Luke 8:48 - Loina Nuahuana

⁴⁸ Ma Yesu wahineina 'ihegwaeya, 'igwae, “Natugu, 'ino hemisa 'oinega 'ubwebwe'ana pwaiya, Cutoholo ma'ino yaliyaya 'utauya.”

Luke 8:48 ပူးပေါင်းရင်းမြစ်များ

Madiu 12:20

Digona lasalasana sahena 'ilologwahate. Ma wete wodam butabutana sahena 'iuleule, ta 'ana siga tauna 'oinega loina dumwaluna 'ihewaiwai,

Madiu 8:13

Eeta Yesu tolo'aleha 'adi tohanugetaina 'ihegwaeya, “Causala, 'uhila. Cino 'ali'e nata 'iyawesai, gide 'ino hemisa.” Tuta nage 'oina 'ina 'ali'eina waiwai 'ilobeya.

Madiu 9:2

Ma 'aigeda topeu boda si'ahaliya 'ina 'ebe'eno 'oina ma sinaoleyama Yesu 'oina. Bodaedi 'idi hemisa Yesu 'isanapuya ma topeu 'ihegwaeya 'igwae, “Natugu, 'uyaliyaya, 'ino mumuga galadi 'adi nuwasam 'uloba pwaiya.”

Madiu 9:22

Ma Yesu 'ilo'itahila ta wahineina 'i'iteya, ma 'igwae, “Yauwedo natugu, 'ino hemisega 'ubwebwe'ana pwaiya.” Ma tuta nage 'oina wahineina 'ibwebwe'ana.

Maki 5:34

Eeta Yesu 'igwaeya, “Natugu, 'ino hemisega ta 'ubwebwe'ana. Cutoholo ma'ino yaliyaya 'utau. Cino lohalao mabwaiyana sigumwala pwaiya.”

Luke 17:19

Coinega 'ino hemisega 'abihetena 'ulobeya. Causala, 'utoholo ma 'utau.”

Luke 18:42

Ma Yesu 'igwaeya, “Bewa tuwa matau 'i'asilala, weyahina 'ino hemisa 'oinega 'ubwebwe'ana.”

Luke 7:50

Ma Yesu hesi wahineina 'oina 'igwaeya, “Cino hemisa 'oinega 'abihetena 'ulobeya, 'oinega ma'ino yaliyaya 'utauya.”

Luke 8:47

Ma wahineina 'isanapuya 'abehega Yesu 'isanapu pwaiya 'ina paihowa, 'oinega 'inaoma ma'ina 'ateyoho, 'ibe'u talutalubu'iya Yesu 'ahena, ma boda matadiya 'ina 'abitohona lamuna 'ihepwaila latuheya, 'igwae, “Bada, nuwanuwagu yabwebwe'ana, 'oinega 'a 'ale'o ya'abitohoya, ma yabwebwe'ana mwayamwayauwa.”

Paihowa 14:9

Eeta tolopegoiina 'imiyamiyatoiya, ma Paulo 'ina loguguya 'ihesagoheya, 'oinega Paulo tolopegoiina 'i'ebubuya, ma 'isanapuya 'abehega ma'ina hemisa Yesu 'oina ta sowasowahina 'ida 'abihe bwebwe'ane.

2 Kolinita 6:18

ma 'oiguwa wa'ahwa tamana ma 'omi natugwao meloheyami ma mewahinemi.’ Bewa Yehoba Tohewaiwai tauna 'ina gwae.”

Ibeliu 4:2

Moisa, wasaina 'i'ebwaegita, taudi wete mwalohene 'i'ebwaediya, ta wasaina geya 'ilemedi, weyahina sihesagoheya ta geya sihemise.