Luke 16:2 - Loina Nuahuana

² Coinega, towasawasaina 'ina topaihowaina 'ibwauweyama, ma 'ihegwaeya, 'igwae, “Hepwaila galadi weyahiu yahesagoheya 'oinega bewa tuwa 'igu tobwatobwa 'adi pepao 'u'ebwae hilegau, ma 'oiguwega 'ulatu.”

Luke 16:2 ပူးပေါင်းရင်းမြစ်များ

Madiu 12:36

“Coinega yahegwaegomi 'abehega sabwelo yatala 'oina 'omi 'imi gwae bwagabwaga mabwaiyadi weyahidi Yehoba 'ihesilalegomi, ma huhuna wahepwaile latuwedi.

Madiu 20:8

“Coinega boi hohau 'oina tanoha toniwagana 'ina paihowa 'ana to'itayahi 'ihegwaeya, 'igwae, ‘Topaihowao mabwaiyadi 'ubwauwedima ma 'adi maisa 'u'ebwaedi, taudi tonaoma hauhaudi 'oidiyega 'uhegaina ma 'adi maisa 'u'ebwa'ebwaedi, ma 'ana siga taudi sabwelo mabwaiyana 'oina sipaihoweya.’

Luke 12:20

Ma Yehoba loheyaina 'oina 'igwaeya, ‘Loheya yauyauleiu! Hinuwana bewa yawasiu 'ilolagu, ma tobwatobwaedi 'ulagulagudiya, taiya nata weyahina?’”

Luke 12:42

Ta Yesu 'igwaeya, “Topaihowa bwebwe'adi ma sanasanapuidi mumugadi bewa gide, 'eguma taiya tauna 'ina bada 'ihesinuwe ma hada 'i'itayahi, ma 'iyanao 'adi 'i'ebwaedi sabwelo 'aigeda 'aigeda 'oidiya,

Luke 16:1

Wete Yesu gwae hegehegedi 'aigeda 'ana tomuliyao 'i'ebwaediya, 'igwae, “Loheya towasawasa ma'ina topaihowa, tauna 'ina wasawasa 'ana to'itayahina, ta 'aigeda tuta 'oina tupwadi loheloheya wasa si'eweyama towasawasaina 'oina, sigwaeya, ‘Bada, 'ino topaihowaina 'ino tobwatobwa 'ihehepaipaisiyedi.’”

Luke 16:3

“Coinega topaihowaina 'inuwatuhuwa ta 'igwae, ‘Togidega nata yapaihowa 'esa, weyahina 'igu badaina 'ilogwahategauwa? Geya sowasowahina ma yatanoha paihowa, ma wete debamwadina 'eguma yatautauya tomota 'oidiya, 'e'ahai weyahina yalo'ahwa'ahwanoi.’

Loma 14:12

Eema 'aigeda 'aigeda nata taboi mumugada tahepwailedi Yehoba 'oina.

1 Kolinita 1:11

Weyahina tupwadi Kiloe 'ina bodao sihegwae pwaigauwa 'imi he'ohe'ohe weyahidi.

1 Kolinita 4:2

Cima paihowaina 'oina 'ilobwaineya ma 'apaihowa bwaibwaina.

1 Kolinita 4:5

Bewa tuwa sahena 'eta taiya 'iyanao 'oidiya 'ihesihesinuwa 'abehega bwebwe'adi bo galadi, weyahina 'abwa 'ida Bada 'inaoma ma 'iboinamo 'iloinaegita. Ta 'ina loinaina dumwaluna weyahina 'ida nuwatuhu galadi 'ateda Yehoba 'i'abilatuhedi ma 'iloinaegita, eema 'ida nuwatuhu bwebwe'adi 'i'abilatuhedi, ma weyahidi 'i'ahwa bwebwe'anegita.

2 Kolinita 5:10

Weyahina 'abwa 'eguma tutaina Keliso 'ina wagahata wasawasa 'oina 'imiyatoi sabi loinegita, mabwaiyada 'ada maisa 'oinega taloba, nuwana 'ausalana nuwana galana, gide 'ida paihowao bale'uwa.

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

1 Timoti 5:24

Tomota tupwadi 'idi pui 'atamanega silatuwa ma weyahidi 'adi loina nata siloba. Ma tupwadi dahwadahwaidi 'idi pui, ma hesi 'abwa simiya latu.

1 Pita 4:10

Ma 'aigeda 'aigeda Yehoba heguheguyai hagana ma hagana 'i'ebwae pwaigomiya, 'oinega heguheguyaiyedi 'oidiyega wapaihowa ma 'iyamiyao walemedi, ma 'oinega 'omi Yehoba 'ina topaihowa bwebwe'ami.

1 Pita 4:5

Ma hesi Yehoba tomota mayawasidi ma 'ama'amasidi 'abwa 'ibwa'omatadi, ma wete taudi tomiya ganamuli 'abwa siyatala matana.

Heꞌitaꞌita 20:12

Ma to'amasa mabwaiyadi ya'itediya, madoudi ta 'i'iudi, 'ebemiya wasawasaina matana sitotoholo, ta buki 'iyahalidiya, ma 'aigeda wete buki 'iloyahaliya, tauna yawasida 'ana buki, ta to'amasao 'iloinediya, to'aha gide mumugadi lelelelena bukiyedi 'oidiya 'imiyamiya.