Luke 20:35 - Loina Nuahuana

³⁵ ma hesi tuta 'inaonaoma 'oina 'eguma wahine ma loheya sowasowahidi ma 'amasega sitoholo hila nata geya'abwa wete sihaihai.

Luke 20:35 ပူးပေါင်းရင်းမြစ်များ

Madiu 12:32

“Ma 'eguma taiya 'i'ahwa galegalegau taugu Loheyaiguina, Yehoba nata gwaeina 'inuwasam, ma 'eguma taiya Yaluyaluwa Tabuna 'i'ahwa galegale gesowana Yehoba 'inuwanuwasam, tuta bewa 'oina, ma tuta sinaonaoma 'oidiya.”

Madiu 22:29

Ma Yesu hesilala bewa 'ihemaiseya, 'igwae, “Bewa 'imi pui, weyahina Buki He'asisi geya wasanapu, ma wete Yehoba 'ina waiwai geya wasanapu.

Maki 10:42

Eeta Yesu mabwaiyadi 'ibwau he'autediya ma 'ihegwaediya, “Comi wasanapuya taudi bale'uwa sibwauwediya 'abehega babadao, 'idi tomotaiyao siloiloina pa'aledi.

Maki 12:24

Ma Yesu 'idi hesilalaina 'ihemaiseya, 'igwae, “Bewa 'imi heyauyaule, weyahina Buki He'asisi geya wada sanapuya, ma wete Yehoba 'ina waiwai geya wada sanapuya.

Luke 16:8

“Coinega 'ina badaina 'ina paihowa bewa wasana 'ihesagoheya, ma 'ihepwatuweya, weyahina mebale'u sihewaiwai 'idi wasawasa 'ana paihowa 'oina, ma hesi Yehoba 'ina bodao geya sihewaiwai 'idi paihowao 'asilala weyahina.”

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Yoni 5:29

ma galihega silatuma. Ma 'eguma taiyawedi taudi mumugadi bwebwe'adi, nata yawasi bwebwe'ana siloba. Ma taiyawedi taudi mumugadi geya bwebwe'adi, loina mwauna siloba.

Paihowa 24:15

Ta wete yahemisa 'abehega Yehoba to'amasao 'i'abi'abi hetoholo hiladi, tobwebwe'adi ma togala, gide taudi wete 'idi hemisa.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

2 Tesalonaika 1:5

Bewa 'ebe'ita ma 'oinega Yehoba 'ina loina dumwaluna tasanapu, weyahina 'ami mwauwedi 'oidiyega 'i'abihe pa'aligomi, ma 'ane 'ina 'ebeloina 'ana lugu 'ilobwainegomi.

Ibeliu 11:35

Tupwadi wahiwahine wete 'idi to'waihao 'amasega sitoholo hila. Ta wete tupwadi tohemisao 'adi 'alehao 'oidiyega muya silobeya, weyahina sitohodiya 'abehega si'ewa hiledima, ma hemisa silolagu, ma 'iyamo sitoho 'asaediya, weyahina 'idi hemisa pa'alina 'abehega 'abwa 'amasega sitoholo hilama, ma yawasidi 'ausalana si'ewa.

Heꞌitaꞌita 3:4

“Ma tupwami meSalidisa 'ami 'ale'o geya wabailidi, 'abwa 'omi ba'idagwao tatauya mahemahetena ma'ada 'ale'o wa'ewa'e'ena, weyahina 'omi 'ilobwainegomiya.