Luke 9:48 - Loina Nuahuana

⁴⁸ ma 'ihegwaediya, “Gwama bewa wa'ita. Ceguma taiya 'owa gwama bewa weyahigu 'uhelauwe, 'owa beno 'uhelau pwaigauwa, ma wete 'agu Tohewasaina 'uhelau pwaiyeya. Coinega 'eguma taiya 'oimiyega sanina geya madouna tauna 'ihane hedadeya.”

Luke 9:48 ပူးပေါင်းရင်းမြစ်များ

Madiu 18:10

“Gwagwama bewa gide sahena 'aigeda 'oidiyega walososomane.

Madiu 18:14

Coinega bewa tuwa wasanapu 'abehega Tamamiu galewa geya nuwana ma gwagwamaedi 'oidiyega 'aigeda taiya 'ihesilae.

Madiu 19:28

Ma Yesu 'ihegwaediya, “Yagwae moisa, 'abwa bale'u 'ana 'abihe'ehau 'oina taugu Loheyaiguina 'igu wagahata wasawasa 'oina yamiyatoi, ma wete 'omi 'agu tomuliyao wate tuwelo 'imi wagahata tuwelo 'oidiya wete wamiyatoi, ma meIsileli 'idi susuwao tuwelo waloinaedi.

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Madiu 25:45

“Ma yahegwaedi, ‘Moisa, tutaedi 'oidiya 'eguma tomota 'i'iudi bewa 'aigeda geya wa'abihete, beno 'oina geya walemegau.’

Maki 9:37

“Ceguma taiya 'owa gwama bewa gidemusa 'uhelauwe weyahigu, 'owa taugu wete 'uhelauwegau, ma geya 'abehega yaboi 'uhelauwegau ma wete 'agu Tohetune Yehoba ba'idagu 'uhelauwemaiya.”

Luke 10:16

Ta 'ana tomuliyaowedi 'oidiya 'igwaeya, “Ceguma taiya 'imi gwae 'ihesagohedi, beno taugu 'igu gwae 'ihesagoheya. Ma 'eguma taiya 'ilogwahategomi taugu wete 'ilogwahategauwa. Ma wete 'agu Tohewasaina 'ilogwahateya.”

Luke 14:11

Bewa 'oinega tasanapu 'abehega taiya tauna 'i'abilagasi, 'abwa 'isulu; ma 'eguma taiya tauna 'ilagusuluhe, nata 'ihane.”

Luke 22:26

ma 'omi sahena gide taudi, ma hesi taiya tauna 'oimiyega lohanena 'ida loduduna tauna gide tuwa 'imi hewali, ma wete 'imi tohanugetao sida hetopaihowa weyahimi.

Luke 22:30

ma 'oinega 'omi 'igu 'ebeloina 'oina ba'idagwao 'abwa ta'ai ma tanuma, ta wete wagahata wasawasa 'oidiya wamiyatoi ma meIsileli 'idi susuwao tuwelo waloinaedi.”

Luke 7:28

Coinega Yesu wete 'igwae, “Yoni tauna mebale'u mabwaiyadi 'ihemadou sinediya, ta mabwaiyadi taudi Yehoba 'ina 'ebeloina 'alona Yoni sihemadou sineya.”

Yoni 13:20

Moisa tuwa, 'abwa yahewasaegomi tomota 'oidiya, ma 'eguma taiya 'itagwala 'oimiya, beno tauna 'itagwala pwaiya 'oiguwa, ma wete 'itagwala 'agu tohewasaina 'oina.”

Yoni 14:21

Ma taiyawedi 'omi 'eguma 'igu loina wasanapudiya ma wahematamatanedi, 'omi moisa wahelauwegauwa. Coinega Tamagu 'omi nata wete 'ihelauwegomi, ma wete taugu nata yahelauwegomi, ma yaboi yahe'itaegau 'oimiya.”

1 Tesalonaika 4:8

Ma hesi 'eguma taiya loinaina 'iligehi, geya 'abehega tomota 'idi loina, ma hesi Yehoba 'ina loina 'iligeligehi, weyahina Yaluyaluwa Tabuna tauna nuwatuhu 'ana to'abihe'ehau, beno Yehoba 'ina 'ehele 'oida.

1 Pita 5:6

Coinega wanuwadobi ma watagwalegomi Yehoba Tohewaiwai moisa nimana, ma 'oinega muliyetega tauna 'ina tuta bwebwe'ana 'oina 'igihanehegomi.

Heꞌitaꞌita 21:14

Casaina madouna si'abiya wahuwahu 'aigeda bwebwe'ana 'oina, beno dimwa tuwelo pa'alidi tabwadiya, ma dimwaedi 'oidiya Lami 'ana tohepwaila tuwelowedi sanidiyao silelediya.

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.