Luke 8:18 - Loina Nuahuana

¹⁸ “Coinega wanuwatuhuyahi ma gwae wahesagoha bwaibwaini. Weyahina 'eguma taiya 'oina Yehoba 'ina tobwatobwa 'imiyamiya, nata tobwatobwaina 'ilohepoi. Ma taiya 'oina geya Yehoba 'ina tobwatobwa 'imiyamiya, ma 'iboinamo 'inuwatuhuya 'abehega Yehoba 'ina tobwatobwa 'oina 'imiyamiya, nata Yehoba tobwatobwaedi 'oinega 'i'ewayahuledi.”

Luke 8:18 ပူးပေါင်းရင်းမြစ်များ

Madiu 13:12

Ceguma taiyawedi gide ma'idi sanapu, nata loheposeyana madou hedade siloba, ma hesi 'eguma taiyawedi geya 'idi sanapumo ma to'aha nuwana 'oidiya 'imiyamiya nata mabwaiyana silohe'waihi.

Madiu 25:29

Weyahina 'eguma taiya 'ana heguheguyai 'iloheposeyane, 'ana loheposeyana wete 'iloba, ma 'imadou; ma 'eguma taiya geya 'iloheposeyane, to'aha 'oina 'imiyamiya 'oinega 'abwa si'ewa yahule.’

Maki 13:14

“Cabwa 'eguma 'omi wa'itadi hali tomota ginaula gala hedadedi ma didigadi sihetoholodi tupwa he'ahe'asisina 'oina (Ceguma taiya nage gwaeina 'ihasili 'abwa 'isanapu), tuta nage 'oina Yudiya 'ana tomiyao 'ilobwainediya ma 'oya 'oidiya sidena.

Luke 19:26

“Ma badaina wete 'oidiya 'igwaeya, ‘Tuwa wa'ebwae, weyahina 'eguma taiya 'ana heguheguyai 'iloheposeyane, 'ana loheposeyana wete 'iloba, ma 'eguma taiya geya 'iloheposeyane, to'aha 'oina 'imiyamiya 'abwa 'oinega si'ewayahule.

Luke 9:44

'igwaeya, “Cigu gwae bewa nata yahepwaile 'oimiya wanuwatuhuyahi bwaibwaini, beno taugu Loheyaiguina 'i'iunamo ma sitebae ma 'agu 'alehao 'oidiya si'ebwayaegau.”

Yoni 15:2

Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Paihowa 10:33

Ma yalomwayamwayau ta 'igu hewahewaliyedi yahetunediwa ta sibwauwegoma, ma 'utagwalegowa 'utauyama, ta yauwedo. Coinega bewa tuwa mabwaiyama Yehoba matana 'adeli 'autama ma to'aha Badaina 'iloinegowa 'uhegwaemai ma 'ahesagohe.”

Paihowa 17:11

Mwalo Tesalonaika 'oina meYudiya genuwadi wasaina, ma hesi meYudiya Beliya 'oina 'idi tagwala bwebwe'ana, ma wasaina nuwadi 'i'eweya, 'oinega sabwelo 'aigeda 'aigeda Buki He'asisi sihasihasili ta 'abehega wasa bewa 'ana moisa sida sanapu.

Loma 12:3

Camo'isamo tuwa Yehoba 'oinega 'atemuyamuya yalobeya, ma sawasawahigu wete yaloguguya 'oimiya eema sahena wanuwanuwa hane, ma hesi ma'imi sanapu wanuwatuhu bwaibwaina, weyahina Yehoba 'ina heguheguyai 'oida 'ida hemisa talobediya,

1 Kolinita 14:37

Ma wete 'eguma taiya 'inuwatuhuya 'abehega tauna palopita ma Yehoba yaluyaluwana 'oina 'imiyamiya, nugeta 'ida sanapu 'abehega 'igu gwae leta bewa 'oina, beno Yehoba 'ina loina 'oimiya.

1 Kolinita 3:18

Gesowana taiya 'owa 'uboi 'u'abowego 'abehega 'owa 'aigeda tosanapu, weyahina 'eguma bale'u bewa 'ana sanapumo 'usanapuya, 'ilobwainegowa ma sanapuina 'ulogwahate ma 'oinega sanapu moisa Yehoba 'oinega 'uloba.

1 Kolinita 8:2

Ceguma tanuwatuhu 'abehega tauda tosanapu, beno geya tasanapu bwaibwaini,

Pilipai 3:4

Moisa tuwa, sawasawahigu ma wasawasa bale'u weyahina yagwae hane, weyahina taugu sanigu tomota baibaiwadi sanidiyao 'ihane sinediya,

Ibeliu 2:1

Coinega sawasawahida ma gwaeyedi tahesagohediya tanuwatuhu yahidi, ma sahena tanuwanuwa naidedi.