Luke 13:33 - Loina Nuahuana

³³ “Ma taugu 'abwa yatautau Yelusalema, nata ta gona ta hedabaha yalatu, ma nobwa ya'amasa, weyahina palopitao mabwaiyama 'ima 'ebe'amasa Yelusalema.” Coinega Yesu nuwana 'igala ta Yelusalema weyahina 'idouwa, 'igwae,

Luke 13:33 ပူးပေါင်းရင်းမြစ်များ

Madiu 20:18

'igwae, “Bewa tuwa tahanehane Yelusalema, ma nobwa 'agu totebaina taugu Loheyaiguina 'itebaegau topwaoli madoudi ma loina 'ana tohe'itao 'oidiya, ma 'igu 'amasa weyahina siloina,

Madiu 21:11

Ma 'ana 'wayabuwao tomotaedi 'idi gwae sihemaiseya, sigwae, “Bewa palopita, gwama Nasaleta, sanina Yesu, Galili 'ina 'ebeloina 'oinega 'inaoma.”

Luke 9:53

Ma hesi tomiya 'asaedi geya 'oidiya sitagwatagwala, weyahina sinuwatuhuya Yesu geya 'idi gogo 'oina 'itautauya, ma hesi 'itautauya Yelusalema.

Yoni 11:54

Nage 'oina Yesu meYudiyaedi geya matadiya 'ida ha'ata'atamana, 'oinega 'i'ebesinediya ma 'itauya 'asa 'aigeda madouna 'oina sanina Epileimi, yoho 'awawa deina, ma nobwa ma'ana tomuliyaedi 'oina simiyamiya.

Yoni 11:9

Coinega Yesu 'ana tomuliyaedi 'ihegwaediya 'igwae, “Sabwelo 'ana mabwaiyana beno gonagona 'oinega ma 'itauya 'ana siga lahilahi. Sabweloina 'oina 'eguma 'eta taiya loheya 'itauya, nata geya'abwa 'ihehetupatupa. Weyahina gogo gabulena 'ana maedana 'imiyamiya.

Yoni 12:35

Cidi gwaeina Yesu 'ihemaiseya 'igwae, “Sauga 'i'iuna 'oina maedana 'oimiya 'imiyamiya, 'oinega bewa tuwa maedanaina 'oina watauya. Weyahina guguyou 'eguma 'ilatuma, nata geya sowasowahimi ma 'eda wa'ita. Weyahina taiya 'eguma guguyou 'oina 'itauya, geya sawasawahina ma 'isanapu to'eha 'itautauya.

Yoni 4:34

Muliyetega Yesu 'ana tomuliyaedi 'ihegwae hilediya, “Bewa tauna 'aguina: Tauna 'ihesumanegauma 'ina nuwatuhu yapaihowadi ma 'ina paihowa mabwaiyana yalosalohidi.”

Yoni 9:4

Tauna 'ihesumanegauma 'ina paihowa sowasowana tapaihowadi sabwelo 'oina, weyahina nihuwana 'eguma 'ilatu, geya sowasowahina tapaihowa.

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Paihowa 13:27

Ta Yelusalema 'ana tomiyao, ma 'idi babadao, To'abihetenaina geya sisanapu, ma wete palopitao 'idi hepwailao Sabati 'aigeda 'aigeda sihasihasili totapwalolo 'oidiya, ma hesiyage geya sisanasanapudi, ta hesi To'abihetenaina sitebaeya, 'oinega palopitao 'idi hepwaila nugetao mwalona hene 'adi moisa tuta bewa si'abilatuheya.