Luke 24:44 - Loina Nuahuana

⁴⁴ Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Luke 24:44 ပူးပေါင်းရင်းမြစ်များ

Madiu 1:22

Ginauledi silatulatu weyahina mwalohene palopita 'aigeda 'ina gwae 'ihepwaila nugetediya ta Buki Tabu 'oina 'ilelediya 'igwae,

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 26:54

Ma hesi ginaula bewa mabwaiyana silatulatu 'abehega to'aha mwalo Buki He'asisi 'oina silelediya weyahigu silatuwa.”

Madiu 26:56

Ma hesi bewa gide wapaihowa 'esa ma 'abehega togidega palopitaowedi mwalo weyahigu silelediya ma sauga bewa silatuma.” Eema 'ana tomuliyao mabwaiyadi si'ebesineya ma sidena.

Luke 21:22

Sabwelowedi 'oidiya Yehoba 'ina yatala nata 'ilatu tomota 'oidiya, ta 'oinega Buki He'asisi 'ina hepwaila nugeta mabwaiyana 'ilatu.

Luke 22:37

“Weyahina tuta 'ilatu pwaima, ma 'oinega Buki He'asisi 'oina mwalo 'aigeda gwae weyahigu sileleya, 'ida latu moisa, 'igwaeya, ‘Siyatalaeyeya gide tuwa 'aigeda loina 'ana toligeha.’ Ma wete gwae baibaiwana weyahigu sowasowana silatu.”

Luke 24:46

Ma 'oidiya 'igwaeya, “Bewa gide silele 'esediya 'igwae, ‘To'abihetenaina muyamuya ta 'amasa 'ida loba, ma sabwelo hetoina 'oina 'amasega 'ida toholo hila,

Luke 9:22

Ta wete 'ihegwaediya, 'igwae, “Taugu Loheyaiguina ma 'abwa muya madouna yaloba. Weyahina babadao ma topwaoli madoudi ma wete loina 'ana tohe'itao nata siguipailegau ma silohe'amasigau, ma sabwelo hetoina 'oina Yehoba 'i'abihetoholo hilegau.”

Luke 9:44

'igwaeya, “Cigu gwae bewa nata yahepwaile 'oimiya wanuwatuhuyahi bwaibwaini, beno taugu Loheyaiguina 'i'iunamo ma sitebae ma 'agu 'alehao 'oidiya si'ebwayaegau.”

Yoni 3:14

“Mwalona gidemusa tubudao 'oidiya yoho 'awawa sitautauya ma Mosese mwata pwawati 'oinega 'ipaihoweya ma 'aiwe 'oinega 'i'abi haneheya ma 'oinega tubudaowedi lema silobeya. Coinega taugu 'abwa nata wete 'aiwe 'oina si'abi hanehegau,

Yoni 5:39

Yehoba 'ina buki wahasihasili. Ma wanuwatuhu 'abehega bukiina 'oinega yawasimi miyamiya hatayana wada loba. Ma hesi geya wasanapu 'abehega bukiina taugu tuwa weyahigu 'ihehegwaegwae.

Yoni 5:46

Ma 'eguma moisa Mosese wahemisaeya, taugu wete gide wahemisaegau. Weyahina Mosese tauna mwalona Yehoba 'ina buki 'oina weyahigu 'ihepwaila pwaiya.

Paihowa 13:33

ta sauga bewa 'i'abihe latuya yaso hauhauda 'oida, tutaina Yesu 'amasega 'i'abihe toholoya. Bewa weyahina wali Same heluwena 'oina Yehoba 'ina gwae sihepwaila nugeteya, 'igwae, 'Cowa natugu nige ya'ahwa natunegowa.’

Paihowa 13:40

“Coinega wa'ita yahigomi ma gwaeina palopitao mwalo weyahina sigwaegwae hemisa, sahena 'oimiya 'ilatulatu. Gwaeina 'igwaeya,

Paihowa 2:27

Taugu 'ino loheya hesihesinuwaigu, eema sahena yaluyaluwagu 'ulagulagu hataya to'amasao 'idi gogowa, ma gesowana wete 'wapigu 'imwahulu.

Paihowa 3:18

Ma hesi wada nuwahila 'abehega Yehoba 'ina palopitao 'oidiyega 'ihepwaila nugeta beno To'abihetena 'ina muyao 'ilobadi, 'oinega gwaeina 'ana moisa 'ilatu pwaiya.

Paihowa 7:37

“Bewa Moseseina meIsileli 'ihegwaediya 'igwae, 'Yehoba 'abwa tasimiyao 'oidiyega 'aigeda palopita 'ihesinuwe weyahimi, gide mwalo 'ihesinuwegauwa.’

Ibeliu 10:1

Cabwa 'ebe yaliyaya moisa 'oida 'ilatuma, ma hesi Mosese 'ina loina gide ma'ama'ayaumo tuwa, ta geya 'ebe yaliyaya moisa. Mosese 'ina loinaina 'abehega bolime ma bolime hebai sihunuhunudi ta Yehoba 'oina sipwaoliyedi, ta paihowaedi geya sawasawahina ma 'i'abihe bwebwe'anedi.

Ibeliu 3:5

Moseseina Yehoba 'ina hada 'ihehetapewa, topaihowa gide, ta Yehoba 'ina gwaeyao ginaulaedi 'abwa silatu weyahidi 'ihepwaila latuhediya.

Ibeliu 7:1

Ma Melikisedekiina meSalema 'idi kini, ta Yehoba Tolohanena moisa 'ina topwaoli. Mwalo hene Melikisedekiina Ebalahamo 'ilobeya, tutaina lo'aleha 'oinega 'ihilama. Ta Ebalahamoina toloinao baibaiwadi ma 'adi bodao 'ipe'udiya, 'oinega Melikisedeki gwae hemisa bwebwe'ana 'i'ebwaeya Ebalahamo 'oina.

Ibeliu 9:8

Bewa 'ebe'ita tomota hauhauda 'oida, Yaluyaluwa Tabuna 'oinega, ta 'oinega tasanapu 'abehega 'eguma paihowaina miyamiyaina 'abwa tapaipaihowa, geya sawasawahina ma taluhu Tupwa He'asisi Hedade 'alona. Eeta helauwao ma hebahebai loina miyamiyaina 'oinega sipwaopwaoliyedi Yehoba 'oina, ta hesi geya sawasawahidi ma tomotaedi 'atedi si'abihe'ehau, ta wahidimo si'abihe'ehau,

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.