Luke 12:17 - Loina Nuahuana

¹⁷ Eeta loheyaina 'iboinamo 'inuwatuhu dadana, ma 'igwaeya, ‘Celi'eli madouna ta 'igu hada 'e'ahai geya sowasowahina. Coinega to'aha yapaihowa?

Luke 12:17 ပူးပေါင်းရင်းမြစ်များ

Madiu 16:7

Coinega 'ana tomuliyaowedi siboidimo 'oidiya sigwaeya, “Nuwana Yesu 'ina gwae huhuna bewa weyahina 'ada 'ulaheya tanuwanaideya.”

Madiu 5:42

Ma wete 'eguma taiya 'i'ahwa'ahwanoi 'oiuwa ginaula 'aigeda weyahina, ginaulaina 'u'ebwae, ma sahena 'ino tobwatobwa 'unuwanuwahi.

Luke 10:25

Ma 'aigeda loina 'ana tohanugeta 'itauyama ma Yesu 'oina 'ihesilala sabi tohona, 'igwaeya, “Bada, to'aha yapaihowa ma yawasigu hataya yada loba?”

Luke 11:41

Ma 'ilobwainegomiya ma 'atemi 'ehe'ehele 'oinega wa'abihe 'asilaladi, ma 'oinega wa'asilala bwaibwaina.

Luke 12:16

Coinega 'ebe'ita 'i'ebwaediya gwae hegehegediyega, 'igwaeya, “Caigeda tohewasawasa 'ina tanoha madoudi ma baibaiwadi, ta 'eli'eli madouna 'oidiyega 'ilobeya.

Luke 12:18

Nuwana bewa gidemusa, hada 'e'ahai miyamiyadi yale'wa yahuledi, ma hauhaudi ta madoudi ya'abidi, ma 'oidiya 'e'ahai ta wete 'igu tobwatobwao mabwaiyana yahedodo,

Luke 12:22

Coinega 'ana tomuliyao 'oidiya 'igwaeya, “Sahena 'imi miya weyahina wanuwanuwatuhu madouna, 'amiwa ma 'ami 'ale'o weyahidi.

Luke 12:29

“Ma weteyage sahena wanuwanuwatuhu madouna nuwana wa'ateyoho 'e'ahai weyahidi.

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

Luke 16:3

“Coinega topaihowaina 'inuwatuhuwa ta 'igwae, ‘Togidega nata yapaihowa 'esa, weyahina 'igu badaina 'ilogwahategauwa? Geya sowasowahina ma yatanoha paihowa, ma wete debamwadina 'eguma yatautauya tomota 'oidiya, 'e'ahai weyahina yalo'ahwa'ahwanoi.’

Luke 16:9

Ta Yesu wete 'ihegwaediya, “Bale'u wasawasao galadi, ma 'eguma wasawasaedi 'oidiyega 'iyamiyao wahelauwedi, 'abwa taudi sihaesotegomi 'ebemiya hatayaina 'oina, tutaina wasawasaedi sigumwala.

Luke 18:22

Cina gwaeina bewa gide Yesu 'ihesagoheya, 'oinega 'igwaeya, “Caigeda ginaula tuwa 'ilosapuligowa, beno 'abehega 'ino tobwatobwa mabwaiyana 'uhegimwaneyedi ma 'adi maisa towewelohe 'oidiya 'uheguyaiyedi, ta 'oinega 'unaoma, 'umuliyegau ma 'oinega 'abwa 'ino wasawasa galewa 'uloba.”

Luke 19:17

“Coinega badaina 'igwaeya, ‘Causala! Cowa toguibiga moisa, weyahina ginaula 'i'iuna ma 'uhepaihowa bwaibwainiya, 'oinega maisau ya'ebwaego, beno 'asa teni 'oidiya 'uhetoloina.’

Luke 3:11

Ma Yoniina 'igwaeya, “Ceguma taiyawedi 'omi 'ami 'ale'o 'eluwa ma 'iyamiyao geya 'adi 'ale'omo, 'aigeda wa'ebwaedi. Ma wete gide 'eguma 'ami madouna, tupwana togomaleyao 'oidiya waheguyaiye.”

Paihowa 16:30

Ma muliyetega 'itoholo ta 'itoe latuhedima, ta 'igwae, “Babadao, wahegwaegau to'aha yapaihowa ma 'oinega Yehoba 'i'abihetegau?”

Paihowa 2:37

Loheloheyaedi Pita 'ina gwae bewa sihesagoheya ta weyahina sinuwagala moisa, ma Pita ma'iyanao 'oidiya sihesilala, sigwae, “Tasimao 'alopuiya. Togidega nata 'apaihowa 'esa?”

Loma 12:13

Ma 'eguma tasimiyao 'eta to'aha mwau 'ilatu 'oidiya, beno 'imi tobwatobwega wa'abihetedi, ma wete wabwauwedi 'imi hada.

1 Timoti 6:17

Ma bale'u 'ana wasawasao 'uhemataluwedi, ma sahena sinuwanuwahane 'idi wasawasa weyahidi, ma wete sahena sihehemisa 'abehega nata 'abwa 'ebe 'abihetena siloba 'idi wasawasaedi 'oidiyega, weyahina wasawasaedi gumwagumwalidi. Ma hesi tuwa Yehoba 'iboi 'oina sihemisa, weyahina Yehoba 'iboi to'ebwaya bwebwe'ana, ta 'ida 'ebe yaliyaya mabwaiyana tauna 'oinega silatulatuma.

1 Yoni 3:16

Ma wete helau tasanapuya, beno 'abehega Keliso yawasina 'itagwaleya ta weyahida 'i'amasa, 'oinega 'ilobwainegita wete ma yawasida tatagwale tasidao weyahidi.