Luke 18:32 - Loina Nuahuana

³² Nugeta si'ebwayaegau taudi geya meYudiya 'oidiya, ma silotuyanegau ma si'abihedeba mwadinegau ma si'esohegau,

Luke 18:32 ပူးပေါင်းရင်းမြစ်များ

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 20:19

ma muliyetega si'ebwayegau taudi geya meYudiya 'oidiya, ma silotuyanegau, ma balaeyega sisapigau, ma kelose 'oina situtu hepatugau, ma sabwelo hetoina 'oina Yehoba 'i'abihe toholo hilegau.”

Madiu 22:6

ma tupwadi wete bada 'ina topaihowao si'abiyahidiya, ma si'abihe mwadinediya, ta silohe'amasidiya.

Madiu 26:67

Coinega tupwadi manina si'esoheya, ma tupwadi sisapisapiya ta sihehesilala,

Madiu 27:2

Coinega Yesu nimana sipaidiya ma sitauyeya toloina madouna Pailato 'oina, ma 'abehega Pailatoina 'ida loina.

Maki 14:65

Nage 'oina tupwadi tomota Yesu si'esoheya, ma matana 'ale'owega siwaduya, ma sihunu dadaneya ma'idi 'ehetete, sigwaeya, “Cuhegwaemai taiya 'ihunugowa?” Ma to'ita yahinedi Yesu si'abiyahiya, sisapiya ta sitauyeya.

Maki 15:1

Gona 'i'adaleya ma topwaoli madoudi ta babadao ta loina 'adi tohe'itao ta wete toloinao mabwaiyadi si'eto'autama, ma siloina Yesu weyahina, 'oinega nimana sipaidiya ma sitauyeya Pailato 'oina ma 'abehega Pailatoina 'iloinae.

Luke 18:33

ta wete balaeyega sisapigau, ma silohe'amasigau, ta sabwelo hetoina 'oina 'amasega yatoholo hila.”

Luke 23:1

Coinega mabwaiyadi sitoholowa, ta Yesu sitoeya ta sitauyeya toloina madouna sanina Pailato 'oina, sabi yatalae.

Luke 23:11

Ma 'oinega Helodi ma'ina tolo'alehao Yesu silolotuyaneya ta si'ahwa galegaleya. Ma muliyetega kini 'ana 'wama sihe'oteya ma sihesumane hileya Pailato 'oina.

Luke 23:35

Nage 'oina tomota si'e'ebubuna, ta meYudiya 'adi tohanugetao Yesu silolotuyaneya, sigwaegwae, “Hali tomota 'i'abihetediya, ma hana bewa tuwa tauna 'ida 'abihete, 'eguma tauna To'abihetena Keliso Yehoba 'oinega.”

Yoni 18:22

Yesu 'ina hemaisao 'ihepwailediya 'igumwala, 'oinega 'aigeda tolo'aleha deina 'itoholo ma nimana 'oinega Yesu 'i'ahu nahenaheya, ma 'ihegwaeya, 'igwae, “Taiya 'owa nige Topwaoli Madouna 'oina bewa gidemusa 'ugwae 'esa?”

Yoni 18:28

Coinega Yesu Kaiyapa 'ina hadega sitoehileya ma sitauyeya toloina madouna tauna Loma loheyaina sanina Pailato 'ina hada 'oina. Silatuwa ma gona 'i'adaleya. Coinega meYudiyaedi geya sawasawahidi ma toloinaina 'ina hada 'oina siluhu. Weyahina mumugadi 'eguma nuwanuwadi ma Hataona Guyaina si'ai, geya'abwa meLoma 'idi hada 'oina siluhuluhu, beno taudi 'idi he'asisi.

Yoni 18:30

Coinega meYudiyaedi sihemaiseya sigwae, “Loheya bewa 'eguma moisa geya 'ina puimo, geya'abwa wete 'atoetoeyama 'oiuwa.”

Yoni 18:32

Gwae bewa 'ilatuwa ma 'oinega Yesuina 'ina gwaeina 'ina 'amasa weyahina 'ana moisa 'ilatu bwaibwaina, beno mwalona 'igwaeya togidega nata 'i'amasa 'esa.

Yoni 18:35

Ma Pailato 'igwaeya, “Cino nuwatuhu 'abehega taugu Yudiya loheyaina? Cowa hene 'uboi 'ino bodao ma'idi topwaoli 'idi babadao sitoegoma, 'oinega 'uhepwaila bwaibwaina to'aha 'ino pui?”

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Paihowa 3:13

ma hesi Yehoba 'ina waiwaiyega, tauna Ebalahamo ma Aisake ma Yakobo 'idi Yehoba, ta tubudao 'idi Yehoba. Yehobaina 'ina hewali Yesu sanina 'i'abihaneheya, tauna mwalo Pailato nuwanuwana ma 'ilihasi, ma 'omi wamwehihiyeya, ta wa'ahwa galagalaeya Pailato matana.