya, ta ba'idanao sitauya 'aigeda gogo sanina Bedeseida 'oina, ma 'abehega siboidimo nobwa simiyamiya.

Yoni 12:22

Coinega Pilipi 'itoholowa ma 'itauya Andulu 'ihegwaeya, ma siteluwaedi sitauya Yesu 'oina, ma meGilisiyedi 'idi nuwatuhuina sihepwaileya 'oina.

Yoni 13:23

Tuwa 'ana tomuliyaina 'aigeda, tauna moisa 'iyana, Yesuina deina 'imiyana.

Yoni 20:2

Coinega 'ipili lohihila Yesu 'ana tomuliyaowedi 'ihegwaediya 'igwae, “Cinapwana galihega si'eweya ma ta'eha nana silaguya, geya tosanapunamo.” Tomuliyaedi beno Saimoni Pita ma loheyaina tauna Yesu 'iyana moisa.

Yoni 21:2

Tutaina 'oina Saimoni Pita, Tomasi tauna sanina Didiluwaluwa, Nataniyela tauna Kena loheyaina Galili tupwanega, ma Sebedi natunao, ma tomuliyao 'eluwa wete mahetediyao simiyamiya.

Yoni 21:20

Ma Pita 'i'ita lohihila loheyaina tauna Yesu 'iyana moisa 'i'iteya. Loheyaina tauna mwalona 'idi 'ai solana Yesu deina 'imiya toiya ma 'aneyage 'ihegwaeya 'igwae, “Cinapwana, taiya tauna nata 'itebaego?”

Yoni 21:24

Tomuliyainaina beno taugu tuwa ginaula bewa weyahidi yahehepwaila ma yalelediya he'ote'otetela bewa 'oina. Coinega tasanapuya 'abehega 'igu hepwaila mabwaiyana gwae moisadi.

Yoni 6:67

Ma site tuwelowedi siboidimo simiya hila, 'oinega Yesu 'ihegwaediya 'igwae, “Comi togidega, nuwanuwami wete watauya?”

Yoni 6:70

Coinega Yesu 'ihegwae hilediya, 'igwae, “Moisa tuwa, 'omi wate tuwelo yahesinuwa pwaigomiya, ma hesiyage 'oimiyega nata 'aigeda Seitani 'ina boda.”

Yoni 6:71

Gwae bewa Yesu 'igwaeneya Yudasa weyahina, tauna Saimoni Isakaliyota natuna. Yudasaina tauna tuwa 'aigeda Yesu 'ana tomuliya, ma hesi nata Yesu 'itebae 'ana 'alehaowedi 'oidiya.

Yoni 6:8

Coinega Yesu 'ana tomuliya 'aigeda wete Yesu 'ihegwaeya 'igwae,

Paihowa 1:13

Ta siluhuwa 'idi hada ta sihaneya 'aigeda tupwa 'aliupa 'oina, taudi Pita ma Yoni ma Yemesa ma Andulu ma Pilipi ma Tomasi ma Batolomiu ma Madiu ta hali Yemesa (tauna Alipiyo natuna), ma Saimoni (tauna mwalo to'ohe Isileli 'ina miyawasi Loma weyahina), ma Yudasa (tauna Yemesa natuna).

Paihowa 1:26

Coinega dimwa 'eluwa 'oidiya sanidi silelediya ma siula hanehedi ma sibe'uwa, ta Mataya sanina 'inugeta, 'oinega tauna 'iluhu Yesu 'ana tohepwailao site lebeniyedi ba'idanao, ta mahetediyao sipaihowa.

Paihowa 12:2

Coinega Yemesa, tauna Yoni tasina, Helodi 'ina loinega sihunuya 'elepega, ma 'i'amasa.

Paihowa 3:1

Caigeda tuta lahilahiya, Pita Yoni ba'idana silagalaga Hada He'asisi 'oina sabi 'ahwanoi, weyahina beno 'ahwanoi 'ana tuta.

1 Kolinita 15:7

Yemesa wete 'i'iteya, ta wete Keliso 'ana tohepwailao mabwaiyadi si'iteya.

Epeso 4:11

Ta 'ina heguheguyai bewa gidemusa, 'abehega tomota tupwadi sihetohepwaila, ma tupwadi sihepalopita, ta tupwadi sihetologuguya, ma tupwadi sihetohanugeta, ma tupwadi sihetohe'ita.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

1 Pita 1:1

Taugu Pita, Yesu Keliso 'ana tohepwaila, bewa 'igu leta 'oimiya 'omi Yehoba 'ina tomotaiyao wahetautaumana ma wahe'asa hali tupwa 'oidiya, gide Ponitio ma Galetiya ma Kapadosiya ma Esiya, ma wete Bitiniya 'asaidiyao 'oidiya.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

2 Yoni 1:1

Taugu 'imi bada, ma 'owa wahine Yehoba 'ihesinuwegowa manatumwao 'imi leta bewa yaleleyawa. Moisa tuwa 'ateguwega yahelauwegomi. Taudi wete gide 'eda moisa 'ana tomuliyao sihelauwegomiya,

3 Yoni 1:1

Taugu 'imi bada, leta bewa yaleleyawa 'owa 'iyagu Geyo 'oiuwa. Moisa, 'ateguwega yahelauwegowa.

Heꞌitaꞌita 1:1

Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Heꞌitaꞌita 18:20

Wayaliyaya 'omi galewa Yehoba 'ina loheloheyao, ma wete palopitao, ma 'ana tohepwailao wayaliyaya, weyahina mwalo 'imi muyamuya 'asaina 'oinega walobeya, ma bewa tuwa Yehoba muya 'oinega 'ihemaisediya.

Heꞌitaꞌita 22:8

Taugu Yoni ginaula bewa mabwaiyadi yahesagohediya ta ya'itediya. Ma ginaula bewa sigumwala, ma aneloseina 'ahena yabe'u talutalubu'iya, tauna ginauledi 'ana tohe'ita 'oiguwa, ta 'oina ya'etuluha.