Luke 24:47 - Loina Nuahuana

⁴⁷ ma muliyetega saninega tetela bwebwe'ana, nuwabui ma galana 'ana nuwasam weyahidi siguguyae.’ Cidi guguyaina 'ida hegaina Yelusalema 'oinega, ma 'ida sakowasi bale'u mabwaiyana 'oina.

Luke 24:47 ပူးပေါင်းရင်းမြစ်များ

Madiu 28:19

Coinega watauya ma 'asa mabwaiyadi 'oidiya waloguguya, ma 'oinega tomota sihemisaegau, ma wete wa'abihe babitaisodi Tamagu saninega ma Natuna Taugu saniguwega ma wete Yaluyaluwa Tabuna saninega.

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Madiu 9:13

Coinega 'ilobwainegomiya ma Yehoba 'ina gwae wanuwa sabwalena Buki He'asisi 'oina, 'igwaeya, ‘Nuwanuwagu 'atemuyamuya, ma geya nuwagu pwaoli.’ Bewa yanaoma geya tobwebwe'ana weyahidi, ma hesi topui sabi 'abihetedi.”

Luke 13:34

“Yelusalema he, togidega ma palopitao 'ulohelohe 'amasidi, ma wete Yehoba 'ina tohalewasao dimwega 'u'ahu'ahu yamatedi? Tuta mabwaiyana nuwanuwagu ma 'ino tomotaedi yabwau 'autedima gide 'am'am natunao papenega 'i'ahuyahidiya, ma hesi silogwahategauwa!

Paihowa 10:43

“Palopitao wete mwalona sihepwaila nugeteya 'abehega 'eguma taiyawedi Yesu 'oina sihemisa, nata 'idi puiyao Yehoba 'inuwasamudi Yesu tauna saninega.”

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 13:46

Ta Paulo ma Banaba ma'idi 'atepatu sigwae latuwa meYudiyaedi 'oidiya sigwaeya, “Cilobwaineya ma Yehoba 'ina gwae 'ahepwaila nugete 'oimiya, ma bewa tuwa walogwahateya, nuwana 'omi waboi waloinaegomi 'abehega geya sowasowahimi ma yawasimi hataya waloba, 'oinega 'alogwahategomiya, ma tomiya ganamuli 'oidiya 'aloguguya, taudi geya meYudiya 'oidiya.

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Paihowa 26:20

ma hesi Damasiko 'oina yahepwaila nugeta, ma muliyetega Yelusalema wete 'oina, ma Yudiya 'asanao mabwaiyana 'oidiya, ma taudi geya meYudiya 'asa ganamuli wete 'oidiya yahepwaile, ta 'abehega mumugadi galana 'oidiyega sinuwabui Yehoba 'oina, ta mumuga bwebwe'ana 'oidiyega 'idi nuwabui sihe'itae.

Paihowa 28:28

Ta Paulo 'ina gwaeina wete 'iloheposeyaneya, 'igwae, “Wasanapu Yehoba 'ina hepwaila 'ada 'abihetena weyahina 'abehega 'ihewaseya taudi 'asa ganamuli geya meYudiya 'oidiya, ma taudi hesi sihesagohe.”

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Paihowa 4:12

Ta geya 'eta taiya wete sowasowahina ma 'ilemegita. Beno tuwa Yesu. Ma geya 'aigeda wete sani bale'uwa 'imiyamiya ma 'oinega lemaina taloba.”

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Loma 5:20

Ta tutaina Mosese 'ina loina 'ilatuma pui tuwa 'ihehewaiwai, ma 'iyamo Yehoba 'ina helau 'ihewaiwai hedadeya.

Epeso 1:6

ma Yehoba tahepwatuwe bewa helau bwebwe'ana hedada weyahina, tauna Natuna moisaina 'i'ebwae daisiya weyahida.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

1 Yoni 2:12

Gwagwama yo, gwae bewa yaleleyawa weyahina 'imi puiyao Yehoba 'inuwasamudiya, Yesu saninega.