Luke 9:11 - Loina Nuahuana

¹¹ Ma geya sowasowahidi, weyahina boda wasa sihesagoheya, ma Yesuina simulimuliyeya ta sinaoma 'oina. Coinega Yesu 'oidiya 'itagwala ma Yehoba 'ina loina weyahina 'ihe'itediya, ma wete 'adi lohalao 'i'abihe bwebwe'anedi.

Luke 9:11 ပူးပေါင်းရင်းမြစ်များ

Madiu 12:15

Taudi 'idi loina 'waihina Yesu 'isanapu pwaiya, 'oinega tupwa nage 'i'ebesineya ma 'itauya hali tupwa, ma tomota mabwaiyadi simuliyeya, ta nage 'oina tolohala mabwaiyadi 'i'abihe bwebwe'anediya,

Madiu 14:14

Ma tutaina Yesu wagega 'iulasuluwa 'oya'oya boda madouna 'i'itediya, ta 'ina 'atemuyemuyega tolohalao 'i'abihe bwebwe'anediya.

Madiu 21:31

Coinega siteluwaedi 'oidiyega taiya tamana 'ina gwae 'ihematamataneya?” Ma sigwae, “Tautuwa.” Coinega Yesu 'ihegwaediya, 'igwae, “Cehe, moisa tuwa, togala taudi takesi 'ana to'ewao ma toganawalao wete gide siluhu nugeta Yehoba 'ina 'ebeloina 'oina, ma 'omi mulidiyega.

Madiu 21:43

“Coinega yahegwaegomi 'abehega Yehoba 'ina loina 'oimiyega 'i'ewayahule, ma 'i'ebwaya hali boda 'oidiya, ma taudi 'oidiyega huwaina 'ausalana 'ilatu.

Luke 1:53

Ma wete togomaleyao 'ihehe'aidiya ta simwausuwa, ma tohewasawasao nimenimedimo 'ihehesumane hilediya.

Luke 5:31

Ma Yesu 'idi gwaeina 'ihemaiseya, 'igwae, “Taudi wahidi waiwaidi genuwadi to'abihe bwebwe'ana, ma tolohalao hesi.

Luke 8:1

Ma muliyetega Yesu 'itoholowa ma 'itauya gogo madoudi ma 'i'iudi 'oidiya, Yehoba 'ina loina tetelina bwebwe'ana sabi guguyae, ma 'ana tomuliyao site tuwelowedi mahetenao.

Luke 8:10

Ma tauna 'igwaeya, “Comi Yehoba 'oimiya 'itagwala pwaiya ma 'ina loina 'alodi moisa 'ana tosanapuwao, ma hesi tomota baibaiwadi gwae hegehegedi sihesagoheya, ma 'ana nuwasabwalena geya, ma wete 'ana nuwasabwalena sibesebese ma gesowana silobaloba.

Luke 9:10

Ma Yesu 'ina topaihowaowedi 'idi sakowasiyega sihilama, ta 'idi paihowa mabwaiyana sihe'ote'oteteliya Yesu 'oina. Ta muliyetega 'idi badaina 'itoediya, ta ba'idanao sitauya 'aigeda gogo sanina Bedeseida 'oina, ma 'abehega siboidimo nobwa simiyamiya.

Luke 9:12

Simiyamiya ta sinala 'isopuwa ma sitetuwelowedi sinaoma ma Yesu sihegwaeya, sigwae, “Bada, boda bewa 'uhesumanedi ma sihila gogo deidiya, ma nobwa 'e'ahai ma 'ebe'eno sibesa, ma 'oidiya si'aiyawasi. Weyahina bewa 'ebwa yoho 'awawa.”

Luke 9:2

Coinega 'ihewasediya ma 'abehega Yehoba 'ina hetoloina tomota 'oidiya siguguyae, ma wete lohalao si'abihe bwebwe'anedi.

Yoni 4:34

Muliyetega Yesu 'ana tomuliyaedi 'ihegwae hilediya, “Bewa tauna 'aguina: Tauna 'ihesumanegauma 'ina nuwatuhu yapaihowadi ma 'ina paihowa mabwaiyana yalosalohidi.”

Yoni 6:37

Tomotaedi taudi Tamagu 'i'ebwaegauwa hesi nata 'oiguwa sitauyama, ma 'eguma sitauyama 'oiguwa, nata geya'abwa yalolohesohesoiyedi.

Paihowa 28:31

ta Yehoba 'ina loina weyahina 'iguguguyae ma 'ihehe'itae Bada Yesu Keliso weyahina, ta geya 'aigeda taiya 'itoho ma 'ina guguyaina 'i'ausi.

Loma 10:14

Moisa, tomota geya sowasowahina ma 'etolihasa weyahina si'ahwanoi 'oina, 'eguma geya sihemisae. Geya sihemisae weyahina geya Badaina sanina sihesagohe. Ma geya sihesagohe weyahina geya 'idi tologuguyamo.

Loma 10:17

Eeta 'eguma Keliso weyahina taloguguya, nata hisahisadimo sihesagoha ma sihemisa.

Loma 15:3

Weyahina Keliso wete gide geya 'iboinamo weyahina 'inuwatuhu, ma hesi 'ana mwauwedi Yehoba 'ina Buki 'oina 'ihepwailediya 'igwaeya, “Tomotaiyedi si'ahwa'ahwa galegalegowa, beno taugu 'oiguwa gwaeina si'ina'inana.”

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Ibeliu 4:16

Coinega ma'ida 'atepatu tanao ma ta'ahwanoi 'ada toloinaina 'oina, ta 'oinega 'ida miyamwau 'oidiya 'i'atemuyemuyegita, ta wete 'i'abihetegita.