Luke 20:17 - Loina Nuahuana

¹⁷ Ma Yesu 'i'ebubudiya ta wete 'oidiya 'igwaeya, “Togidega 'ana sanapu Buki He'asisi 'ina hepwailaina, 'igwaeya, ‘Logidiina mwalo tohada'abi silogwahateya, ta tuta bewa sihetoholo nugeteya hada mata'ahwanina ma logidi mabwaiyadi 'iloinaedi.’

Luke 20:17 ပူးပေါင်းရင်းမြစ်များ

Madiu 21:42

Coinega Yesu wete gwae hegehegediyega Buki He'asisi 'oinega 'ihepwaileya, 'igwae, “Nuwana Buki He'asisi 'ina hepwaila geya wanuwatuhuyahi, beno 'igwaeya, ‘Logidiina mwalo tohada'abi silogwahateya, ma tuta bewa sihetoholo pwaiya ma sihelogidi nugeteya, ma logidi mabwaiyadi 'iloinaedi. Beno Bada 'ina paihowa 'ebe henainaida 'oida.’

Maki 10:23

Coinega Yesu 'ilo'ita dadana ma 'ana tomuliyao 'ihegwaediya, 'igwae, “Ceguma taiyawedi taudi ma'idi wasawasa madouna, 'idi luhu Yehoba 'ina 'ebeloina 'alona mwauna.”

Maki 12:10

Wete Yesu gwae hegehegedi Buki He'asisi 'oinega 'ihepwaileya, 'igwae, “Wanuwatuhuya Buki He'asisi 'ina hepwaila bewa gide: Logidiina mwalo tohada'abi siguipaileya, ta bewa sihetoholo nugeteya hada mata 'ahwaina ma logidi mabwaiyadi 'iloinaedi.

Maki 3:5

Ma Yesu 'i'ebubu yahiyahidiya ma'ina gamwasowala ma wete ma'ina nuwagala 'idi debapa'ala weyahina, ma loheyaina 'ihegwaeya, “Nimau 'uyasi,” ma nimanaina 'iyasi hedumwaluya ma 'ibwebwe'ana.

Luke 19:41

Yesu 'ilatu pwaiya Yelusalema deina, ma 'asaina madouna 'i'iteya, nuwana 'igala ma 'idouwa, 'igwaeya,

Luke 22:37

“Weyahina tuta 'ilatu pwaima, ma 'oinega Buki He'asisi 'oina mwalo 'aigeda gwae weyahigu sileleya, 'ida latu moisa, 'igwaeya, ‘Siyatalaeyeya gide tuwa 'aigeda loina 'ana toligeha.’ Ma wete gwae baibaiwana weyahigu sowasowana silatu.”

Luke 22:61

Coinega Yesu 'i'ita hila ta Pita 'i'iteya, ta nage 'oina Pita 'inuwatuhu yahiya Badaina 'ina gwae tutaina 'igwaeya, “Nata muliyetega ma 'am'am 'idoudou ma nugeta 'owa 'uuhalegau matoi.”

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Yoni 15:25

Ma 'idi paihowa galadiyedi silatu bwaibwaina weyahina Buki He'asisi 'oina 'ihepwaila 'igwae, ‘Silogwahategauwa geya huhunamo.’

Paihowa 4:11

Yesuina gide logidi, ma to'abi hada 'omi logidiina walogwahateya, ma hesi tuta bewa 'ihelogidi nugeta ma logidi mabwaiyadi 'iloinaedi.

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

1 Pita 2:6

Gidemusa wete Buki He'asisi 'oina 'igwaeya, “Wa'ita logidi bewa bwebwe'ana ma hesihesinuwaina yalagulagu nugete hada 'ana 'abi weyahina 'asa Saiyoni 'oina. Ceguma taiyawedi sihemisa tauna 'oina geya'abwa sideba mwadina.”