Luke 20:26 - Loina Nuahuana

²⁶ Yesu 'ina gwae bewa boda matadiya mabwaiyana dumwaluna, ta geya 'aigeda wete 'ina gwae pui siloba, ta 'atedi 'iyohowa ma simiya henonowa.

Luke 20:26 ပူးပေါင်းရင်းမြစ်များ

Madiu 22:12

'oinega 'ihesilaleya, 'igwaeya, ‘Ciyagu, togidega hai 'ale'oina geya 'u'ote, ma to'ehega 'uluhuma?’ Ma loheyaina geya sawasawahina ma hesilala bewa 'ihemaise.

Madiu 22:22

Yesu 'ina gwae sanasanapuna hedade sihesagoheya, ta geya 'idi 'ebe gwaemo, 'oinega si'ebesineya ma sihawasiya.

Madiu 22:34

Eeta Palisiyao sihesagoha pwaiya 'abehega Yesu Sadusiyao 'idi hesilala 'ihemaiseya ta geya 'aigeda wete 'idi 'ebe gwaemo, 'oinega Palisiyaowedi Yesu 'oina sinaoma,

Madiu 8:10

Cina hepwaila bewa 'oinega Yesu 'iyaliyaya madouna, ta 'isakowasiya ma bodaedi simulimuliye 'ihegwaediya, 'igwae, “Moisa, geya 'aigeda taiya yaloba meIsileli 'oimiyega 'ina hemisa loheya bewa gide,

Luke 11:54

'abehega togidega ma 'ina gwae pui siloba, ma 'oinega sihe'ewa.

Luke 13:17

Yesu 'ina gwae bewa 'oinega tolomugiyedi 'i'abihedeba mwadinediya, ma hesi tomota baibaiwa hedada siyaliyaya madouna Yesu 'ina paihowa waiwaidi weyahidi.

Luke 20:20

Eeta tuta baibaiwana Yesu silolomatayahi ma 'abehega to'aha 'ina pui siloba, eema 'oinega sihepwaile toloina 'oina ma 'iheyatalae, 'oinega tomota tupwadi sihesumanediya Yesu 'oina ta hesilalega si'abowe ma 'abehega 'ina pui siloba.

Loma 3:19

Ma tasanapu pwaiya 'abehega Mosese 'ina loinao beno meYudiya 'ada loina 'oinega geya sowana 'eta taiya 'igwaegwae hila tutaina Yehoba 'ina bwa'omatana 'ana tuta 'oina, weyahina tomiya bale'u mabwaiyada togala.

Taito 1:10

Weyahina toguipaila mabwaiyadi simiyamiya, ta meYudiya 'idi loina 'ana tomuliyao boda hedada sigwaegwae besobeso ma tomota si'abo'abowedi.