Luke 21:34 - Loina Nuahuana

³⁴ “Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

Luke 21:34 ပူးပေါင်းရင်းမြစ်များ

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Maki 13:9

“Ta 'omi hesi wa'itayahigomi, weyahina tomota 'abwa si'abiyahigomi ma sitauyegomi yatala weyahina, ta Hada Tapwalolo 'oidiya sisapigomi, ta wete 'abwa toloinao ma kiniyao matadiya sitoegomi ma watoholo ma siheyatalaegomi, beno weyahina 'omi 'abehega taugu 'igu bodao, ta saugaina 'oina teteligu wahepwaile 'oidiya.

Maki 4:19

ma hesi 'idi nuwatuhu bale'u ma wasawasa weyahidi, 'oidiyega Yehoba 'ina gwae silohe'amasiya, ma geya sowasowahina huwaidi silagu.

Luke 10:41

Ta Yesu 'igwaeya, “Malida, togidega ma ginaula mabwaiyana weyahidi 'unuwanuwatuhu,

Luke 12:40

Coinega 'omi wete wa'atububu bwaibwaina ma 'igu tuta hilama weyahina wayamwegau, weyahina taugu Loheyaiguina 'igu hilama 'ana tuta geya wasanapu.”

Luke 17:3

“Coinega wa'itayahigomi, ma 'eguma tasiu 'oiuwa 'ipaihowa galagala, 'uhegwae 'ina puiina, ma 'eguma 'inuwabui 'unuwasam.

Luke 21:35

Weyahina sabweloina 'oina mebale'u mabwaiyadi 'ilohe'ateyohodi 'ina bwa'omatana 'oinega.

Luke 21:8

Ta Yesu 'oidiya 'igwaeya, “Wa'itayahigomi 'amuge ta tomota tupwadi si'abowegomi, weyahina 'abwa tomota tupwana baibaiwana saniguwega sinaoma ma 'abehega sinugeta puiyegomi, ma 'aigeda 'aigeda 'igwae, ‘Taugu To'abihetena,’ ma tupwadi wete sigwae, ‘To'abihetenaina 'ina tuta 'i'ehohoyama.’ Ma hesi sahena taudi 'enadi wamulimuliyedi.

Luke 8:14

Ma patuwedi talitali 'oidiya sibe'uwa, tomotaedi taudi gwaeina sihesagoheya, ma hesi 'idi nuwatuhu mabwaiyana 'itautauya wasawasao ta bale'u yaliyayaina ta wete ginaula baibaiwana 'oidiya, ma 'oinega Yehoba 'ina gwae 'oidiya geya huwaina 'ida latuwa.

1 Kolinita 5:11

Ma bewa tuwa 'igu loina 'oimiya gide, 'eguma taiya 'ihekalesiya ma 'ilogwali, 'eguma tomata tobwatobwa, bo tolonabwasuwa, bo toheliya, bo tonuma bwasi waiwai, bo toyagaha, geya'abwa wa'ahwa 'iya'iyaguwe bo nuwana mahetemiu wa'ai.

1 Kolinita 6:10

ma toyagahao ma tomata tobwatobwaedi, ma tonuma bwasi waiwai, ma tolomugiyao ma to'e'abo'abowao.

Galetiya 5:20

'oba, balahu, he'ahwa panapanawa, lo'aleha, he'ipi'ipi, gamwasowala, 'aiduma, wataha, sinala,

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

2 Pita 3:10

Ma Bada 'ina bwa'omatana 'ana sabwelo 'abwama 'ina tauyama gide toyagaha ma 'ilohesalutuigitamo, ma galewa sisawala ma'ina 'alapwasi madouna, ma ginaula mabwaiyadi galewa 'aiwe 'ala'alasina 'oinega 'i'ala hesawalidi, ma wete bale'u ta ginaula mabwaiyadi 'oina 'i'ala hesawalidi.

2 Pita 3:14

Ciyagwao, 'imi yamwana 'ana tuta watoho waiwai eeta 'eguma 'itauyama 'ilobwainegomiya ma 'imi mumuga bwebwe'ana mabwaiyana, ma nuwadaumwalega wamiyamiya.

Heꞌitaꞌita 3:3

Ma mwalo he'itaina sihe'itegomiya ta wahesagoheya, sowasowana wanuwatuhuyahi ma wanuwahila eema wamuliya bwaibwaini. Ma 'eguma geya 'enowega wada toholowa, 'abwa 'oimiya yatauyawa ma yalohe'ate yohogomi gidemusa toyagaha, ta geya wasanapu tolahisa yalatuwa.