Luke 8:44 - Loina Nuahuana

⁴⁴ Wahineina Yesu mulinega 'inaoma ma 'ana 'ale'o papalina 'i'abitohoya, ta bweyahina 'ina dau 'iyapasa mwayamwayauwa.

Luke 8:44 ပူးပေါင်းရင်းမြစ်များ

Madiu 20:34

Ma Yesu 'i'atemuyemuyediya, ma matadi 'i'abitohodiya, ma sibwebwe'ana, ma 'oinega Yesu wete simuliyeya.

Madiu 8:3

Ta Yesu nimanega loheya 'wapina 'i'abi tohoya, ma 'igwae, “Cehe 'ausala! Cubwebwe'ana.” Ta loheyaina 'ana lepelo 'igumwala mwayamwayauwa, ta 'ibwebwe'ana.

Madiu 9:20

ma sitautauya, ma wahine 'aigeda bweyahina 'idaudau bolime tuwelo 'oidiya mulidiyega 'inaoma, ma Yesu 'ana 'ale'o papalina 'i'abitohoya.

Maki 6:56

Ma Yesu 'isakowasi tupwa mabwaiyana 'oidiya, tupwana 'asa madouna ma 'asa 'i'iudi ma tanoha 'oidiya. Ma tomota baibaiwadi 'idi tolohalao si'ewedima 'ebe maketi 'oidiya siyamwayamwa, ma si'ahwanoiyeya, sigwae, “Bada, sawasawahina 'ima tolohalaowedi 'a 'ale'o papalina si'abitoho?” Eeta Yesu 'oidiya 'itagwala. Coinega taudi 'ana 'ale'o si'abitohoya ta sibwebwe'ana.

Luke 13:13

Coinega nimana 'ilaguya wahineina 'oina, ma 'isapaila ta Yehoba 'ihepwatuweya.

Luke 7:38

Yesu deina 'itoholowa ma 'idoudou, ma mataneunega Yesu 'ahena 'ihebuteya, ta debanega 'isaudiya, weyahina wahineina debana dudulena, ma wete Yesu 'ahena 'inisoya, ma holowaina 'isiweya Yesu 'ahena.

Luke 8:43

Ma bodaedi 'alodiya 'aigeda wahine mahetediu, ma'ana lohala. Lohalaina beno bweyahina 'idaudau bolime tuwelo 'oidiya, ma tuwa 'abwa 'idaudau. Tuta baibaiwana to'abimuya sitohotoho ma 'abehega si'abihe bwebwe'ane, ma geya sowasowahidi.

Luke 8:45

Eeta Yesu 'isalutuwama, 'igwaeya, “Hei! Taiya 'i'abi tohogauwa?” Ta mabwaiyadi siuhala, ma hesi Pita 'ihegwaeya, 'igwae, “Bada, bodaedi siheheduidui ta 'oiuwa situpa.”

Yoni 5:13

Ma hesi loheyaina 'ana lohala 'igumwagumwala 'ana to'abi hebwebwe'anaina geya 'isanapu. Weyahina 'asainaina 'oina boda madouna simiyamiya ma Yesu soladiyega 'itauya pwaiya.

Paihowa 19:12

ta 'ana 'amweyahi 'ana 'ebe sauwao ta 'ana 'ale'owao si'ewediya ma tolohalao 'oidiya si'abihe pa'idiya, ta 'adi lohala sigumwagumwala, ma wete hi'ahi'a siula latuhediya.

Paihowa 5:15

Ma wete tolohalao sitoedima ma'ebe'enoidi ma silagudiya Pita 'ina 'ebetauyao 'oidiya, ma 'abehega Pita loguloguna 'ida 'abihe bwebwe'anedi.