Luke 16:26 - Loina Nuahuana

²⁶ Ma wete 'uda sanapu 'abehega gamwagamwanida sa'ala madouna 'imiyamiya, 'iwatahigita, 'oinega geya sowasowahina ma bewa 'oinega 'ahabalawa 'oimiya. Comi wete, geya sowasowahimi ma wahabalama 'oima.’

Luke 16:26 ပူးပေါင်းရင်းမြစ်များ

Madiu 25:46

Coinega taudi sitauya muya hataya 'oina, ma todumwalu hesi yawasi hataya siloba.”

Luke 12:59

Ma yahegwaego hesi sahena wete 'ulatulatu ma 'ana siga 'a buki mabwaiyana 'uhemaisa hegumwalidi!”

Luke 16:25

“Ma Ebalahamo 'ihegwaeya, 'igwae, ‘Natugu, 'usanapuya 'abehega mwalo yawasiu mabwaiyana yaliyayamo, ma hesi Lasalo geya 'aigeda 'ebeyaliyaya 'iloba. Coinega bewa tutaina tauna ma'ina yaliyaya, ma 'owa 'umuyamuya.

Luke 16:27

“Towasawasaina 'igwaeya, ‘Ee bwebwe'ana, ma benomo nuwanuwagu ma Lasalo 'uhewasae 'igu bodao 'oidiya,

Yoni 3:36

Coinega taiyawedi 'omi 'eguma Yehoba natunaina wahemisae, nata yawasi hataya waloba. Ma hesi taiyawedi 'omi 'eguma Yehoba natunaina geya wahemisae, nata geya'abwa yawasi hataya walobaloba, ma hesi 'omi nata Yehoba 'ina gamwasowala 'oimiya geya'abwa 'igumwagumwala.”

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.

Heꞌitaꞌita 22:11

Ma 'oinega taudi togala, tuwa galana 'oidiya 'imiya hataya, ta 'eguma taudi mumugadi bi'ibi'ina, tuwa bi'i 'oidiya 'imiya hataya, ta 'eguma taudi mumugadi bwebwe'adi, mumugadi 'ibwebwe'ana hataya, ma taudi 'asi'asilaladi, 'asilalaina 'oina simiya hataya.”