Luke 8:21 - Loina Nuahuana

²¹ Coinega Yesu 'ihegwaediya, 'igwae, “Geya siboimo, ma hesi 'eguma taiyewedi Yehoba 'ina gwae sihehesagohe ma simulimuliye, beno taudi sinagwao ma tasigwao.”

Luke 8:21 ပူးပေါင်းရင်းမြစ်များ

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Madiu 25:45

“Ma yahegwaedi, ‘Moisa, tutaedi 'oidiya 'eguma tomota 'i'iudi bewa 'aigeda geya wa'abihete, beno 'oina geya walemegau.’

Madiu 28:10

Coinega Yesu 'ihegwaediya, 'igwaeya, “Sahena wa'ate'ateyoho, ma hesi watauya ma 'iyagwao wahemataluwedi ma sitauya Galili 'oina, nage 'oina 'abwa si'itegau.”

Luke 8:15

Ma patuwedi bale'u bwebwe'ana 'oina sibe'uwa, taudi beno ma 'idi 'atetagwala gwaeina sihesagoheya, 'oinega sihe'alama'i'itana, ma Yehoba 'ina gwae 'oidiya 'ihuwa bwaibwaina.”

Luke 8:20

Ma gwaemo sihewasaeya, sigwae, “Bada, sinau ma tasimwao wa'italatu 'atamana sitotoholo, ma nuwanuwadi 'owa.”

Yoni 13:17

He'itaedi mabwaiyadi wasanapudiya, ma 'eguma wapaihowadi, nata 'omi 'ebe yaliyaya bwebwe'ana waloba.

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”

2 Kolinita 5:16

Mwalo, 'igu nuwatuhu 'abehega Keliso loheya galana ma hesi yanuwabui pwaiya, 'oinega sahena tahesihesinuwa tomota 'oidiya 'abehega bwebwe'adi bo galadi, beno mebale'u 'idi nuwatuhu gide,

2 Kolinita 6:18

ma 'oiguwa wa'ahwa tamana ma 'omi natugwao meloheyami ma mewahinemi.’ Bewa Yehoba Tohewaiwai tauna 'ina gwae.”

Yemesa 1:22

Geya'abwa wahesagohamo, beno tuwa wa'abo'abowegomi, ma wapaihowa wete.

1 Yoni 2:29

Tauna mumugana wasanapuya mabwaiyana bwebwe'ana, eeta wasanapuya 'abehega tomota tobwebwe'ana, taudi wete Yehoba 'oinega sili'uma.

3 Yoni 1:11

Ciyagu, geya'abwa mumuga galana 'umulimuliye, ma mumuga 'ausalana hesi. Tobwebwe'anao taudi Yehoba 'ina bodao, ma topuiyao geya Yehoba sida sanapuya.