Luke 24:19 - Loina Nuahuana

¹⁹ Coinega Yesu 'igwaeya, “To'aha?” Ma taudi sigwaeya, “Nuwatuhuwedi Yesu gwama Nasaleta 'oina silatuwa. Loheyaina tauna palopita, ma wete Yehoba ma tomota matadiya 'ina gwaeyao ta 'ina paihowao waiwaidi.

Luke 24:19 ပူးပေါင်းရင်းမြစ်များ

Madiu 21:11

Ma 'ana 'wayabuwao tomotaedi 'idi gwae sihemaiseya, sigwae, “Bewa palopita, gwama Nasaleta, sanina Yesu, Galili 'ina 'ebeloina 'oinega 'inaoma.”

Luke 24:18

Ma 'iyanaina sanina Kaliopasa 'igwae hila, ta Yesu 'oina 'igwaeya, “Ciya, 'owa 'uboimo Yelusalema 'oina geya 'usanapu to'aha 'ilatuwa sabwelo 'etoi 'oidiya wa?”

Luke 7:16

Nage 'oina tomotaiyao simatauta ma Yehoba sihepwatuweya, sigwae, “Palopita madouna bewa 'ilatu pwaima. Bewa Yehoba 'ina habo'ena tauda 'ina tomotaiyao 'oida.”

Yoni 3:2

Loheyainaina nihuwanega 'itauya Yesu 'oina ma 'ihegwaeya 'igwae, “Cinapwana, 'asanapuya 'owa tohe'itaina Yehoba 'oinega 'utauyama. Weyahina geya 'eta taiya 'ina paihowa waiwaina 'owa gidemusa 'eguma Yehoba geya mahetena.”

Yoni 4:19

Coinega wahineina 'igwaeya, “Cinapwana, 'abwa hesi yasanapugowa 'owa 'abe 'aigeda palopita.

Yoni 6:14

Cigumwala ma bodaedi Yesu 'ina paihowa waiwaina 'ana 'ila'ilala si'iteya ma sigwae, “Tauna tuwa bewa palopitainaina tauna 'abehega gogo gabulena 'oina 'itauyama.”

Yoni 7:52

Coinega 'inapwanaowedi Nikodimo sihegwae hileya, “Nuwana 'owa Galili loheyaina, 'awa? Ma hesi 'eguma Buki He'asisi 'uhasili, nata 'usanapu 'abehega geya 'eta wete palopita Galili 'oinega 'itauyama.”

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Paihowa 2:22

Pita wete 'ihegwaediya, 'igwae, “MeIsileli 'omi gwae bewa wahesagohe, Yesu tauna gwama Nasaleta matamiya Yehoba 'ihe'itaeya 'abehega tauna 'ina topaihowaina, weyahina Yesu 'ina paihowa waiwaidi ma 'ebe henainaida Yehoba 'ina waiwaiyega 'ipaihowediya, ma wasanasanapudi weyahina gamwagamwanimiya 'ipaihowediya.

Paihowa 7:22

“Ta Mosese meItipita 'idi sanapu mabwaiyana sihe'iteya, ma 'isanapudiya, ta 'ina gwaeyao ta 'ina paihowao 'oidiya 'ihewaiwai hedada.