Luke 1:77 - Loina Nuahuana

⁷⁷ beno 'ina tomotaiyao 'uhenuwalagudi ma 'abehega mumuga galadi 'adi nuwasam 'oidiyega 'adi 'abihetena siloba.

Luke 1:77 ပူးပေါင်းရင်းမြစ်များ

Luke 3:3

Nage 'oina Yoni 'itoholowa, ma Yolidani tupwainao 'oidiya 'itauya, ma tomota 'oidiya 'iguguya, 'igwaeya, “Cimi paihowa galadi waguipailedi ma ya'abihe babitaisogemi ta 'oinega Yehoba 'imi puiyao 'ida nuwasamudi.”

Luke 3:6

Ma 'oinega tomota mabwaiyadi Yehoba 'ina 'abihetena si'ita.’”

Yoni 1:29

Ci'adaleya, Yoni Yesu 'i'iteya 'itautauyama 'oina. Ma Yoni boda 'ihegwaediya 'igwae, “Loheya nage 'itautauyama Yehoba 'ina lami, tauna 'abwa mebale'u weyahida 'i'amasa, ma 'ida puiyao 'i'ewa yahuledi.

Yoni 1:34

Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Paihowa 10:43

“Palopitao wete mwalona sihepwaila nugeteya 'abehega 'eguma taiyawedi Yesu 'oina sihemisa, nata 'idi puiyao Yehoba 'inuwasamudi Yesu tauna saninega.”

Paihowa 19:4

Ta Paulo 'ihegwaediya, “Yoni 'ina babitaiso beno nuwabui mumuga galana weyahina, ma 'ihemataluwegomiya ta 'abehega Yesu wahemisae, tauna 'abwa 'imulimuliyama.”

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Loma 3:25

Moisa tuwa, Yehoba natuna 'itagwaleya ma 'abehega 'ina 'amasega 'itoehilegita Yehoba 'oina, ma mahetedai tahe'iya'iyagu, beno 'eguma Yesu tahemisae. Bewa 'oinega Yehoba mumugana bwebwe'ana 'ihe'itegita, weyahina mwalo heneyage mumugada galana geya 'ida hemaisediya, ma tuwa 'i'alama'i'itana 'ana siga Yesu Keliso 'ihewasaeyama, 'isuluma 'oida.

Epeso 1:7

Eeta Natuna bweyahinega 'ilihasigita 'ida puiyao 'oidiyega ta Yehoba 'inuwasamudiya, beno tauna 'ina helau madou hedada 'i'ebwaegita. Ta 'ana madou geya 'ana lihemo.