Luke 6:23 - Loina Nuahuana

²³ Tuta nage 'oidiya 'eguma mwauwedi silatu, weyahidi wayaliyaya, ma watoholo ma wasobu, weyahina 'ami maisa bwebwe'ana galewa 'imiyamiya. Ta wanuwatuhuyahi 'abehega to'ahwa galagalaedi tubudiyao mwalo palopitao si'ahwa galegalediya, gide wete 'omi tuta bewa 'oina si'ahwa'ahwa galegalegomi.

Luke 6:23 ပူးပေါင်းရင်းမြစ်များ

Madiu 5:12

Moisa 'ilobwainegomiya ma wayaliyaya madouna, weyahina 'abwa 'ami maisa bwebwe'ana galewa waloba. Ma 'omi gide Yehoba 'ina palopitao mwalo. Weyahina taudi wete 'idi miya mwau silobeya tomota 'oidiyega.

Luke 1:41

Beno 'oina Elisabeti nibainaina 'ina helau 'ihesagoheya ma gamwanega gwamaina 'imwasala, ma wete Yaluyaluwa Tabuna Elisabetiina 'ilohemaheya,

Luke 1:44

Ma hesi 'ino loyauwedo yahesagoheya ta gwamaina 'iyaliyaya ma 'imwasala gamwaguwa.

Luke 6:35

Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Paihowa 14:10

Coinega Paulo 'enana madouna 'oinega 'ibwau naowa 'oina 'igwaeya, “Cutoholo.” Ma tolopegoiina 'itoholo mwayamwayauwa ma 'iyawala.

Paihowa 3:8

ma 'iulataheya ma 'itoholowa, ma 'oinega 'itauya ta ba'idanao siluhuwa Hada He'asisi 'alona, ma loheyaina 'iulaula taheya ma 'ihehepwatu Yehoba 'oina.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Loma 5:3

Ma wete tayaliyaya tuta mwau 'oidiya, ma 'eguma ta'alama'i'itana bewa mwauwedi 'oidiyega,

2 Kolinita 12:10

Coinega Keliso weyahina yatagwatagwala mwau baibaiwana 'oidiya, gide we'a 'ahwa galagala, tuta mwau, 'aleha, hesilae. Weyahina 'eguma yawe'a bewa 'igu 'ebehewaiwai!

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

2 Timoti 2:12

Ceguma Keliso ba'idada ta 'ida miyamwau 'oidiyega ta'alama'i'ita, 'abwa ba'idada tahetoloina. Ceguma Keliso tauhale 'abwa wete 'iuhalegita.

Ibeliu 11:26

Weyahina geya nuwana wasawasa bale'uwedi Itipita 'alona, ma hesi muyamuya Keliso weyahina 'ihesinuweya, weyahina 'isanapuya 'abehega 'abwa maisa bwebwe'ana 'iloba.

Ibeliu 11:6

Moisa, 'eguma sahena tahehemisa Yehoba 'oina, geya'abwa weyahida 'iyaliyaliyaya. Ceguma nuwanuwada ma Yehoba 'oina tatauya, tahemisa nugeta 'abehega Yehobaina 'imiyamiya, ta 'ana to'ebesao 'adi tohelau tauna, ma muliyetega tatauya 'oina.

Yemesa 1:2

Tasigwao, tuta sinaonaoma 'oidiya 'eguma 'ebe tohona baibaiwadi ma wete mwaudi walobadi, weyahidi wayaliyaya,

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

Heꞌitaꞌita 2:17

“Ceguma taiya 'oimiyega matenana, Yaluyaluwa Tabuna 'ina gwae 'ihesagohe. Ma 'eguma 'omi taiyawedi Seitani wahewaiwai sineya 'e'ahai dahwadahwaina ya'ebwaegomi. Ta wete 'aigeda 'aigeda 'oina yaheguyai da'ule wa'ewa'e'edi, ta da'uleyedi 'oidiya sanimiyedi simiyamiya 'ehaudi, beno geya 'eta taiya sawasawahina ma 'isanapudi, beno namo tauna to'ewaina 'isanasanapu.”

Heꞌitaꞌita 2:26

“Ma wete 'eguma taiyewedi 'omi Seitani wahewaiwai sineya, ta 'igu paihowaina tuwa wapaipaihowa ta 'ana siga 'ebelosaloha 'oina, loina ya'ebwaegomi ma tupwa mabwaiyadi waloinaedi, gidemusa Tamagu loina 'i'ebwaegauwa. Ma 'imi loinaina waiwaina 'oinega 'abwa waloina tomota 'oidiya, tuwa gide pwawatiyega walata ta'ahu'ahu pisalidi.

Heꞌitaꞌita 2:7

“Ceguma taiya 'oimiyega matenana, 'ihesagohe Yaluyaluwa Tabuna 'ina gwae tohekalesiyao 'oidiya. Ma 'eguma taiya 'oimiyega 'ihewaiwai, 'oina yatagwala ma yawasida 'ana 'aiwe huwaina 'i'ai, 'aiweina Yehoba 'ina tanoha 'itotoholo.”

Heꞌitaꞌita 21:7

Ma 'eguma taiya 'ihewaiwai Seitani 'oinega, nata yaliyaya yatagwala 'oina ma 'i'ahwa tamanegau, ma tauna ya'ahwa natune.

Heꞌitaꞌita 3:12

Ma 'eguma 'oimiyega taiya 'ihewaiwai, yaloinae ma 'ihelogidi Yehoba 'ina Hada He'asisi weyahina, ma geya'abwa wete 'i'ebe'ebesine, ma 'oimiya Yehoba sanina 'abwa yalele, ma wete Yehoba 'ina 'asa sanina yalele, beno Yelusalema hauhaunaina, 'abwa galewega 'isuluma 'igu Yehoba 'oinega. Ma wete 'oimiya sanigu hauhauna yalele.

Heꞌitaꞌita 3:5

“Gidemusa tuwa 'omi taiyawedi wahewaiwai, 'omi wete 'ami 'ale'o wa'ewa'e'edi wa'otedi, ma geya'abwa sanimi yawasi bukina 'oinega yale'wale'wa yahule, ma hesi sanimiyedi 'abwa ya'inanadi Tamagu ta 'ina aneloseyao 'oidiya, 'abehega 'omi 'igu boda.