Luke 8:30 - Loina Nuahuana

³⁰ Coinega Yesu loheyaina 'ihesilaleya, 'igwae, “Togidega saniu?” Ma tauna 'igwaeya, “Sanigu Baibaiwa Hedada, weyahina hi'ahi'a baibaiwadi siluhu pwaiya 'aloguwa ta simiyamiya.”

Luke 8:30 ပူးပေါင်းရင်းမြစ်များ

Madiu 26:53

Ma hesi wada sanapu 'abehega sawasawahina yada 'ahwanoi Tamaguina sauga bewa ma 'ida 'ebwaegau 'ina aneloseyao 'idi bodao tausani ma tausaniyao sabi 'abihetegau.

Madiu 4:24

Coinega Yesu tetelina 'isaweyaneya Siliya gogonao mabwaiyadi 'oidiya, 'oinega tolohalao mabwaiyadi sitautauyedima 'oina, taudi silohala madouna ma wahidi simuyamuya, ma taudi hi'ahi'a* si'abi hebuwediya, ma taudi 'adi lohala hebwasubwasumo ma wete tobelu, ma Yesu 'i'abi hebwebwe'anediya mabwaiyadi.

Madiu 8:29

Siteluwaedi Yesu si'iteya ma sitala'asona, sigwae, “Cei! Cowa Yehoba Natuna, to'aha 'utohotoho ma 'abehega 'upaihowa 'oima? Cabehega tuta bewa 'unaoma sabi 'abihe muyemuyemai ma muliyetega heyatala?”

Maki 16:9

Wiki 'ana sabwelo nugenugetaina gonagona, Yesu 'ina toholohila 'oina 'ilatu nugeta Meli Magidala 'oina, tauna 'alonega mwalo hi'ahi'a site sebeni Yesu 'iula latuhediya.

Maki 5:9

Ma Yesu wete 'ihesilala 'igwae, “Togidega saniu?” Ma tauna 'igwaeya, “Sanigu Baibaiwa Hedada, weyahina mabodaima loheya bewa 'alona 'amiyamiya.”

Luke 8:2

Ma wete tupwana wahiwahine mahetediyao, beno taudi mwalo 'oidiyega hi'ahi'a Yesu 'iula latuhediya, ma wete 'adi lohalao 'i'abi hebwebwe'anediya. Wahiwahineyedi beno Meli Magidala, tauna mwalo 'oinega hi'ahi'a sebeni Yesu 'iula latuhediya,

Luke 8:29

Gwae bewa 'i'inaneya weyahina Yesu 'ihegwae pwaiya, 'igwaeya “Hi'ahi'a, loheyaina beno 'oinega 'ulatu.” Ta wanuwatuhu 'abehega loheyaina mwalo tuta baibaiwana hi'ahi'a 'i'abi'abi heyauyaule, 'oinega si'abiyahiya ma nimana ta 'ahena sipaidiya gulaha pwawati, beno seni 'oidiyega, ma tuwa seniyedi 'iupaupadi ta wete hi'ahi'a loheyaina 'itautauye tupwa yoho 'awawa.