Luke 12:37 - Loina Nuahuana

³⁷ Ma 'eguma simata pa'ali ma si'atu'atububudi ma siyamwayamwa ma 'ilobadi, nata siyaliyaya madouna. Yagwae moisa 'oimiya 'idi badaina nata 'wama 'ebe paihowa 'i'ote, ma hewaliyaowedi simiyatoi ma tauna weyahidi 'ida hetopaihowa.

Luke 12:37 ပူးပေါင်းရင်းမြစ်များ

Madiu 24:42

“Coinega wa'itayahi bwaibwaini, weyahina 'igu hilama 'ana tuta geya wasanapu.

Luke 12:36

gidemusa hewahewaliyao 'idi bada siyamwayamwa 'ina hilama hai 'e'ahaina 'oinega. Ma 'eguma to tuta 'oina 'ilatuma ma 'ahwa'eda 'oina 'i'etunatuna, dumwaluna tuwa 'ahwa'edaina siso'e ma 'iluhuma.

Luke 12:43

'abwa 'eguma badaina 'ihilama ma 'ina topaihowa 'iloba 'ipaipaihowa bwaibwaina, nata weyahina 'iyaliyaya ma 'oina 'igwae,

Luke 17:8

ma hesi 'ugwae, ‘Cagu 'u'atububu ma 'u'itayahigau ma ya'ai, ma 'oinega 'owa muliyetega 'u'ai ma 'unuma.’

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Luke 22:27

“Ma to'aha wanuwatuhuya, 'abehega taiya lohanena, 'eguma 'aigeda 'imiyatoi 'i'ai'ai ta 'aigeda weyahina 'ihehetapewa? Nuwana tauna to'ai 'awa? Ma taugu tuwa tohetapewaina, weyahina wa'ita taugu gamwagamwanimiya bewa tuwa yahetahetapewa, ta taugu gide 'imi hewali.

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

1 Kolinita 2:9

Ta hesi 'ida yaliyayaina weyahina Buki He'asisi 'ina hepwaila 'igwaeya, “Sahena tagwaegwae Yehoba 'ana tohelauwao 'adi lema bwebwe'ana hedadena 'i'atububuya. Geya 'eta loheya 'ida 'iteya bo 'ihesagohe ma 'ida nuwasabwalena lemaina, weyahina bwebwe'ana hedada.”

Pilipai 1:21

Ceguma yamiya bale'uwa beno Keliso ba'idagu, ma hesi 'eguma ya'amasa beno Keliso 'oinega loheposeyana yaloba.

Pilipai 1:23

Weyahina ginaula 'eluwa 'oidiyega 'adi hesinuwa 'oiguwa mwau hedada. Nuwanuwagu ma bale'u bewa ya'ebesine ma Keliso mahetegu 'amiya, beno 'ebe yaliyaya madouna.

2 Pita 1:11

ma 'oinega muliyetega ma'imi yaliyaya waluhu 'ida Bada ma 'ada To'abihetena Yesu Keliso 'ina 'ebeloina 'oina ma nobwa wamiya hataya.

2 Pita 3:14

Ciyagwao, 'imi yamwana 'ana tuta watoho waiwai eeta 'eguma 'itauyama 'ilobwainegomiya ma 'imi mumuga bwebwe'ana mabwaiyana, ma nuwadaumwalega wamiyamiya.

Heꞌitaꞌita 14:13

Eeta galewega 'enana yahesagoheya 'igwaeya, “Bewa 'ulele 'abehega taiyewedi 'ida Bada 'ana tohemisao, 'eguma 'abwa si'amasa, sida yaliyaya tuwa.” Ma Yaluyaluwa Tabuna wete 'igwaeya, “Moisa tuwa siyaliyaya, weyahina 'abwa si'aiyawasi 'idi paihowa madouna 'oinega, ma 'ana maisa siloba.”

Heꞌitaꞌita 16:15

“Wahesagoha, 'abwa 'igu hapwesama gide toyagaha 'idi hapwesama tuwa, ma 'eguma 'owa taiya 'ulomatayahi ma 'a 'ale'o 'u'otemomosi, 'uyaliyaya, 'ane geya'abwa 'umwadina 'ino bugewa weyahina.”

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.

Heꞌitaꞌita 7:17

Weyahina Lamiina, tauna wagahata wasawasa 'alona 'imiyamiya, tauna 'adi to'itayahina, ma 'oinega 'ihanugetedi we'aha bwebwe'adi 'oidiya, yawasidi weyahina, ma Yehoba tauna mataneudi 'ilo'i'ilidi.”