Luke 6:49 - Loina Nuahuana

⁴⁹ Ma hesi 'eguma taiya 'owa 'igu gwae 'uhesagoheyamo ma geya 'uhematamatane, 'owa tuwa gide tohada'abi negwanegwala daisina 'oina 'i'abiya. Ma tutaina 'abaita 'ilatuwa hadaina 'ihunuya, ta 'ibuineya ma 'iligeha yahuleya.”

Luke 6:49 ပူးပေါင်းရင်းမြစ်များ

Madiu 23:3

Coinega to'aha gide sihe'itegomiya wamuliyedi, ma hesi 'idi paihowao sahena wahe'au'aunaowedi, weyahina taudi sihehe'itamo, ma geya 'idi he'itaedi sipaihowadi.

Madiu 24:10

ma mwauwedi weyahidi 'abwa tupwami wawe'a ma waboimo 'iyamiyao watebaedi, nuwana walo'alehedi.

Maki 4:17

ma hesi geya walowalodi pa'alidi 'ilagudi, 'oinega sauga 'i'iuna tuwa simiyamiya, ma 'abwa to sauga 'oina Yehoba 'ina gwae 'ana hemisa weyahina mwau nuwana 'aleha siloba, beno 'oina sibe'u mwayamwayau.

Luke 12:47

“Ma 'eguma taiya 'ina bada 'ina nuwatuhu 'isanapu ma tuwa geya 'i'atububu ta wete geya 'ipaihowa, 'abwa sapi mwauna 'iloba.

Luke 19:14

“Ma muliyetega badaina 'ina tomotaiyao tupwadi silogwahateya, geya nuwadi ma 'oidiya 'ihetoloina, 'oinega wasa sihesumaneya, sigwaeya, ‘Loheyaina beno geya nuwama ma 'oima 'ihetoloina.’

Luke 19:27

Coinega bewa tuwa 'agu 'alehaowedi, taudi silogwahategauwa ma 'abehega geya nuwadi 'oidiya yahetoloina, watoedima ma mataguwa walohe'amasidi.’”

Luke 6:46

“Ma to'aha weyahina wa'ahwa'ahwa badaegau, ma 'igu gwae geya wahematamatanedi.

Luke 6:48

Ma tohada'abiina nugeta 'ina wahuwahu pa'alina 'ilobeya, da'uda'ule 'oina, ma 'ina hada 'oina 'i'abiya, 'oinega tutaina 'wesu madouna 'isuluwa ta 'abaita 'idauwa. Ta 'ina dau 'oinega hadaina 'ihunuya madouna, ma geya 'i'abihegala, weyahina wahuwahu bwebwe'ana 'oina 'i'abiya.

Luke 7:1

Ma Yesu 'ina gwae tomota 'oidiya 'igumwala, ma 'ilatuwa 'itauya Kapaneumi 'oina.

Yoni 15:2

Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Paihowa 20:29

“Yasanasanapu wete nata 'igu tauya mulina tohe'itao galadi, gide 'edewa sasasasaidi, sinaoma ma 'imi sipiyao si'abihe galadi.

Paihowa 26:11

Ta wete hada tapwalolo 'oidiya ya'abi'abi hemuyamuyadi ma yahe'ohe'ohenedi ma Yesu silogwahate, ma yagamwasowala moisa 'oidiya, ma yamutumutudi hali 'asao 'oidiya.

1 Tesalonaika 3:5

Bewa huhuna 'oinega yanuwanuwatuhu hedade, ma Timoti yahewasaeyawa ma 'imi hemisa 'i'ita, ma tetelimi 'i'eweyama, weyahina ya'ateyohowa Seitani 'oina, nata gide 'ebetoho madouna 'i'ebwaegomi ma wawe'a, ma nata gide 'ima paihowa mwalo 'oimiya 'i'abihegala.

2 Pita 2:20

Taudi mwalo 'idi Bada ma 'adi To'abihetena Yesu Keliso 'ote'otetelina sihemisaeya eeta mumuga bale'u si'ebesineya, ma 'eguma silohihila mumuga miyamiyaidi 'oidiya nata sibe'u, ma 'oinega taudi sigala moisa.

1 Yoni 2:19

ma Keliso 'ana 'alehaowedi 'adi 'ita gide Keliso 'ana tohemisao, ma geya. Weyahina taudi 'eguma 'ida boda moisa, 'abwa mahetedao tamiyamiya. Ma hesi geya! Tuwa si'ebesine pwaigita.