Luke 10:20 - Loina Nuahuana

²⁰ Ta wete 'ihegwaediya, “Moisa 'imi paihowa hi'ahi'a 'oidiya waiwaina, ta weyahina wayaliyaya, ma beno geya ginaula madouna, ma hesi 'imi 'ebeyaliyaya madouna 'eguma sanimi galewa silele pwaidiya.”

Luke 10:20 ပူးပေါင်းရင်းမြစ်များ

Madiu 10:1

Yesu 'ana tomuliyao site tuwelo 'ibwauwediya ma loina ma waiwai 'i'ebwaediya ma 'oinega sawasawahidi hi'ahi'a tomota 'oidiyega siulalatuhedi ma lohala ma we'a 'oidiyega tomota si'abihe bwebwe'anedi.

Madiu 26:24

Taugu Loheyaiguina 'abwa yatautauya 'edaina mwalo Buki He'asisi 'oina sihepwaila nugeteya, ma hesi 'agu totebaina 'atemuyamuyaina, ma bwebwe'ana 'eguma mwalo sahena sinana 'ihehenatune.”

Madiu 27:5

Coinega mane tetiyedi 'iula suluhedi Hada He'asisi 'alona, ma 'ihapwesa ma 'itauya, ma balaeyega 'ani'ona 'ididi heyapasiya, ta 'i'amasa.

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

Ibeliu 12:23

ma wete wanaoma tomotaedi Yehoba 'i'ahwa natunediya, ta sanidiyao galewa 'ilelediya 'oidiya, ma wete tauna tauda ta ginaula mabwaiyana 'ada Toloina, beno Yehoba 'oina, ma wete taudi yaluyaluwadi Yehoba 'i'abihe dumwaludiya 'oidiya,

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

Heꞌitaꞌita 17:8

Hebaiina 'u'iteya mwalo mayawasina ma 'i'amasa pwaiya, ma 'abwa 'ilatuma gaulaina madouna 'oinega ma 'itauya, ma 'oinega sigihegala bwaibwaini. Ta tomota mebale'u, taiyewedi taudi sanidi Yehoba geya 'ilele yawasi bukina 'alona, tutaina bale'u 'ana hemasalaha hauhau 'oina, taudi hebaiina 'abwa si'ita ma nuwadi 'ihenainaida, weyahina mwalo mayawasina, ta tuta bewa 'i'amasa pwaiya, ma 'abwa 'ilatu hilama.

Heꞌitaꞌita 20:12

Ma to'amasa mabwaiyadi ya'itediya, madoudi ta 'i'iudi, 'ebemiya wasawasaina matana sitotoholo, ta buki 'iyahalidiya, ma 'aigeda wete buki 'iloyahaliya, tauna yawasida 'ana buki, ta to'amasao 'iloinediya, to'aha gide mumugadi lelelelena bukiyedi 'oidiya 'imiyamiya.

Heꞌitaꞌita 20:15

Ma 'eguma taiyewedi geya sanidi 'ilobaloba yawasida bukina 'oina 'iuledi 'asa 'ala'alata 'oina.

Heꞌitaꞌita 21:27

Ta geya'abwa ginaula bi'ibi'idi 'asaina 'oina siluhuluhu, nuwana topaihowa galadi bo to'e'abo'abowao. Beno tuwa taudi sanidi silele pwaiya Lamiina 'ina bukiya, beno yawasida bukina 'oina.

Heꞌitaꞌita 3:5

“Gidemusa tuwa 'omi taiyawedi wahewaiwai, 'omi wete 'ami 'ale'o wa'ewa'e'edi wa'otedi, ma geya'abwa sanimi yawasi bukina 'oinega yale'wale'wa yahule, ma hesi sanimiyedi 'abwa ya'inanadi Tamagu ta 'ina aneloseyao 'oidiya, 'abehega 'omi 'igu boda.