Luke 20:21 - Loina Nuahuana

²¹ Ma tomotaiyedi sinaoma ta Yesu sihegwaeya, sigwae, “Bada, moisa 'owa 'ino gwaeyao ta 'ino he'itao mabwaiyana dumwaludi, ma wete 'asanapugowa 'abehega geya wete 'aigeda loheya 'uda matauteya, ma hesi Yehoba 'ina nuwatuhu 'ana tohe'ita moisa 'owa.

Luke 20:21 ပူးပေါင်းရင်းမြစ်များ

Madiu 22:16

Coinega loina silobeya, ma 'adi tomuliyao ma Helodi 'ina bodao ba'idadiyao sihesumanediya Yesu 'oina, ta sigwae, “Bada 'asanapu pwaigowa 'abehega 'owa tohe'ita moisa, ta Yehoba 'ina nuwatuhu 'uhe'itae moisa, ma wete tomota 'idi waiwai weyahina geya 'umatauta, ma tuwa gwae moisa 'uhehepwaile mahemahetena tomota mabwaiyadi 'oidiya.

Maki 12:14

Sitauyama Yesu 'oina ma sihegwaeya, sigwae, “Bada, 'asanapugowa 'abehega 'owa tohe'ita moisa, ma tomota 'idi waiwai weyahina geya 'uda matauta, ma tuwa gwae moisega 'uhehepwaila mahemahetena tomota mabwaiyadi 'oidiya, beno Yehoba 'ina 'eda 'uhehe'ita bwaibwaini. Coinega togidega? Cilobwainegita ma Kini Sisa 'ina takesi ta'ebwae, bo sahena?

Luke 20:20

Eeta tuta baibaiwana Yesu silolomatayahi ma 'abehega to'aha 'ina pui siloba, eema 'oinega sihepwaile toloina 'oina ma 'iheyatalae, 'oinega tomota tupwadi sihesumanediya Yesu 'oina ta hesilalega si'abowe ma 'abehega 'ina pui siloba.

Luke 20:22

Coinega togidega, sowasowahina ma Kini Sisa weyahina takesi talagu, bo geya?”

Yoni 3:2

Loheyainaina nihuwanega 'itauya Yesu 'oina ma 'ihegwaeya 'igwae, “Cinapwana, 'asanapuya 'owa tohe'itaina Yehoba 'oinega 'utauyama. Weyahina geya 'eta taiya 'ina paihowa waiwaina 'owa gidemusa 'eguma Yehoba geya mahetena.”

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Galetiya 2:6

Ma wete taudi tohekalesiyao sihesaniyediya 'abehega 'idi tohanugetao, taudi geya 'eta wete loheposeyana silagulagu 'igu guguya 'oina. Ma taugu 'igu nuwatuhu 'abehega geya ginaula madouna 'eguma taudi sihesaniyediya tohanugetao bo to'aha, weyahina tomota mabwaiyada mahemahetena Yehoba matana.