Madiu 1:16 - Loina Nuahuana

¹⁶ Yakobo natuna Yosepa, tauna Meli mwanena, ma Meliina natuna Yesu. Yesu tauna sihesaniyeya To'abihetena.

Madiu 1:16 ပူးပေါင်းရင်းမြစ်များ

Madiu 1:15

Eliyuda natuna Eliyesa, Eliyesa natuna Madani, ma Madani natuna Yakobo.

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Madiu 16:20

Eeta Yesu 'ana tomuliyao 'iloina pa'alediya, 'igwae, “Sahena 'aigeda taiya 'oina wahehepwailegau 'abehega taugu To'abihetenaina.”

Madiu 2:13

Sitauya, ma hesi Yosepa 'oina anelose 'aigeda nihiyega 'ilatuwa ma 'ihegwaeya, 'igwae, “Yosepa, 'utoholo ma gwama masinana 'utoedi ma wadena tupwa Itipita 'oina ma nobwa wamiyamiya ma 'ana siga yahemataluwego, ma walohihilama. Cimi dena bewa huhuna, weyahina Helodi nata beno gwamaina 'i'ebese ma 'abehega 'ilohe'amasi.”

Madiu 27:17

Coinega tomota mabwaiyadi si'eto'autama Pailato 'oina, ma Pailato 'ihesilalediya, 'ihegwaediya, “To loheya nuwanuwami ma weyahimi yalihasi? Balaba? bo Yesu tauna sibwauweya To'abihetena?”

Madiu 27:22

Ma Pailato 'igwaeya, “Ma togidega yaloina 'ese Yesu tauna sibwauweya To'abihetena?” Coinega mabwaiyadi sigwaeya, “Kelose 'oina tada tutuhepa'ine!”

Maki 6:3

Ma sigwaeya, “Loheya bewa to'abi hada tuwa. Ma sinana Meli, ma tasinao Yemesa ta Yosese ta Yudasa ta Saimoni, ta wete nuhunao ba'idadao tamiyamiya, 'awa?” Coinega Yesu silogwahateya.

Luke 1:27

ma wahine 'aigeda nuwanuwadeyana sanina Meli 'oina 'ilatuwa. Gumalaulauina ma Yosepa tamadiyao sitagwala ma sihehaiyedi. Yosepaina tauna Debida tubuna.

Luke 2:48

Ta wete tutaina tamana ma sinana si'iteya nuwadi 'ihenainaida, ta sinana 'ihegwaeya, 'igwae, “Natugu, to'aha weyahina bewa gidemusa 'upaihowa 'eseya, ta 'oinega ma'ima nuwagala tamau ba'idagu 'abesebesego?”

Luke 2:7

'oinega gwamaina 'ale'owega 'iwaduya ma hebai 'idi 'ebe'ai 'oina 'ilaguya. Weyahina hada taumana 'imaha pwaiya, ta geya 'aigeda wete sawasawahina ma 'oina siluhu.

Luke 3:23

Ma tutaina Yesu 'ana bolime gide teti 'ilobeya, 'ina paihowa tomota 'oidiya 'ihegaineya. Ma tomota sinuwatuhuya 'abehega Tauna tamana Yosepa. Ta Yosepaina tamana Heli,

Luke 4:22

Ma taudi nuwadi 'ihenainaida moisa, 'oinega 'ina gwaeyedi bwebwe'adi weyahidi sihepwatuweya, sigwae, “Loheya bewa Yosepa natuna, 'awa? Ma togidega hede?”

Yoni 4:25

Coinega wahineina Yesu 'ihegwaehileya, “Yasanapuya 'abehega 'abwa nata To'abihetenaina 'itauyama, tauna sibwauweya Keliso. Tauna nata 'itauyama 'abwa ginaula mabwaiyana 'oida 'ilihasidi.”